ଆଦର୍ଶ ପାଠାଗାରର ୩୦ତମ ପୁସ୍ତକ ମେଳାର ସପ୍ତମ ଦିନ
କଲଚରାଲ ଏକାଡେମୀ ର ସାହିତ୍ୟ ସଭା
ରାଉରକେଲା : ଆଦର୍ଶ ପାଠାଗାର ଆୟୋଜିତ ୩୦ତମ ରାଉରକେଲା ପୁସ୍ତକମେଳାର ସପ୍ତମ ସନ୍ଧ୍ୟାରେ କଲଚରାଲ ଏକାଡେମୀ ର ସାହିତ୍ୟ ସଭା ଅନୁଷ୍ଠିତ ହୋଇଯାଇଛି । ପ୍ରଥମ କାର୍ଯ୍ୟକ୍ରମରେ ପାଠାଗାରର କାର୍ଯ୍ୟକାରୀ ସଭାପତି ରାଧାକାନ୍ତ ମିଶ୍ର ଙ୍କ ସଭାପତିତ୍ବ ଓ ସମ୍ପାଦକ ଅଶୋକ କୁମାର ବଳଙ୍କ ସଂଯୋଜନାରେ ପ୍ରଥମ 
ପର୍ଯ୍ୟାୟର ଉଦଘାଟକ ଭାବେ ବିଷ୍ଣୁ ଚରଣ ମହାନ୍ତି ଯୋଗ କାର୍ଯ୍ୟକ୍ରମକୁ ଉଦଘାଟନ କରିଥିଲେ। ଉଦଘାଟକ ଶ୍ରୀ ମହାନ୍ତି ପାଠାଗାରର ପୁସ୍ତକମେଳା ଓ ସାହିତ୍ୟ ସଭା ଆୟୋଜନ କରି ପାଠାଗାରର ସାହିତ୍ୟ ପ୍ରତି ପ୍ରତିବଦ୍ଧତା ଓ ଏହାର ପ୍ରଚାର ପ୍ରସାର କିପରି ଅନ୍ୟମାନଙ୍କ ପାଇଁ ଉଦାହରଣ ହୋଇଛି,ସେ ସମ୍ପର୍କରେ ଆଲୋଚନା କରିଥିଲେ। ଶେଷରେ ସାଧାରଣ ସମ୍ପାଦକ ସୁକାନ୍ତ ଚନ୍ଦ୍ର ଖୁଣ୍ଟିଆ ଧନ୍ୟବାଦ ଅର୍ପଣ କରିଥିଲେ। ଦ୍ବିତୀୟ କାର୍ଯ୍ୟକ୍ରମ କଲଚରାଲ ଏକାଡେମୀ ଆନୁକୂଲ୍ୟରେ ସାହିତ୍ୟ ସଭା ଅନୁଷ୍ଠିତ ହୋଇଥିଲା । ଏକାଡେମୀ ର ସଭାପତି ପଶୁପତିନାଥ ଚାଟାର୍ଜୀ ଙ୍କ ସଭାପତିତ୍ବ ଓ ସାଧାରଣ ସମ୍ପାଦକ କାଶୀନାଥ ପାତ୍ର ଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ମିଟୁ ର ରାଷ୍ଟ୍ରୀୟ ଉପାଧ୍ୟକ୍ଷ ବିଷ୍ଣୁ ଚରଣ ମହାନ୍ତି ମୁଖ୍ୟଅତିଥି ଓ ମୁଖ୍ୟବକ୍ତା ଭାବେ ଅଧ୍ୟାପକ ଡ଼ଃ ନଗେନ ଦାସ, ସମ୍ମାନିତ ବକ୍ତା ଭାବେ ସ୍ତମ୍ଭକାର ଭୂପେନ ମହାପାତ୍ର ଯୋଗଦେଇ ଆଲୋଚ୍ୟ ବିଷୟ ” ରାଉରକେଲା ପ୍ରଗତିଶୀଳ ସାହିତ୍ୟରେ ରୂପକାର ଲକ୍ଷ୍ମୀଧର ମହାପାତ୍ର”ଙ୍କ ଜୀବନାଦର୍ଶ ଓ ତାଙ୍କ ଦ୍ବାରା ସୃଷ୍ଟି ସାହିତ୍ୟ ସମ୍ପର୍କରେ ଆଲୋଚନା କରିଥିଲେ। ଡ଼ଃ ଦାସ ତାଙ୍କ ବକ୍ତବ୍ୟରେ ଲକ୍ଷ୍ମୀଧର ଙ୍କ କଲଚରାଲ ଏକାଡେମୀ ସହ ସମ୍ପୃକ୍ତି ଓ ତାଙ୍କ ଦ୍ବାରା ପ୍ରଗତିଶୀଳ ସାହିତ୍ୟର ବିକାଶ କିପରି ହୋଇଥିଲା, ସେ ସମ୍ପର୍କରେ ଆଲୋଚନା କରିଥିଲେ । ସମ୍ମାନିତ ବକ୍ତା ଶ୍ରୀ ମହାପାତ୍ର ତାଙ୍କ ସହ ବିତାଇଥିବା ମୁହୁର୍ତ୍ତ ଓ ତାଙ୍କର ରହଣି କାଳରେ ସାହିତ୍ୟ କିପରି ବିକଶିତ ହୋଇଥିଲା ସେ ସମ୍ପର୍କରେ ଆଲୋକପାତ କରିଥିଲେ। ମୁଖ୍ୟଅତିଥି ଶ୍ରୀ ମହାନ୍ତି ତାଙ୍କ ବକ୍ତବ୍ୟରେ ଲକ୍ଷ୍ମୀଧରଙ୍କ ସାହିତ୍ୟକୃତି ଅନବିଦ୍ୟ ସୃଷ୍ଟି ବୋଲି ମତ ରଖିବା ସହ ସାଧାରଣ ଜନତାଙ୍କ ସ୍ବର କୁ କବିତା ଓ ସାହିତ୍ୟ ମାଧ୍ୟମରେ ପ୍ରକାଶ କଲେ ତାହା ପାଠକଙ୍କ ମଧ୍ୟରେ ଆଦୃତ ହେବ ବୋଲି କହିଥିଲେ। ପ୍ରାରମ୍ଭରେ ସଭାପତି ଶ୍ରୀ ଚାଟାର୍ଜୀ ସ୍ବାଗତ ଭାଷଣ ଓ ଅତିଥି ମାନଙ୍କ ପରିଚୟ ପ୍ରଦାନ କରିଥିଲେ । ସେ ତାଙ୍କ ଅଭିଭାଷଣରେ ଏକାଡେମୀର ପ୍ରଗତିଶୀଳ ସାହିତ୍ୟ ପ୍ରତି ପ୍ରତିବଦ୍ଧତା ଓ ସମ୍ପାଦକ ଶ୍ରୀ ପାତ୍ର ଅନୁଷ୍ଠାନର ଆଭିମୁଖ୍ୟ ସମ୍ପର୍କରେ ମତ ରଖିଥିଲେ।
ଦ୍ବିତୀୟ ପର୍ଯ୍ୟାୟରେ କବିତା ପାଠୋତ୍ସବ କାର୍ଯ୍ୟକ୍ରମ ଡାକ୍ତର କୃପାସିନ୍ଧୁ ନାୟକ ଙ୍କ ସଭାପତିତ୍ବ, କବି ବଳରାମ ରାଉଳ ଓ ମୀନକେତନ ପଶାୟତ ଙ୍କ ସଂଯୋଜନାରେ ସହରର ବହୁ କବି ତଥା ସ୍ବରଚିତ କବିତା ପାଠ କରିଥିଲେ । ଶେଷରେ ଶ୍ରୀ ରାଉଳ ଧନ୍ୟବାଦ ଅର୍ପଣ କରିଥିଲେ।
ଅନ୍ୟମାନଙ୍କ ମଧ୍ୟରେ ପାଠାଗାରର ସଭାପତି ଚନ୍ଦ୍ରଶେଖର ଶତପଥୀ,ଡାକ୍ତର ବସନ୍ତ କୁମାର ଦାସ, ପର୍ଶୁରାମ ପଟ୍ଟନାୟକ,କୁଞ୍ଜବିହାରୀ ରାଉତ , କରୁଣାକର ପାଟ୍ଟଶାଣୀ,ଟୁକଲା ପାଢ଼ୀ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
