ଆଜିର ମୁଁ ଯୁବପିଢି
ପିତାମାତାଙ୍କୁ ମୁଁ କରେ ଅନାଦର
ଚୋରା ପିରତି ଯେ ଲାଗୁଛି ସୁନ୍ଦର
ନିଜ ଭଉଣୀକୁ କରୁଛି ଶାସନ
ପରଝିଅ ଦେଖି ହୁଏ ଉତାଶନ ।।
ପରିବାର ଲୋକ ଲାଗନ୍ତି ଯେ ପିତା
ପଢେନାହିଁ ଦିନେ ପୁରାଣ କି ଗୀତା
ଥିଲେ ମୋବାଇଲ ଅଛି ସବୁ ମୋର
ନିଜ ଲୋକ ଆଜି ହୋଇଛନ୍ତି ପର ।।
ଚିରାଫଟା ବସ୍ତ୍ର କରୁଛି ଧାରଣ
ବିପଦକୁ ନିତି କରୁଛି ବରଣ
ସ୍ମାଟଫୋନ ଏକା ଅଟଇ ନିଜର
ଘରକାମ କଲେ ଆସିଯାଏ ଜର ।।
ଦେବୀମାତାଙ୍କୁ ଯେ କରୁଥାଏ ପୂଜା
ବଳାତ୍କାରୀ ସାଜି ଉଡାଏ ମୁଁ ଧ୍ୱଜା
ମାତୃଦିବସରେ ଛାଡୁଛି ଷ୍ଟାଟସ
ଅନ୍ୟଦିନେ ମାଆ ଲାଗୁଥାଏ ବିଷ ।।
ଇଂରାଜୀ ଚୋବାଇ ସ୍ମାଟ୍ ହୋଇଛି
ରାତି ହୋଇଗଲେ କ୍ଲବ୍ ଧାଉଁଛି
ବେଶଭୂଷା ହୋଇ ଦେଖାଉଛି ଭଦ୍ର
ନିଶା ପଡିଗଲେ ହୁଏ ମୁଁ ଅଭଦ୍ର
ପିତାମାତାଙ୍କୁ ମୁଁ କରେନି ସମ୍ମାନ
ରାଗ ପଶିଗଲେ କରେ ଅପମାନ
ପାଠକଥା ଶୁଣି ଘୁରିଯାଏ ମୁଣ୍ଡ
କେହି ନାହିଁ ମତେ ଦବ ଯିଏ ଦଣ୍ଡ ।।
ନଗ୍ନତାର ଦୃଶ୍ୟକୁ ମୁଁ ଦେଖୁଥାଏ ନିତି
ମୋବାଇଲ ଖେଞ୍ଚିଖେଞ୍ଚି ବିତିଯାଏ ରାତି ।।
ମୋ ଲାଗି ବାପାଙ୍କର ନଈଁଯାଏ ମଥା
ଶୁଣନ୍ତି ସେ ଲୋକଙ୍କଠୁ ନିତି କେତେ କଥା ।।
ମୁକ୍ତିରାଣୀ ଦେବତା
ମନ୍ଦାରଖଣ୍ଡ,ଯାଜପୁର
