ବିଶାଳ ତ୍ରିରଙ୍ଗା ଶୋଭାଯାତ୍ରାରେ ଯୋଗଦେଲେ ପଞ୍ଚାୟତରାଜ ମନ୍ତ୍ରୀ
ଖଇରା,୦୯/୬/୨୫- ଅପରେସନ ସିନ୍ଦୂର ଉପଲକ୍ଷେ ବାଲେଶ୍ବର ଜିଲ୍ଲା ଖଇରାରେ ବିଶାଳ ତ୍ରିରଙ୍ଗା ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ଉକ୍ତ ଶୋଭାଯାତ୍ରାର ନେତୃତ୍ବ ନେଇଥିଲେ ସ୍ଥାନୀୟ ବିଧାୟକ ପଦ୍ମଲୋଚନ ପଣ୍ଡା । ବ୍ଲକର ଶେଷ ସୀମା ତୁଡିଗଡିଆ ଠାରୁ ଶୋଭାଯାତ୍ରା ଆରମ୍ଭ ହୋଇ ବ୍ଲକ କାର୍ଯ୍ଯାଳୟ ପର୍ଯ୍ୟନ୍ତ ଆସିଥିଲା । ଏଥିରେ ମୁଖ୍ୟ ଅତିଥି ଭାବେ ପଞ୍ଚାୟତରାଜ ମନ୍ତ୍ରୀ ରବିନାରାୟଣ ନାଏକ ଯୋଗଦେଇ ଶୋଭାଯାତ୍ରାର ଶୋଭା ବର୍ଦ୍ଧନ କରିଥିଲେ । ଚେୟାରମ୍ୟାନ ଅଭିଲିପ୍ସା ସାହୁ, ଦଳୀୟ ସ୍ଥାନୀୟ ନେତା ରାଜେଶ ରାଉତଙ୍କ ସମେତ ଶହଶହ ଦଳୀୟ କର୍ମୀ ଯୋଗ ଦେଇଥିଲେ । ଶୋଭାଯାତ୍ରା ପରେ ପରେ ସାଧାରଣ ସଭା ଆୟୋଜିତ ହୋଇଥିଲା । ମଞ୍ଚାସୀନ ବିଭିନ୍ନ ନେତାମାନେ ଅପରେସନ ସିନ୍ଦୂର ବିଷୟରେ ଖୁବ୍ ସୁନ୍ଦର ବକ୍ତବ୍ୟ ଦେଇ ସମସ୍ତଙ୍କୁ ନିଜର କରିବାରେ ସକ୍ଷମ ହୋଇଥିଲେ । ବକ୍ତା ମାନଙ୍କ ବକ୍ତବ୍ୟ ସୁନ୍ଦର ଓ ଶିକ୍ଷଣୀୟ ଥିଲା ଯେ ସଭା ସରିବା ପର୍ଯ୍ୟନ୍ତ କେହି ଉଠିକି ଯାଇନଥିଲେ । ସମସ୍ତେ ଡବଲ ଇଞ୍ଜିନ ସରକାରର ଗୁଣଗାନ କରିଥିଲେ । ଶେଷରେ ମାନ୍ଯବର ମନ୍ତ୍ରୀ ରବିନାରାୟଣ ନାଏକ ନୂତନ ପଞ୍ଚାୟତ ସମିତି କାର୍ଯ୍ଯାଳୟ ଗୃହର ଶୁଭ ଶିଳାନ୍ୟାସ କରିଥିଲେ । ମନ୍ତ୍ରୀଙ୍କ ଗସ୍ତ ଏବଂ ଶୁଭ ଶିଳାନ୍ୟାସ ଅଞ୍ଚଳବାସୀଙ୍କ ମନରେ ଏକ ନୂତନ ଆଲୋଡନ କରିଥିଲା ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
