ମୋଟରସାଇକେଲ ଦୁର୍ଘଟଣା ୧ ମୃତ, ୨ ଆହତ
ଡାବୁଗାଁ,୧୬/୧୦ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ଅଧୀନ ଲାଞ୍ଜିଆଗୁଡା ଛକ ନିକଟରେ ବୁଧବାର ରାତିରେ ମୋଟରସାଇକେଲ ଦୁର୍ଘଟଣା ଘଟି ୧ ଜଣ ଙ୍କର ମୃତ୍ୟୁ ଘଟିଥିବା ବେଳେ ୨ ଜଣ ଆହତ ହୋଇଛନ୍ତି | ସୂଚନାଯୋଗ୍ୟ:- ନବରଙ୍ଗପୁର ଜିଲା କୋଡିଗାଁ ଥାନା ଅଧୀନ ବାଦପୁର ଗ୍ରାମର କମଳସିଂ ଜାନୀ, ଉପେନ୍ଦ୍ର ଜାନୀ ଓ ଲାଲବାହାଦୁର ଜାନୀ ବୁଧବାର ଦିନ ନିଜ ଘରୁ ମୋଟର ସାଇକେଲ ଯୋଗେ ଝରିଗାଁ ବ୍ଲକ ଅଧୀନ ଇଚ୍ଛାପୁର ଗ୍ରାମକୁ କୌଣସି କାମରେ ଯାଇଥିଲେ | ନିଜର କାମ ସାରି ସନ୍ଧ୍ୟାରେ ସେଠାରୁ ବାହାରି ନିଜ ଘରକୁ ଫେରୁଥିବା ବେଳେ ଡାବୁଗାଁ ଥାନା ଅଧୀନ ଲାଞ୍ଜିଆଗୁଡା ଗ୍ରାମ ଛକ ନିକଟରେ ଏକ ବୁଲାଣିରେ ମୋଟର ସାଇକେଲ ଭାରସାମ୍ୟ ହରାଇ ରାସ୍ତାର ମାଇଲ ଖୁଣ୍ଟରେ ପିଟି ହୋଇଥିଲେ | ଯାହା ଦ୍ଵାରା ୩ ଜଣ ରାସ୍ତା କଡକୁ ଛତିକି ପଡି ଆହତ ହୋଇଥିଲେ | ତାଙ୍କୁ ସଙ୍ଗେ ସଙ୍ଗେ ସ୍ଥାନୀୟ ଲୋକେ ଆମ୍ବୁଲାନ୍ସ ଯୋଗେ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ | ସେଠାରେ କମଳସିଂ ଜାନୀ (୨୫) ଙ୍କ ଅବସ୍ଥା ଗୁରୁତ୍ତର ହେବାରୁ ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା | ସେଠାରେ ଚିକିତ୍ସିତ ଅବସ୍ଥାରେ ଗୁରୁବାର ଅପରାହ୍ନରେ ତାଙ୍କର ମୃତ୍ୟୁ ଘଟିଥିଲା | ଏନେଇ ମୃତକ ର୍ବଦା ଭାଇ ଶ୍ୟାମ ଜାନୀ ଆଜି ସନ୍ଧ୍ୟାରେ ଡାବୁଗାଁ ଥାନାରେ ଏତଲା ଦେଇଛନ୍ତି | ଉକ୍ତ ଏତଳକୁ ଭିତ୍ତି କରି ଥାନା କେସ ନଂ ୨୦୭/୨୫ ରେ ଏକ ମାମଲା ରୁଜୁ କରାଯାଇଛି | ଥାନା ଏଏସଆଇ ଗୋପାଳକୃଷ୍ଣ ହାଲୱା ଘଟଣାର ତଦନ୍ତ କରୁଛନ୍ତି | ଆସନ୍ତାକାଲୀ ଶୁକ୍ରବାର ଶବ ବ୍ୟବଛେଦ କରାଯିବ ବୋଲି ସୂଚନା ମିଳିଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
