ଗୋଲାମୁଣ୍ଡା ଅଞ୍ଚଳରେ ବଢୁଛି ଥଣ୍ଡା ପ୍ରକୋପ ,
ବୃଦ୍ଧ, ବୃଦ୍ଧା ମାନଙ୍କ ଜୀବନ ପ୍ରତି ବିପଦ ଆଶଙ୍କା
ଜୁନାଗଡ଼ (ମ ନି ସ): ମୌସୁମୀ ର ପ୍ରତ୍ୟାବର୍ତ୍ତନ ପରେ ପରେ ଲଘୁଚାପ ଜନିତ ବର୍ଷା ମଧ୍ୟ ଦୂରୀଭୂତ ହେବା ମାତ୍ରେ ପାରଦ ଖସିଛି । ତାପମାତ୍ରା କମିବା ହେତୁ ଧରା ପୃଷ୍ଠରେ ଶୀତର ଆଗମନ ଦେଖାଦେଇଛି। ସେହିପରି କଳାହାଣ୍ଡି ଜିଲ୍ଲା ଗୋଲାମୁଣ୍ଡା ଅଞ୍ଚଳରେ ମଧ୍ୟ ପ୍ରବଳ ମାତ୍ରାରେ ଥଣ୍ଡା ଅନୁଭୂତ ହେଉଛି । ସନ୍ଧ୍ୟା ହେବା ମାତ୍ରେ ଲୋକେ ଘର ଅଗଣା, ରାସ୍ତା କଡ଼ରେ ନିଆଁ ଜାଳି ତାପିବା ଦେଖିବାକୁ ମିଳିଛି। ସକାଳ ୯ ଟା ପର୍ଯ୍ୟନ୍ତ ଥଣ୍ଡା ହେଉଥିବାରୁ ଗୃହିଣୀ ମାଁ ମାନଙ୍କୁ ଘରକାମ କରିବା ପାଇଁ ବହୁତ କଷ୍ଟ ହେଉଥିବାର ଦେଖାଦେଇଛି । ପ୍ରବଳ ଥଣ୍ଡା ହେତୁ ଛାତ୍ରଛାତ୍ରୀଙ୍କ ସଜବାଜ ହୋଇ ସ୍କୁଲ ଯିବା ପାଇଁ ଡେରି ହେଉଛି । ସେହି ପରି ସବୁଠାରୁ ବେଶୀ କଷ୍ଟ ଦାୟକ ହେଉଛି ବୃଦ୍ଧ ବୃଦ୍ଧା ମାନଙ୍କ ଜୀବନରେ । ଏପରିକି ଶୀତ ଦାଉରୁ ରକ୍ଷାପାଇବା ପାଇଁ ସରକାରୀ କର୍ମଚାରୀ ମାନେ ମଧ୍ୟ ଗରମ ପୋଷାକ ପରିଧାନ କରି ଅଫିସ ରେ କାମ କରୁଥିବା ଦେଖାଦେଇଛି । ଗରମ ଦିନରେ ଯେମିତି ଜଳ ର ଆବଶ୍ୟକତା ହୋଇଥାଏ ସେହିପରି ଶୀତ ଋତୁରେ ଗରମ ପାଇଁ ନିଆଁ ର ଅତ୍ୟାବଶ୍ୟକ ହୋଇଥାଏ । ଯେପରି କଥା ରେ ଅଛି । ଅନଳ ହୋଇଲା ସଲିଳ ପାୟକେ ସଲିଳ ହୋଇଲା ଅନଲ । ବେଶୀ କରି ପାହାଡ ତଳିଆ ଗ୍ରାମ ଗୁଡିକରେ ପ୍ରବଳ ଥଣ୍ଡା ଅନୁଭୂତ ହେଉଥିବା ଦେଖିବାକୁ ମିଳିଛି।
ଜଗ ଜୀବନ ସା ଙ୍କ ରିପୋର୍ଟ୍
