ଝାଡବନ୍ଧରେ ସ୍ବେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ
ଢେ଼ଙ୍କାନାଳ(ମସିହା)_୩୦/୦୩__ରକ୍ତଦାନ ମହାପୁଣ୍ୟ , ରକ୍ତ ଦେଇ ଜୀବନ ବଞ୍ଚାନ୍ତୁ,ଏଇ ଆଧାରକୁ ବିଚାର କରି ଓଡ଼ାପଡ଼ା ବ୍ଲକ ଅନ୍ତର୍ଗତ ଝାଡ଼ବନ୍ଧ ସ୍ଥିତ ମାଆ କତମାଶୁଣି ମନ୍ଦିର ଠାରେ ଝାଡବନ୍ଧ ଗ୍ରାମବାସୀ ଓ ଯୁବଗୋଷ୍ଠୀଙ୍କ ସୌଜନ୍ୟକ୍ରମେ ଆଜି ସ୍ଵେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି l ଉକ୍ତ ଶିବିରରେ ପରୀକ୍ଷା ଆଖପାଖ ଅଞ୍ଚଳରୁ ବହୁ ଉତ୍ସାହୀ ଯୁବକ, ସ୍ଥାନୀୟ ରୁଙ୍ଗଟା କଂପାନୀର କର୍ମଚାରୀ ସମେତ ବହୁ ଯୁବକ ସାମିଲ୍ ହୋଇଥିଲେ ତତ୍ ସହିତ ଶତାଧିକ ପୁରୁଷ ମହିଳା, ବୃଦ୍ଧବୃଦ୍ଧା ନିଜ ନିଜର ସ୍ବାସ୍ଥ୍ୟ ପରୀକ୍ଷା କରାଇ ଥିଲେ l ଜିଲ୍ଲା ସ୍ବାସ୍ଥ୍ୟ ବିଭାଗ ଓ ରେଡକ୍ରସର ଅଭିଜ୍ଞ ସ୍ୱାସ୍ଥ୍ୟ କର୍ମଚାରୀ ଯଥାକ୍ରମେ ଡାଃ ପ୍ରମୋଦ ପଣ୍ଡା, ଡ଼ଃ ତପନ ସାହୁ, ଡାଃ ରୋହିତ ସ୍ୱାଇଁ ପ୍ରମୁଖ ଉପସ୍ଥିତ ହୋଇ ସର୍ବମୋଟ୍ ୧୦୩ ୟୁନିଟ୍ ରକ୍ତ ସଂଗ୍ରହ କରି କାର୍ଯ୍ୟକ୍ରମକୁ ସଫଳ କରିଥିଲେ l ଏଠାରେ ସୂଚନା ଯୋଗ୍ୟ ଯେ ସୁଶାନ୍ତ ସାହୁ, ଅନୀଲ ବିଶ୍ଵାଳ, ଅମିନ ନାୟକ,ବିବେକ ସାହୁ, ସୁବାଷ ବିଶ୍ଵାଳ, ମହେଶ୍ୱର ସାହୁ, ଯୋଗିନାଥ ସ୍ୱାଇଁ, ପିନୁ ସାହୁ, ପ୍ରଫୁଲ୍ଲ ବେହେରା ଯୁବକ ଗୋଷ୍ଠୀ ଓ ଗ୍ରାମବାସୀ ବୃନ୍ଦ ଏତାଦୃଶ ରକ୍ତ ଦାନ ଶିବିର ଆୟୋଜନ କରିଥିବା ହେତୁ ଏମାନଙ୍କ ପ୍ରତି ବହୁ ପ୍ରଶଂସାର ଛୁଅ ଛୁଟିଛି । ଏ ସବୁର ଶ୍ରେୟ କେବଳ ଗ୍ରାମର ଅଧିଷ୍ଠାତ୍ରୀ ଦେବୀ ମା କତମାଶୁଣୀ ବୋଲି ଆୟୋଜକ ଗୋଷ୍ଠୀ ମତ ପ୍ରକାଶ କରିଛନ୍ତି ।
ଢେ଼ଙ୍କାନାଳରୁ ନାୟକ ଅକ୍ଷୟ ରାଜହସ୍ତୀଙ୍କ ରିପୋର୍ଟ୍, ମସିହା ନିଉଜ୍
