42 ଡିଗ୍ରୀ ତାପମାତ୍ରା ରେ ଶିଖୁଛି ଧରାକୋଟ ଅଞ୍ଚଳ
ଆସିକା, ୨୭/୪/୨୬ (ଶିବ ଶଙ୍କର ମିଶ୍ର ) ରାଜ୍ୟର ବିଭିନ୍ନ ସ୍ଥାନରେ ଚଳିତ ବର୍ଷର ତାପମାତ୍ରା 40 ଡିଗ୍ରୀ ଛୁଇଁଛି। ଆଜି ସେଥିରେ ସାମିଲ ହୋଇଛି ଗଞ୍ଜାମ ଜିଲ୍ଲାର ଧରାକୋଟ ଅଞ୍ଚଳ । ଆଜି ସକାଳୁ ଖରର ପ୍ରକୋପ ବୃଦ୍ଧି ଘଟି ମଧ୍ୟାହ୍ନ ସମୟରେ ଏହା 42 ଡିଗ୍ରୀରେ ପହଞ୍ଚିଥିବା ରେକର୍ଡ କରାଯାଇଛି । ଦିନ 11 ଘଣ୍ଟା ପରେ ତାପ ବଢ଼ିବାରୁ ବଜାର ରାସ୍ତା ଘାଟ ଅପରାହ୍ନ ଗୋଟାଏ ବେଳକୁ ସମ୍ପୂର୍ଣ୍ଣ ସୁନସାନ ହୋଇଯାଇଥିଲା । ବିଭିନ୍ନ ସରକାରୀ କାର୍ଯ୍ୟାଳୟ କୁ ନିଜର କାମ ପାଇଁ ଆସିଥିବା ଲୋକେ ଗୁଳୁଗୁଳି ରେ ଏକରକମ ଅଣନିଶ୍ୱାସୀ ହୋଇ ଯାଇଥିଲେ । ଖରାର ତାତି ବଢୁଥିବାରୁ ପିଇବା ପାଣି ପାଇଁ ପଶୁପକ୍ଷୀ ବେଶ ପ୍ରଭାବିତ ହେଉଥିବା ଦେଖିବାକୁ ମିଳିଛି। ସର୍ବୋପରି ପଞ୍ଚାୟତ ଗୁଡ଼ିକ ପକ୍ଷରୁ ଛକ ସ୍ଥାନ ମାନଙ୍କରେ ଏ ପର୍ଯ୍ୟନ୍ତ ଜଳଛତ୍ର ଖୋଲାଯାଇ ନଥିବା ଯୋଗୁଁ ଲୋକେ ପାଣି ପିଇବା ପାଇଁ ନାହିଁ ନଥିବା ଅସୁବିଧାର ସମ୍ମୁଖିନ ହେଉଛନ୍ତି। ଆଶ୍ଚର୍ଯ୍ୟର କଥା ଏପ୍ରିଲ ମାସ ଶେଷ ହେବାକୁ ବସିଥିବା ବେଳେ କାହିଁକି ଜଳଛତ୍ର ଖୋଲାଯାଇନାହିଁ ତାହା ଲୋକ ମନଙ୍କୁ ବିସ୍ମିତ କରିଛି । ଅନ୍ୟ ପକ୍ଷରେ ଯୁଦ୍ଧ ର ପ୍ରଭାବ ଯୋଗୁଁ ଲୋକେ ଗ୍ୟାସ ମିଳିବାରେ ବିଳମ୍ବ ହେଉଥିବାରୁ ପୁଣିଥରେ ଜଙ୍ଗଲର ଜାଳେଣି କାଠ ସଂଗ୍ରହ ପାଇଁ ଉଦ୍ୟମ ଆରମ୍ଭ କଲେଣି । ଏଣୁ ଆଗାମୀ ଦିନରେ ବୃକ୍ଷ ରୋପଣ ସହ ଜଳ ସଂରକ୍ଷଣ ବ୍ୟବସ୍ଥା ସରକାରଙ୍କ ପକ୍ଷରୁ କରାନଗଲେ ପରିସ୍ଥିତି ବିଗିଡ଼ି ଯିବାର ସମ୍ଭାବନା ରହିଛି।
