ଯୁକ୍ତଦୁଇ ବିଜ୍ଞାନରେ ରିଚା ମିଶ୍ରଙ୍କ ସଫଳତା, ବାପା ମାଆଙ୍କୁ ଦେଲେ ଶ୍ରେୟ
ଆସିକା, ୨୩/୫/୨୬ (ଶିବ ଶଙ୍କର ମିଶ୍ର ) ଆସିକାର ସୁନା ଝିଅ ରିଚା ମିଶ୍ର ଯୁକ୍ତ ୨ ବିଜ୍ଞାନରେ 578 ନମ୍ବର ରଖ୍ ଗର୍ବ ଆଣିଛନ୍ତି। ରିଚାଙ୍କ ବାପା ବି ଆଈ ଟି କମ୍ପୁଟର ଅନୁଷ୍ଠାନର ପ୍ରତିଷ୍ଠାତା ସୁନୀଲ ମିଶ୍ର ଓ ମମତା ମିଶ୍ରଙ୍କ ଝିଅ ହୋଇଥିବାରୁ ଶହ ଶହ ବିଆଇଟି ଛାତ୍ରଛାତ୍ରୀ ଶୁଭେଚ୍ଛା ଜଣାଇଛନ୍ତି। ପିତା ମାତାଙ୍କ ଆଶୀର୍ବାଦ ଓ ପ୍ରେରଣା ଯୋଗୁଁ ରିଚା ମିଶ୍ର ଆଜି ଏହି ସଫଳତା ହାସଲ କରିପାରିଛନ୍ତି। ବ୍ରହ୍ମପୁର ନୀଳକଣ୍ଠ ନଗର ଶିଶୁ ମନ୍ଦିରରେ ପଢୁଥିବା ରିଚା ପିଲାଟି ଦିନରୁ ପାଠପଢା ପ୍ରତି ବେଶ ଆଗ୍ରହ ପ୍ରକାଶ କରୁଥିବା ନେଇ ମତ ରଖୁଛନ୍ତି l ବି ଆଈ ଟି ଶିକ୍ଷା ଅନୁଷ୍ଠାନର ମୁଖ୍ୟ ତଥା ପରିଚାଳିକା ମମତା ମିଶ୍ର। କମ୍ପ୍ୟୁଟର ଶିକ୍ଷା କ୍ଷେତ୍ରରେ ବୈପ୍ଲବିକ ପରିବର୍ତ୍ତନ ଆଣିବା ପାଇଁ ଏହି ଦମ୍ପତିଙ୍କ ସବୁବେଳେ ପ୍ରଚେଷ୍ଟା ରହିଥିବା ବେଳେ ଝିଅର କ୍ୟାରିଅର ପାଇଁ ସବୁବେଳେ ଧ୍ୟାନ ଦେଇ ଆସୁଛନ୍ତି l ସୁନୀଲ ମିଶ୍ର ଓ ମମତା ମିଶ୍ର ଏହିଭଳି ଶିକ୍ଷାବିତ ପରିବାର ଅନ୍ୟ ମାନଙ୍କ ପାଇଁ ପ୍ରେରଣା ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି।
ଘରେ ପଶି ସୁନା ଟଙ୍କା ଲୁଟ କଲେ ଦୁବୃତ୍ତ
ଆସିକା,୨୨/୫/୨୬ (ଶିବ ଶଙ୍କର ମିଶ୍ର ) ଗଞ୍ଜାମ ଜିଲ୍ଲା ଧରାକୋଟ ଥାନା ଅନ୍ତର୍ଗତ ଢଉଗାଁ ରେ ଜଣେ ବ୍ୟକ୍ତିଙ୍କ ବାରିପଟୁ ବିଳମ୍ବିତ ରାତ୍ରିରେ ଘରେ ପଶି ସୁନା ଟଙ୍କା ଲୁଟ କରିଛନ୍ତି ଚୋର l ଗତ କାଲି ବିଦ୍ୟୁତ ସରବରାହ ବ୍ୟାହତ ହେବାର ସୁଯୋଗ ନେଇ ଘର ପଛ ପଟ କବାଟ ଭାଙ୍ଗି ଘରେ ବଡ଼ ଚତୁରତା ସହ ପଶି ପେଢି ଭାଙ୍ଗି ପାଖାପାଖି ୧୦ ତୁଳା ସୁନା ଅଳଂକାର ଓ ନଗଦ ୫୦ ହଜାର ଟଙ୍କା ଚୋରି କରି ନେଇଥିବା ନେଇଥିବା ଅଭିଯୋଗ ହୋଇଛି l ଧରାକୋଟ ଥାନା ଢଉଗାଁ ଗ୍ରାମର କେଉଟ ସାହିର ବନମାଳୀ ବେହେରା ଙ୍କ ଘରେ ଏହି ଘଟଣା ଘଟିଛି l ଖବର ପାଇଁ ଘଟଣା ସ୍ଥଳରେ ଧରାକୋଟ ପୋଲିସ ପହଁଚିଛି ତଦନ୍ତ କରୁଥିବା ଥାନା ପକ୍ଷରୁ ସୂଚନା ମିଳିଛି l
ଶତାୟୁ ଧର୍ମ ପରାୟଣ ମହିଳାଙ୍କ ପରଲୋକ
ଆସିକା,୨୩/୫/୨୬ (ଶିବ ଶଙ୍କର ମିଶ୍ର ) ଧରାକୋଟ ଗଡର ବଡ଼ଦାଣ୍ଡ ସାହି ନିବାସୀ ସ୍ୱର୍ଗତ ତ୍ରିନାଥ ଗୌଡ଼ ଙ୍କ ଧର୍ମପତ୍ନୀ କୁନ୍ଦନ ଗୌଡ଼ ( 90) ଙ୍କ ର ବାର୍ଦ୍ଧକ୍ୟ ଜନିତ କାରଣରୁ ମୃତ୍ୟୁ ହୋଇଯାଇଛି । N ମୃତ୍ୟୁ ଶଯ୍ୟା ନିକଟରେ ତାଙ୍କର ବଡ଼ପୁଅ ସୁରେଶ, ସାନ ପୁଅ ଅଶୋକ,ଝିଅ ସୁବାସିନୀ, ସୁଷମା ଙ୍କ ସମେତ ଛଅ ଜଣ ନାତି ଓ ତିନି ଜଣ ନାତୁଣୀ ଉପସ୍ଥିତ ରହିଥିଲେ। ଜଣେ ପରୋପକାରୀ, ମିଷ୍ଟଭାଷୀ ଓ ଧର୍ମପରାୟଣ ମହିଳା ଭାବରେ ସେ ଧରାକୋଟ ଅଞ୍ଚଳରେ ପରିଚିତ ଥିଲେ। ତାଙ୍କର ମୃତ୍ୟୁରେ ଅଞ୍ଚଳରେ ଶୋକର ଛାୟା ଖେଳିଯାଇଛି।
