ଆଜିର ଦିବସର ଅନୁଚିନ୍ତା : ମେ ୨୪ ତାରିଖ :ଏକତା,ସହଯୋଗ ଓ ବିଶ୍ୱ ଶାନ୍ତିର ସନ୍ଦେଶ
ଡ଼ା. ଦେବୀ ପ୍ରସାଦ ମିଶ୍ର,
ମେ ୨୪ ତାରିଖ କେବଳ କାଳଖଣ୍ଡର ଏକ ପୃଷ୍ଠା ନୁହେଁ,ବରଂ ଏହା ମାନବୀୟ ସଫଳତା,ତ୍ୟାଗ ଓ ଚେତନାର ଏକ ମହାନ୍ ସମାହାର।ସମୟର ସ୍ରୋତରେ ପ୍ରତିଟି ଦିନ ନିଜ ସହ ଇତିହାସର ଗଭୀର ବାର୍ତ୍ତା ବହନ କରି ଆସିଥାଏ।ଏହା ଇତିହାସର ପୃଷ୍ଠାରେ କେବଳ ଏକ ସାଧାରଣ ଦିନ ନୁହେଁ,ଏହା ମାନବ ସଭ୍ୟତାର ସଂଘର୍ଷ,ସଫଳତା ଓ ସମନ୍ୱୟର ଏକ ଗଭୀର ଅର୍ଥବହନ କରୁଥିବା ଅଧ୍ୟାୟ।ସମୟର ପ୍ରତିଟି ସ୍ପନ୍ଦନ ଆମକୁ ସ୍ମରଣ କରାଏ ଯେ,ଇତିହାସ କେବଳ ଅତୀତର କାହାଣୀ ନୁହେଁ,ବରଂ ଏହା ବର୍ତ୍ତମାନର ପଥପ୍ରଦର୍ଶକ ଓ ଭବିଷ୍ୟତର ପ୍ରେରଣା।ଆଜିର ଦିନଟି ବିଶ୍ୱ,ଭାରତ ଏବଂ ଆମ ପ୍ରିୟ ଓଡ଼ିଶାର ସାଂସ୍କୃତିକ ଓ କ୍ରାନ୍ତିକାରୀ ଚେତନାକୁ ଆନ୍ଦୋଳିତ କରେ।
ବିଶ୍ୱ କ୍ଷେତ୍ରରେ ଆଜି ହେଉଛି ରାଜ୍ୟଗୋଷ୍ଠୀ ଦିବସ ଯାହା ବିଶ୍ୱ ସମୁଦାୟ ମଧ୍ୟରେ ଏକତା,ସହଯୋଗ ଓ ଶାନ୍ତିର ମୂଲ୍ୟବୋଧକୁ ଉଜାଗର କରି ବିଶ୍ୱରେ ସେହି ବାର୍ତ୍ତା ପ୍ରଚାର ପ୍ରସାର କରେ।ରାଜ୍ୟଗୋଷ୍ଠୀ ସଂଘରେ ବିଶ୍ୱର ଅନେକ ସ୍ୱାଧୀନ ରାଷ୍ଟ୍ର ସମ୍ମିଳିତ ହୋଇ ଗଣତନ୍ତ୍ର,ମାନବାଧିକାର ଓ ସାମାଜିକ ଉନ୍ନତିର ସନ୍ଦେଶ ପ୍ରଚାର କରୁଛନ୍ତି।ଏହି ଦିବସ ଆମକୁ ମନେ ପକାଏ ଯେ,ଭାଷା,ଧର୍ମ ଓ ସଂସ୍କୃତିର ଭିନ୍ନତା ସତ୍ତ୍ୱେ ମାନବତାର ସୂତ୍ର ସମସ୍ତଙ୍କୁ ଏକତ୍ର ବାନ୍ଧି ରଖିଛି।
ମାନବିକ ଜ୍ଞାନ ବିଜ୍ଞାନ କ୍ଷେତ୍ରରେ ଆଜିର ଦିନ ଏକ ଗୁରୁତ୍ଵପୂର୍ଣ୍ଣ ସ୍ମାରକୀ।
ଭାରତ କ୍ଷେତ୍ରରେ ଆଜିର ପବିତ୍ର ଦିନରେ ଭାରତୀୟ ସ୍ଵାଧୀନତା ସଂଗ୍ରାମର ମହାନ ବିପ୍ଳବୀ କର୍ତ୍ତାର ସିଂହ ସରାଭା ଏବଂ ୧୯ଶ ଶତାବ୍ଦୀର ବିଶିଷ୍ଟ ଦାର୍ଶନିକ ଓ ଚିନ୍ତାଶୀଳ ବ୍ୟକ୍ତିତ୍ଵ କୃଷ୍ଣ ମୋହନ ବାନାର୍ଜୀଙ୍କ ଜନ୍ମ ଜୟନ୍ତୀ।ସେହିପରି ବିଜ୍ଞାନ ଓ ସାହସିକତାର ଶୀର୍ଷ ଛୁଇଁଥିବା ଭାରତର ପ୍ରଥମ ମହିଳା ଏଭରେଷ୍ଟ ବିଜେତା ବଚେନ୍ଦ୍ରୀ ପାଲଙ୍କ ଜନ୍ମଦିନ।ଏହି ମହାନ୍ ବ୍ୟକ୍ତିତ୍ୱମାନଙ୍କ ଜୀବନ ଆଦର୍ଶ,ସେମାନଙ୍କ ସଂଘର୍ଷ ଓ ସାଧନା ଆମକୁ ନିରନ୍ତର ଜ୍ଞାନ,ସାହସ,ସଂଗ୍ରାମଓ ନିଷ୍ଠାର ମାର୍ଗରେ ଅଗ୍ରସର ହେବାର ପ୍ରେରଣା ଦିଏ।
ଓଡ଼ିଶା କ୍ଷେତ୍ରରେ ଆମ ମାଟିର ପବିତ୍ର ଇତିହାସକୁ ଦେଖିଲେ,ଏହି ସମୟ ଆମକୁ ଆମର ବୀରତ୍ଵ ଓ ସଂସ୍କୃତିର ସ୍ମୃତି ଚାରଣ କରିବାକୁ ସୁଯୋଗ ଦିଏ।
ବିଜ୍ଞାନ,ଗଣିତ ଏବଂ ଜ୍ଞାନର ବିଭିନ୍ନ ଶାଖାରେ ମାନବ ସମାଜ ଯେଉଁ ଅଗ୍ରଗତି ହାସଲ କରିଛି,ତାହା ପଛରେ ଏହିଭଳି ଅନେକ ମନୀଷୀଙ୍କ ଶ୍ରାଦ୍ଧ ଓ ସାଧନା ନିହିତ।ତେଣୁ,ଆସନ୍ତୁ,ଆମେ ସମସ୍ତେ ଆଜିର ଏହି ପବିତ୍ର ଦିନରେ ସେହି ବୀର ସଂଗ୍ରାମୀ ଓ ମନୀଷୀମାନଙ୍କ ପ୍ରତି ଗଭୀର ଶ୍ରଦ୍ଧାଞ୍ଜଳି ଅର୍ପଣ କରିବା ଏବଂ ସେମାନଙ୍କ ତ୍ୟାଗକୁ ପାଥେୟ କରି, ଇତିହାସରୁ ଶିକ୍ଷା ଗ୍ରହଣ କରି ଏକ ସମୃଦ୍ଧ,ଶିକ୍ଷିତ ଓ ସଂସ୍କାରସମ୍ପନ୍ନ ସମାଜ ଗଠନ ପାଇଁ ସଙ୍କଳ୍ପବଦ୍ଧ ହେବା।ଜ୍ଞାନର ଆଲୋକ,ସେବାର ମନୋଭାବ ଓ ମାନବତାର ମୂଲ୍ୟବୋଧ ହିଁ ହେଉ ଆମ ଜୀବନର ସର୍ବୋତ୍ତମ ପାଥେୟ।
ଡ଼ା.ଦେବୀ ପ୍ରସାଦ ମିଶ୍ର,
✉️ debisirscience@gmail.com
/ debiprasadmishra085@gmail.com
