ସୁନାଫୁଲ ସାହିତ୍ୟ ସଂସଦ ପକ୍ଷରୁ ପରିବେଶ ଦିବସ
ରାଉରକେଲା : ସୁନାଫୁଲ ସାହିତ୍ୟ ସଂସଦ ପକ୍ଷରୁ ପରିବେଶ ଦିବସ ପାଳିତ ହୋଇଯାଇଛି l ସଂସଦର ସାଧାରଣ ସମ୍ପାଦକ ସୁନୀଲ ମହାନ୍ତି ଓ ସଂଗଠନ ସମ୍ପାଦକ ବ୍ରହ୍ମାନନ୍ଦ ପାଢ଼ୀଙ୍କ ତତ୍ତ୍ୱାବଧାନରେ ଛେଣ୍ଡ ସ୍ଥିତ ବନବିଭାଗ ଚାରା ଉତ୍ପନ୍ନ କେନ୍ଦ୍ରରୁ କୃଷ୍ଣଚୁଡା ଚାରା ଆଣି କଲୋନୀସ୍ଥ ହନୁମାନ ମନ୍ଦିର ସାମ୍ନା ପାର୍କରେ ରୋପଣ କରାଯାଇଛି l ଆଜିଠାରୁ ସୁନାଫୁଲ ପକ୍ଷରୁ ଚାରା ରୋପଣ ଶୁଭାରମ୍ଭ କରାଗଲା ଏବଂ ଏହି କାର୍ଯ୍ୟକ୍ରମ ଆସନ୍ତା ସେପ୍ଟେମ୍ବର ପନ୍ଦର ପର୍ଯ୍ୟନ୍ତ କରାଯିବାକୁ ସଂସଦ ପକ୍ଷରୁ ନିଷ୍ପତ୍ତି ନିଆଯାଇଛି l ପ୍ରତ୍ୟେକ ସଭ୍ୟ ଅତି କମରେ ପାଞ୍ଚଟି ଗଛ ଲଗାଇ ଏହାର ଯତ୍ନ ନେବାକୁ ସଂସଦର ସଭାପତି ମହେନ୍ଦ୍ର ମହାନ୍ତି ଅନୁରୋଧ କରିଛନ୍ତି l ବରିଷ୍ଠ ଉପଦେଷ୍ଟା ତଥା ରାଷ୍ଟ୍ରପତି ପୁରସ୍କାର ପ୍ରାପ୍ତ ଶିକ୍ଷକ ଭୀମସେନ ସାହୁ ବୃକ୍ଷ ରୋପଣ ପୂର୍ବକ ଏହାକୁ ମିତ୍ର ଭାବରେ ଯତ୍ନ ନେବାକୁ କହିଥିଲେ l ଜଳବାୟୁ ପରିବର୍ତ୍ତନ, ଉଷ୍ଣତା ବୃଦ୍ଧିରୁ ରକ୍ଷା,ଜୈବ ବିବିଧତା ହ୍ରାସ ଆଦିକୁ ଲକ୍ଷ୍ୟ ରଖି ସୁନାଫୁଲ ପକ୍ଷରୁ ପ୍ରତିବର୍ଷ ବୃକ୍ଷରୋପଣ କରାଯିବା ସହ ବିଦ୍ୟାଳୟ ଛାତ୍ରଛାତ୍ରୀ ଓ ସାଧାରଣ ଜନତାଙ୍କ ମଧ୍ୟରେ ସଚେତନତା ସୃଷ୍ଟି କରି ଆସୁଛି ବୋଲି ସାଧାରଣ ସମ୍ପାଦକ କହିଥିଲେ l ଏହି କାର୍ଯ୍ୟକ୍ରମରେ ପ୍ରମୋଦ କୁମାର ପାତ୍ର, ହୃଷିକେଶ ମୁଦୁଲି, ଅଶୋକ ପାତ୍ର, ତ୍ରିଲୋଚନ ପାଢ଼ୀ ପ୍ରମୁଖ ବହୁ ସଭ୍ୟ ସଭ୍ୟା ସାମିଲ ହୋଇଥିଲେ l ସଂଗଠନ ସମ୍ପାଦକ ବ୍ରହ୍ମାନନ୍ଦ ପାଢ଼ୀ ଧନ୍ୟବାଦ ପ୍ରଦାନ କରିଥିଲେ l
କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
