ଜୁନାଗଡ ହାତୀ ନଦୀ ରେ କୁମ୍ଭୀର ଆଶଙ୍କା
ଜୁନାଗଡ଼ ,୧/୭-(ମନୀ ସ)କଳାହାଣ୍ଡି ଜିଲ୍ଲା ଜୁନାଗଡ଼ ବ୍ଲକ ଅନ୍ତର୍ଗତ ପଲାସ ସ୍ଥିତ ହାତୀନଦୀ ଘାଟରେ ଏକ କୁମ୍ଭୀର ଦେଖିଥିବା ସ୍ଥାନୀୟ ଲୋକେ ଦାବୀ କରିଛନ୍ତି l ଆଜି ସକାଳେ ଗ୍ରାମର କିଛି ଲୋକ ହାତୀନଦୀ କୁ ମାଛ ଧରିବାକୁ ଯାଇଥିବା ବେଳେ ତାଙ୍କ ଜାଲ ରେ କୁମ୍ଭୀର ପଡିଥିଲା । ପରେ ଜାଲ କୁ ଛିଣ୍ଡେଇ ଦେଇ କୁମ୍ଭୀର ଚାଲି ଯାଇଥିଲା । ନଦୀର ପାଣି କମି ଯିବା ହେତୁ କୁମ୍ଭୀର ଯାଇ ପାରୁନାହିଁ । ବର୍ତ୍ତମାନ ଲୋକ ଭୟଭୀତ ହୋଇ ଯାଇଛନ୍ତି । ଯେହେତୁ ଗ୍ରାମବାସୀ ନଦୀ ଉପରେ ଭରସା କରୁଛନ୍ତି,ତେଣୁ ଲୋକେ ଆତଙ୍କିତ ଅବସ୍ଥାରେ ଅଛନ୍ତି । ତୁରନ୍ତ କୁମ୍ଭୀର କୁ ଉଦ୍ଧାର କରିବାକୁ ଦାବୀ ହୋଇଛି ।ଏ ବିଷୟରେ ସ୍ଥାନୀୟ ପଲାଶ ସରପଞ୍ଚ ପ୍ରଭାକର ସେଠି ବନ ବିଭାଗ କୁ ଖବର ଦେବାରୁ ରେଞ୍ଜର ସିମାଞ୍ଚଳ ମିଶ୍ର ସ ଦଳବଳ ପହୁଁଚି କୁମ୍ଭୀର କୁ ଖୋଜି ଠାବ କରିବାକୁ ଚେଷ୍ଟା ଜାରି ରଖିଛନ୍ତି ଏହା ଏକ ମଗର ପ୍ରଜାତିର କୁମ୍ଭୀର ହୋଇଥାଇପାରେ କିମ୍ବା ପାଣି ଗୋଧି ବୋଲି ସନ୍ଧେହ କରାଯାଉଛି l ରାତି ୭ ଟା ପର୍ଯନ୍ତ ଖୋଜା ଖୋଜି ପରେ ମଧ୍ୟ ତାର ସ୍ଥିତି ଓ ଆକାର ସମ୍ପର୍କ ରେ କୌଣସି ତଥ୍ୟ ମିଳି ନ ଥିବା ଶ୍ରୀ ମିଶ୍ର ଜଣାଇଛନ୍ତି l ତେଣୁ ହାତୀ ନଦୀ କୁଳ କୁ କେହି ନ ଯିବା ପାଇଁ ଶ୍ରୀ ମିଶ୍ର ଜନସାଧାରଣ ଙ୍କୁ ଅନୁରୋଧ କରିଛନ୍ତି l
ନରେନ୍ଦ୍ର କ୍ଷିତି ଙ୍କ ରିପୋର୍ଟ୍
