ବାଲେଶ୍ଵର,୨୯/୬/୨୨- ଵାଲେଶ୍ୱର ଜିଲ୍ଲା ଖଇରା ବଜାର ସାର୍ବଜନୀନ ଦୁର୍ଗାମଣ୍ଡପ ପରିସରରେ ଉତ୍କଳମଣି ପଣ୍ଡିତ ଗୋପବନ୍ଧୁ ଦାଶଙ୍କ ୯୪ ତମ ଶ୍ରାଦ୍ଧ ଦିବସ ପାଳିତ ହୋଇଯାଇଛି । ଵରିଷ୍ଠ ସାମ୍ବାଦିକ ଅନାମ ଚରଣ ପଣ୍ଡାଙ୍କ ପୌରୋହିତ୍ୟରେ ଅନୁଷ୍ଠିତ ଉତ୍ସବରେ ଅଵସରପ୍ରାପ୍ତ ପ୍ରଧାନ ଶିକ୍ଷକ ଅର୍ନ୍ତଯ୍ୟାମି ପାତ୍ର ମୁଖ୍ୟ ଅତିଥି ଭାବେ ଯୋଗ ଦେଇ ଗୋପବନ୍ଧୁଙ୍କ ନୀତି ଓ ଆଦର୍ଶ ଉପରେ ଅନୁପ୍ରାଣିତ ହେଵାକୁ ପରାମର୍ଶ ଦେଇଥିଲେ । ଏହି ଅବସରରେ ଗାନ୍ଧୀ ଓ ଗୋପବନ୍ଧୁଙ୍କ ପ୍ରତିମୂର୍ତ୍ତିରେ ମାଲ୍ଯାର୍ପଣ କରିଥିଲେ । ଏଥିରେ ରାଧାକାନ୍ତ ପାତ୍ର, ପ୍ରହ୍ଲାଦ ଧର, କରୁଣାକର ମହାନ୍ତି, ମାନସ କୁମାର ଜେନା, ମାନସ କୁମାର ସୁତାର, ଅଧ୍ୟାପକ ଦ୍ୱାରିକାନାଥ ଶତପଥୀ, ମହତିପୁର ପଞ୍ଚାୟତର ପୂର୍ବତନ ସରପଞ୍ଚ ମଧୁସୂଦନ ଦାସ ଓ ଅଵସରପ୍ରାପ୍ତ ଶିକ୍ଷକ ଦୀନବନ୍ଧୁ ଦାଶ ପ୍ରମୁଖ ଯୋଗ ଦେଇଥିଲେ । ଶେଷରେ ଖଇରା ବ୍ଲକ ସମାଜ ପ୍ରତିନଧି କୈଳାସ ଦାସ ଧନ୍ୟବାଦ ଦେଇଥିଲେ । ଏଥିସହିତ ସମଗ୍ର ବାଲେଶ୍ଵର ଜିଲ୍ଲାର କେତେକ ସ୍ଥାନରେ ମଧ୍ୟ ପାଳିତ ହୋଇଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
