ଚନ୍ଦାହାଣ୍ଡି 21/7(ମନିସ )-– ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ପୂଜାରୀଗୁଡା ଗ୍ରାମରେ ଜଙ୍ଗଲୀ ଭାଲୁ ପଶିବା ଫଳରେ ଲୋକେ ଆତଙ୍କିତ ହୋଇପଡ଼ିଛନ୍ତି l ଘଟଣା ସ୍ଥଳ ରେ ଝରିଗାଁ ରେଞ୍ଜର ମୁକୁନ୍ଦ ଦିଶାରୀ, ଚନ୍ଦାହାଣ୍ଡି ଫରେଷ୍ଟର ପ୍ରଦୀପ କୁମାର ଦାଶ ଏବଂ ବନବିଭଗ ଟିମ ଭାଲୁ କୁ ଆୟତ କରିବା ପାଇଁ ପ୍ରୟାସ ଜାରି ରଖିଥିବା ନେଇ ଫରେଷ୍ଟର ପ୍ରଦୀପ କୁମାର ଦାଶ ପ୍ରକାଶ କରିଛନ୍ତି l ଜଙ୍ଗଲୀ ଭାଲୁ ଆହତ ଏବଂ ଭୟଭୀତ ହୋଇ ପଡି ପୂଜାରୀଗୁଡା ଖଲିଆବନ୍ଦ ଏକ ବାଉଁଶ ବୁଦାରେ ପଶି ଯାଇ ଥିବା ବନବିଭାଗ ଅନୁମାନ କରୁଛି l ରାତି ହେଲେ ଭାଲୁ ଯେପରି ବାହାର କୁ ବାହାରି ମନୁଷ୍ୟ କୁ ଆକ୍ରମଣ ନ କରେ ସେଥିପାଇଁ ବନ ବିଭାଗ ଜଗିକି ରହିଛି l ଭାଲୁ କୁ ସେଠାରୁ ସୁରକ୍ଷା ଭାବରେ ବାହାର କରି ଚିକିତ୍ସା କରିବା ପାଇଁ ସାଧାରଣ ରେ ଦାବୀ କରାଯାଇଛି l ଯଦି ଭାଲୁ ଲୋକଙ୍କ ଭୟରେ ରାତିରେ ନଯାଏ ତେବେ କାଲି ଜିଲ୍ଲା ଜଙ୍ଗଲ ବିଭାଗ ତରଫରୁ ତ୍ରାଙ୍ଗୁଲାଇଜର ଦିଆଯାଇ ଭାଲୁ ଉଦ୍ଧାର କରାଯିବ ବୋଲି ଚନ୍ଦାହାଣ୍ଡି ବନପାଳ କହିଛନ୍ତି l
ଚନ୍ଦାହାଣ୍ଡି ରୁ ଦିଲୀପ ଦାସ ଙ୍କ ରିପୋର୍ଟ