ଢେଙ୍କାନାଳ,କାମାକ୍ଷାନଗର ତା-28/08/2022– ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଅନ୍ତର୍ଗତ ୫୩ ନଂ ଜାତୀୟ ରାଜପଥ ମୁକ୍ତାପଶି ଗାଁ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା, ଅଟୋକୁ ଧକ୍କା ଦେଲା କୋଇଲା ବୋଝେଇ ଟ୍ରକ, ଘଟଣା ସ୍ଥଳରେ ନାବାଳକ ପୁଅ ଓ ବାପ ସମେତ ୫ମୃତ l ମୃତକ ହେଲେ କାମାକ୍ଷାନଗର ଥାନା ବାଙ୍ଗୁରା ଗ୍ରାମର ଅଙ୍କୁର ସାମଲ ଓ ତାଙ୍କ ନାବାଳକ ପୁଅ କାଳିଆ ସାମଲ ।ଅନ୍ୟ ତିନିଜଣ ହେଲେ ଆଦିକନ୍ଦ ସାମଲ, ପହଲି ସାମଲ, ବଣ୍ଟି ସାମଲ |ସୂଚନା ମୁତାବକ ଏହି ୫ଜଣ ଏକ ଅଟୋରେ ବିଳମ୍ବିତ ରାତିରେ ମୁକ୍ତାପଶି ଗ୍ରାମକୁ ଟୋଲ ପେସେଇବା ପାଇଁ ଯାଉଥିବା ବେଳେ,ମୁକ୍ତାପଶି ଗାଁ ପୂର୍ବରୁ ତାଳଚେର ପଟୁ ଏକ କୋଇଲା ବୋଝେଇ ଟ୍ରକ ସାମ୍ନାପଟୁ ଧକ୍କା ଦେଇଥିଲା |ଫଳରେ ଘଟଣା ସ୍ଥଳରେ ହିଁ ୫ଜଣଙ୍କ ର ମୃତ୍ୟୁ ହୋଇ ଥିଲା |ତେବେ ଘଟଣା ସ୍ଥଳରୁ ଟ୍ରକ ଡ୍ରାଇଭର ଫେରାର ଅଛନ୍ତି |ସେପଟେ ସ୍ଥାନୀୟ ଲୋକ ଦେଖିବା ପରେ ପୋଲିସ କୁ ଖବର ଦେବା ସହ ପରିବାର ଲୋକଙ୍କୁ ଖବର ଦେଇଥିଲେ |ତେବେ ଘଟଣା ସ୍ଥଳରେ କାମାକ୍ଷା ନଗର ପୋଲିସ ଓ ପରିବାର ଲୋକ ପହଂଚି ଛନ୍ତି |ସେପଟେ କେଉଁ କାରଣରୁ ଏହିଭଳି ଦୁର୍ଘଟଣା ଘଟିଲା ସେ ନେଇ ସ୍ଥାନୀୟ ଲୋକ ଚାପା ଉତେଜନା ସୃଷ୍ଟି କରିଥିବା ବେଳେ ପୋଲିସ ବୁଝାସୁଝା ଜାରି ରଖିଛି |ତେବେ ମୃତକଙ୍କ ପରିବାର କୁ ୧୦ ଲକ୍ଷ୍ ଟଙ୍କା ଲେଖାଏଁ କ୍ଷତିପୂରଣ ଦେବା ପାଇଁ ଗ୍ରାମବାସୀ ଦାବି କରିଛନ୍ତି |
କାମାକ୍ଷାନଗର ରୁ ପ୍ରହ୍ଲାଦ ମୁଦୁଲି ଙ୍କ ରିପୋର୍ଟ
