ରାଉରକେଲା/କୁତ୍ରା ବ୍ଳକ ଅନ୍ତର୍ଗତ କୃଷି ଭବନ ପରିସରରେ କେନ୍ଦ୍ରୀୟ ଯୋଜନା ଅଧୀନରେ କୃଷକ ଉତ୍ପାଦକ ସଂଗଠନ ଗଠନ ଓ ତାର ବିକାଶ ସମ୍ପର୍କରେ ଏକ କର୍ମଶାଳା ସ୍ବେଚ୍ଛାସେବୀ ସଂଗଠନ “ଲାଲ” ର ଜିଲ୍ଲା ସଂଯୋଜକ ଅରୁଣ କୁମାର ପରିଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି l ଏହି କାର୍ଯ୍ୟକ୍ରମ ରେ ବ୍ଲକ କୃଷି ଅଧିକାରୀ ହେମନ୍ତ କୁମାର ଜେନା, ସମନ୍ୱିତ ଶିଶୁବିକାଶ ଅଧିକାରୀ ଜୟଶ୍ରୀ ପଟ୍ଟନାୟକ, ଜୀବିକା ମିଶନ ର ବ୍ଳକ ପ୍ରକଳ୍ପ ପରିଚାଳକ ସୁନୀଲ କୁଜୁର, ମିଶନ ଶକ୍ତିର ବ୍ଳକ ପକଳ୍ପ ସଂଯୋଜଜ ସୁମନ ସୋରେନ ଓ ବ୍ଳକ ସହକାରୀ ପରିଚାଳକ କପିଳେନ୍ଦ୍ର ନାୟକ ଓ ବ୍ଳକ ଫେଡେରେସନ ର ସଭାପତି ତରୁଣୀଲତା ସୁନାନୀ ଅତିଥି ଭାବରେ ଯୋଗଦେଇ ଫାର୍ମର ଉତ୍ପାଦକ ସଂଗଠନ ଗଠନରେ ମହିଳା ମାନଙ୍କ ଭୂମିକା ସମ୍ପର୍କରେ ଆଲୋଚନା କରିଥିଲେ l ଏହି ସଂଗଠନ ଗଠନ ଦ୍ୱାରା ସମ୍ପୃକ୍ତ ଅଞ୍ଚଳର କୃଷି ଉତ୍ପାଦନ କ୍ଷେତ୍ରରେ ବିକାଶ, ଉନ୍ନତମାନର କୃଷି ଯନ୍ତ୍ରପାତି, ସାର, କୀଟନାଶକ ଔଷଧ ଆଦି ସୁଲଭ ମୂଲ୍ୟରେ ମହିଳା ଚାଷୀ ମାନେ ପାଇପାରିବେ ବୋଲି ଏହି ବୈଠକ ରେ ମତ ପକାଶ ପାଇଥିଲା l ସ୍ୱୟଂ ସହାୟକ ଗୋଷ୍ଠିର ମହିଳାମାନେ କୃଷକ ଉତ୍ପାଦକ ସଂଗଠନ ଗଠନରେ ବହୁସଂଖ୍ୟାରେ ସାମିଲ ହେବାପାଇଁ “ଲାଲ” ଅନୁଷ୍ଠାନର ଜିଲ୍ଲା ସଂଯୋଜକ ଶ୍ରୀ ପରିଡା ଆହ୍ୱାନ ଦେଇଥିଲେ l ଅନ୍ୟମାନଙ୍କ ମଧ୍ୟରେ ନୀଳିମା ସାହୁ, ତରୁଲତା ସା, ସୁଭଦ୍ରା କିଷାନ, ସତ୍ୟବତୀ ମିଞ୍ଜ,ଅନିତା ଟପ୍ପୋ, ବୀଣାପାଣି ସା, ନମିତା ମିଞ୍ଜ,ଜ୍ୟୋତ୍ସ୍ନା ଲାକ୍ରା, ସଂଗୀତା କୁଜୁର, ସଂଯୁକ୍ତା ମହାନନ୍ଦିଆ, ସୁକାନ୍ତି ଲାକ୍ରା, ପୁଷ୍ପା ଟପ୍ପୋ, ସୁଚିତା କୁଲୁ, ବିନିତା ଏକ୍କା ଓ ସ୍ମିତା ନାୟକ ପ୍ରମୁଖ କୃଷକ ଉତ୍ପାଦକ ସଂଗଠନ ଗଠନ ଓ ପରିଚାଳନା ସମ୍ପର୍କରେ ବିସ୍ତୃତ ଆଲୋଚନା କରିଥିଲେ l ଏହି କାର୍ଯ୍ୟକ୍ରମ ରେ କୁତ୍ରା ବ୍ଳକ ଅଧୀନରେ ଥିବା ୫ ଟି ଗ୍ରାମ ପଞ୍ଚାୟତର ବହୁସଂଖ୍ୟକ ମହିଳା କର୍ମୀ ଯୋଗ ଦେଇଥିଲେ l
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ