ଚନ୍ଦାହାଣ୍ଡି (ମ ନି ସ) ରକ୍ତହୀନତାର ଶିକାର ହୋଇଥିବା ଜଣେ ଝିଅ କୁ ରକ୍ତଦାନ କରି ବିପଦର ବନ୍ଧୁ ସାଜିଛନ୍ତି ଜଣେ ଯୁବକ । ଯୁବକ ଙ୍କ ଏଭଳି କାର୍ଯ୍ୟକୁ ବିଭିନ୍ନ ମହଲରେ ପ୍ରଶଂସା କରାଯାଇଛି । ରକ୍ତଦାନ କରିଥିବା ଯୁବକ ଜଣକ ହେଉଛନ୍ତି ଚନ୍ଦାହାଣ୍ଡି ବ୍ଲକ ହଳଦୀ ଗ୍ରାମର ବରୁଣ ବାଘ । ସୂଚନା ଅନୁଯାୟୀ ,ଚନ୍ଦାହାଣ୍ଡି ବ୍ଲକ ଅଧିନସ୍ଥ ମାଲପଡ଼ା ଗ୍ରାମର ଦିଗଚନ ଗୌଡ଼ ଙ୍କ ଝିଅ ସର୍ବେଶ୍ୱରି ଗୌଡ଼ ଜ୍ବରରେ ଆକ୍ରାନ୍ତ ହୋଇ ରକ୍ତହୀନତା ର ଶିକାର ହୋଇ କଳାହାଣ୍ଡି ଜିଲ୍ଲା ଧର୍ମଗଡ ଉପଖଣ୍ଡ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି । 
ତେବେ ତାଙ୍କୁ AB+ ବ୍ଲଡ ର ଆବଶ୍ୟକତା ଥିବା ଡାକ୍ତର କହିବାପରେ ପରିବାର ବର୍ଗ ଚିନ୍ତା ରେ ଥିଲେ । ଯୁବ ନେତା ତଥା ସମାଜ ସେବୀ ଭୋଦେଵ ବାଘ ଙ୍କୁ ଏନେଇ ଦିଗ ଚନ ଗୌଡ଼ କହିବା ପରେ ସେ ହଳଦୀ ଗ୍ରାମର ବରୁଣ ବାଘ ଙ୍କୁ ସାଙ୍ଗରେ ନେଇ ଧର୍ମଗଡ ଡାକ୍ତରଖାନାକୁ ଯାଇ ରକ୍ତଦାନ କରିଥିଲେ । ବିପଦ ସମୟରେ ରକ୍ତଦାନ କରି ବରୁଣ ମଣିଷ ପଣିଆ କୁ ଜାହିର କରିଛନ୍ତି । ଏଭଳି ବିପଦ ସମୟରେ ଅନ୍ୟମାନେ ମଧ୍ୟ ରକ୍ତଦାନ କଲେ ଅନେକ ଜୀବନ ବଂଚିପାରିବ ବୋଲି ବିପଦର ବନ୍ଧୁ ସାଜିଥିବା ବରୁଣ ଓ ଭୋଦେବ ପ୍ରକାଶ କରିଛନ୍ତି ।
ଚନ୍ଦାହାଣ୍ଡି ରୁ ଦିଲୀପ ଦାସ ଙ୍କ ରିପୋର୍ଟ
