କୋକସରା,୩୦/୯- (ମ ନି ସ) ଇନ୍ଦ୍ରାବତୀ ମେଗାଲିଫ୍ଟ କେନାଲରୁ ଗୁରୁବାର ସନ୍ଧ୍ୟାରେ ଜଣେ ମହିଳାଙ୍କ ଶବ ଉଦ୍ଧାର ଘଟଣାରେ ମିଲିଲା ମୃତ ମହିଳାଙ୍କ ପରିଚୟ। ମହିଳା ଜଣକ ହେଉଛନ୍ତି ଜୟପାଟଣା ବ୍ଲକ ସର୍ଗିଗୁଡା ପଞ୍ଚାୟତ ସାନପୁଝାରି ଗୁଡା ଗ୍ରାମର ନୀଳ ଯାନୀ ଙ୍କ ସ୍ତ୍ରୀ ଶନିବାରି ଯାନୀ (୪୫) । ଗତକାଲି ସକାଳେ ଶୌଚ ପାଇଁ ଗାଁ ନିକଟରେ ଥିବା କେନାଲକୁ ଯାଇଥିବା ବେଳେ କେନାଲର ପ୍ରବଳ ସ୍ରୋତରେ ପଡି ପ୍ରାୟ ୩୦ କିଲୋମିଟର କେନାଲ ପାଣିରେ ଭାସିଯାଇ ମେଗାଲିଫ୍ଟ କେନାଲର ଶେଷ ମୁଣ୍ଡ ନେଗିଗୁଡା ନିକଟରେ ଥିବା ଚେନାଲ ଗେଟରେ ତାଙ୍କ ଶବ ଲାଗିଥିଲା। ଗ୍ରାମବାସୀଙ୍କ ନିକଟରୁ ଖବର ପାଇ ଉଦ୍ଧାର କରିଥିଲେ କୋକସରା ଦମକଲ କର୍ମଚାରୀ। କୋକସରା ପୁଲିସ ୨୦/୨୨ ରେ ଏକ ଅପମୃତ୍ୟୁ ମାମଲା ରୁଜୁ କରି ଶବକୁ ବ୍ୟବଚ୍ଛେଦ ପାଇଁ କୋକସରା ଡାକ୍ତରଖାନାରେ ବ୍ୟବଚ୍ଛେଦ ପରେ ଶୁକ୍ରବାର ପରିବାରଙ୍କୁ ହସ୍ତାନ୍ତର କରିଥିବା ନେଇ ତଦନ୍ତକାରୀ ପୁଲିସ ଅଧିକାରୀ ଗୋପବନ୍ଧୁ ନାଏକ ସୂଚନା ଦେଇଛନ୍ତି।
