ଜଣାଣ
ମାନଗୋବିନ୍ଦ ସ୍ବାଇଁ
ଦେଖି ତୋର ରୂପ ମନ ମୋ ବଳିଲା
ମୋ ଆଖି ତୋ ଆଖି ମିଶି
ଭାବରେ ଗାଇଲି ତୋହରି ଭଜନ
ବିଶ୍ବ ବାସୀ ରଖ ଖୁସି।
ସରବ ମଙ୍ଗଳ ହେଉ ହେ କୁଶଳ
ଜଗତର ହସଖୁସି
ଖୁସିରେ ରହିବା ଶାନ୍ତିରେ ଚଳିବା
ଆନନ୍ଦ ମୋ ବିଶ୍ବବାସୀ।
କେମିତି କହିବି ଜଗତର କଥା
ବେଳୁ ବେଳ ବଢେ ଦୁଃଖ
ପ୍ରକୃତି ବିପଦ ଭାଙ୍ଗୁଛି ସଂପଦ
ଧରା ଜନ ନାହିଁ ସୁଖ।
ଜନ ଗଢ଼ା ଶତ୍ରୁ ଧ୍ବଂସ କରି ଦିଏ
ଦେଶ ହିଂସା ବାଦ ପାଇଁ
ହୃଦୟ ମଧ୍ୟରେ ଶାନ୍ତି ବାର୍ତ୍ତା ଭରୁ
ଜଗତ ହିତେ ଗୋସାଇଁ।
ନିଜ ହାତେ ହତ୍ୟା ପ୍ରକୃତି ସଂପଦ
କାହାକୁ କରିବି ଦାୟୀ
ବୁଧି ଦିଅ ପ୍ରଭୁ ବାଟକୁ ଆସନ୍ତୂ
ରକ୍ଷା କର ମହାମାୟୀ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା