ପାପଡାହାଣ୍ଡି,29/12, ମିନିସ — ପଂଚାୟତ ତରଫରୁ ଚାଉଳ ବଣ୍ଟନ ଲାଗି ଦାବି କରିଥିଲେ ତିନି ଗ୍ରାମବାସୀ | ସ୍ୱୟଂ ସହାୟକ ମହିଳା ଙ୍କ ଦ୍ୱାରା ଚାଉଳ ବଣ୍ଟନକୁ ପ୍ରତିବାଦ କରି ରାସ୍ତା ରୋକ ମଧ୍ୟ କଲେ | ଶେଷରେ ବିଧାୟକଙ୍କ ଉପସ୍ଥିତିରେ 4 ମାସର ଚାଉଳ ପାଇଲେ ହିତାଧିକାରୀ | 
ପାପଡାହାଣ୍ଡି ବ୍ଲକ ତୁମ୍ବର୍ଲା ପଂଚାୟତରେ ଗୁରୁବାର ଡାବୁଗାଁ ବିଧାୟକ ମନହୋର ରନ୍ଧାରୀଙ୍କ ଉପସ୍ଥିତି ରେ ତୁମ୍ବର୍ଲା, ରୋଜାମାଟୁ ଓ ଧନସୁଲୀ ଗ୍ରାମର 170ଜଣ ହିତାଧିକାରୀଙ୍କୁ ଚାଉଳ ବଣ୍ଟନ କରାଯାଇଥିଲା | ଏହି ତିନୋଟି ଗ୍ରାମକୁ ପୂର୍ବରୁ ସ୍ୱୟଂ ସହାୟକ ମହିଳା ଗୋଷ୍ଠି ବଣ୍ଟନ କରୁଥିଲେ | ଏହାକୁ ପଂଚାୟତବାସି ସହ ଏହି ଗ୍ରାମର ଲୋକ ମାନେ ବିରୋଧ କରିଥିଲେ |
ବିଡ଼ିଓଙ୍କୁ ଲିଖିତ ଆକାରେ ଆସି ଜଣାଇଲେ ଶେଷରେ କେହି କିଛି ନ କରିବାରୁ ତୁମ୍ବର୍ଲା ଛକରେ ରାସ୍ତା ରୋକ କରିଥିଲେ | 4 ମାସର ଚାଉଳ ହିତାଧିକାରୀ ନ ପାଇ ହନ୍ତଶନ୍ତ ହେଉଥିଲେ | ବିଧାୟକ ମନହୋର ରନ୍ଧାରି, ବ୍ଲକ ଉପାଧକ୍ଷ ସୁଶାନ୍ତ ବେହେରା, ଏମଆଇ ରାଜେଶ ଶବର, ସରପଞ୍ଚ ମୁରଲୀ ନାୟକ , ପଂଚାୟତ ନିର୍ବାହୀ ଅଧିକାରୀ ପ୍ରମୁଖ ଙ୍କ ଉପସ୍ଥିତିରେ 170ଜଣଙ୍କୁ ଚାଉଳ ବଣ୍ଟନ କରାଯାଇଥିଲା | ଗ୍ରାମବାସୀ ବିଧାୟକଙ୍କୁ ଧନ୍ୟବାଦ ଜଣାଇଛନ୍ତି |
ପାପଡାହାଣ୍ଡି ରୁ ସ୍ୱପଜିତ ପଟନାୟକ ଙ୍କ ରିପୋର୍ଟ
