ଲାଞ୍ଜିଗଡ଼,୦୪/୦୩(ମନିସ)-ବାପ-ଝିଅ ଭଳି ପବିତ୍ର ସଂପର୍କରେ ଲାଗିଛି କଳଙ୍କର କଳାଦାଗ ! ନିଜ ଔରସରୁ ଜନ୍ମଲାଭ କରିଥିବା ନାବାଳିକା ଝିଅକୁ ଦୁଷ୍କର୍ମ ଅଭିଯୋଗରେ ଅଭିଯୁକ୍ତ ବାପା ପୁଲିସ ଦ୍ବାରା ଗିରଫ ହୋଇ ଜେଲ୍ ଯାଇଛି ! ଏଇ ଅଭାବନୀୟ ଘଟଣାଟି ଅଞ୍ଚଳର ସଭ୍ୟ ସମାଜର ମୁଣ୍ଡକୁ ତଳକୁ କରିଦେଇଛି ! ଲାଞ୍ଜିଗଡ଼ ପୁଲିସ ସୂତ୍ରରୁ ମିଳିଥିବା ସୂଚନାନୁଯାୟୀ, ଲାଞ୍ଜିଗଡ଼ ଥାନାଞ୍ଚଳର ଜଣେ ବ୍ୟକ୍ତି ନିଜ ପରିବାର ସହିତ କିଛି ମାସ ପୂର୍ବେ ଦାଦନ ଖଟିବାକୁ କେରଳ ଯାଇଥିଲେ ! ସେମାନଙ୍କ ସହିତ ତାଙ୍କର ୧୨ ବର୍ଷୀୟା ନାବାଳିକା ଝିଅ ମଧ୍ୟ ଥିଲା ! ସେଠାରେ ନିଜ ନାବାଳିକା ଝିଅ ଉପରେ ବାପର ପାଶବିକ ଅତ୍ୟାଚାର ବଢ଼ିଯିବାରୁ ଝିଅର ମାଆ ରାକ୍ଷସ ସ୍ବାମୀଙ୍କୁ କେରଳରେ ଏକା ଛାଡ଼ି ପୁଅଝିଅଙ୍କୁ ଧରି ଘରକୁ ପଳାଇ ଆସିଥିଲେ ! ସ୍ତ୍ରୀ ଓ ପରିବାର ଚାଲି ଆସିବା ପରେ ଗତ ସପ୍ତାହେ ପୂର୍ବରୁ ଅଭିଯୁକ୍ତ ବାପ ମଧ୍ୟ କେରଳରୁ ଘରକୁ ପଳାଇ ଆସିଥିଲା ! ତେବେ ଏଠାରେ ବି ସେ ସୁଧୁରିବା ବଦଳରେ ନାବାଳିକା ଝିଅ ଉପରେ ପାଶବିକ ଅତ୍ୟାଚାର କରିଥିଲା ! ଏଥିରେ ଅତିଷ୍ଠ ହୋଇ ଶୁକ୍ରବାର ଅପରାହ୍ନରେ ପୀଡ଼ିତା ନାବାଳିକା ଲାଞ୍ଜିଗଡ଼ ଥାନାର ଦ୍ବାରସ୍ତ ହୋଇଥିଲା ! ଅଭିଯୋଗ ପାଇବା ପରେ ଲାଞ୍ଜିଗଡ଼ ଭାରପ୍ରାପ୍ତ ଥାନାଧିକାରୀ ମମତା ହେମ୍ବ୍ରମ ତୁରନ୍ତ ପଦକ୍ଷେପ ନେବା ସହ ଅଭିଯୁକ୍ତ ବାପକୁ ଗିରଫ କରି ତଦନ୍ତ ଆରମ୍ଭ କରିଥିଲେ ! ଏନେଇ ଲାଞ୍ଜିଗଡ଼ ଥାନାରେ କେସ୍ ନଂ ୧୪/୨୩ରେ ଏକ ମାମଲା ରୁଜୁ କରାଯିବା ସହ ଅଭିଯୁକ୍ତକୁ ଆଜି କୋର୍ଟଚାଲାଣ କରାଯାଇଛି ! ଘଟଣାଟି ଅଞ୍ଚଳରେ ଲଜ୍ଜାଜନକ ପରିସ୍ଥିତି ସ୍ରୁଷ୍ଟି କରିଛି !
ଲାଞ୍ଜିଗଡ଼ ରୁ ସୁଶୀଲ କୁମାର ବାଗ ଙ୍କ ରିପୋର୍ଟ
