ଡାବୁଗାଁ, ୧୨/୬ (ମ.ନି.ସ.)- ବର୍ତ୍ତମାନ ଜୁନ ମାସ ଅଧା ହେଲାଣି କିନ୍ତୁ କମୁନି ତାତି | ଏହି ଗ୍ରୀଷ୍ମ ସମୟରେ ପିଲା ମାନଙ୍କ ର ବିଦ୍ୟାଳୟ ମଧ୍ୟ ଛୁଟି ରହୁଛି | ଏହି ଗ୍ରୀଷ୍ମ ସମୟରେ ସହର ର ପିଲାମାନେ ନିଜ ନିଜ ଘରେ ଏସି ରୁମ ରେ ରହୁଥିବା ବେଳେ 
ଗ୍ରାମାଞ୍ଚଳର ପିଲାମାନେ ଗ୍ରାମରେ ଥିବା ଅମ୍ବତୋଟା ରେ ରହି ଖେଳୁଥିବା ଦେଖିବାକୁ ମିଳୁଛି | ଏହାସହ ଅମ୍ବତୋଟାର ଆମ୍ବ ଗଛରୁ ପାଚିଲା ଆମ୍ବ ଖାଇବା ସହ ବିଭିନ୍ନ ଖେଳ ଖେଳି ସମୟ ବିତାଉଛନ୍ତି | ଏହା ସହ ଋତୁ କାଳୀନ ଏହି ଫଳ ପ୍ରତି ପିଲା ଠାରୁ 
ବୁଢ଼ା ପର୍ଯ୍ୟନ୍ତ ସମସ୍ତଙ୍କ ଆଗ୍ରହ ରହିଛି | ସହରାଞ୍ଚଳ ରେ ଲୋକେ ବଜାର ରୁ କିଣି ଖାଉଥିବା ବେଳେ ଗ୍ରାମାଞ୍ଚଳ ର କଥା ଅଲଗା | ଗ୍ରାମ ମାନଙ୍କରେ ଥିବା ଆମ୍ବତୋଟା ମାନଙ୍କ ରେ ଏବେ ପିଲା ମାନଙ୍କ ଭିଡ଼ | ଅପେକ୍ଷା ଥାଏ କେତେବେଳେ ପାଚିଲା ଆମ୍ବଟେ ଝଡି ପଡିବ |ଆମ୍ବ ପଡ଼ୁ ପଡ଼ୁ ଧାଇଁ ପଡୁଛନ୍ତି ପିଲାମାନେ |
ନବରଙ୍ଗପୁର ଜିଲାର ଡାବୁଗାଁ ଅଂଚଳରେ ଏଭଳି ବହୁ ପୁରୁଣା ଦେଶୀ ଓ କଲମୀ ଆମ୍ବତୋଟା ସବୁ ରହିଛି |ଏବେ ଆମ୍ବ ଖାଇବାକୁ ଆମ୍ବତୋଟା ମାନଙ୍କ ରେ ପିଲାମାନଙ୍କ ଭିଡ଼ ଲାଗିରହିଥିବା ଦେଖିବାକୁ ମିଳୁଛି |ହାତରେ ମୋଟା ବାଡ଼ି ଓ ଟେକାପଥର ଫିଙ୍ଗି ଆମ୍ବ ତୋଳୁଛନ୍ତି |ତାତି ବଢିବା ସହ ପବନ ରେ ପାଚିଲା ଆମ୍ବ ସବୁ ଝଡି ପଡୁଛି |ଝଡି ପଡୁଥିବା ଆମ୍ବ ଗୋଟାଇ ପିଲାମାନେ ଖୁସିରେ ଖାଉଛନ୍ତି | ଘରୁ ବାହାରି ଆମ୍ବତୋଟା ମାନଙ୍କ ରେ ଆସର ଜମାଉଛନ୍ତି ପିଲାମାନେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
