ପରିବେଶ ସଂକ୍ରାନ୍ତୀୟ ଚିତ୍ରାଙ୍କନ ଓ ବକୃତା ପ୍ରତିଯୋଗିତା ଅନୁଷ୍ଠିତ
ରାଉରକେଲା: ୱାଇ.ଏମ.ଏଫ.ଆଇ ଏବଂ ଏସ.ପି.ସି.ବି ର ମିଳିତ ଆନୁକୂଲ୍ୟରେ ପରିବେଶ ସଂକ୍ରାନ୍ତୀୟ ଚିତ୍ରାଙ୍କନ ଓ ବକୃତା ପ୍ରତିଯୋଗିତା ସ୍ଥାନୀୟ ଜ୍ଞାନଜ୍ୟୋତି ପବ୍ଲିକ ସ୍କୁଲ ରେ ଅନୁଷ୍ଠିତ ହୋଇଯାଇଛି l ପ୍ରତିଯୋଗିତା ର ବିଷୟବସ୍ତୁ ‘ଜମି ପୁନଃରୁଧାର, ମରୁଭୁମି ଓ ମରୁଡି ସ୍ଥିରତା’ ରଖାଯାଇଥିଲା l ଗତ ୨୦୦୦ ମସିହା ପରଠାରୁ ବିଶ୍ୱରେ ମରୁଡି ପରିମାଣ ବୃଦ୍ଧି ପାଇ ଚାଲିଛି l ଦିନକୁ ଦିନ ତାପମାତ୍ରା ବୃଦ୍ଧି ସହ ପାନୀୟ ଜଳ ସଙ୍କଟ ଦେଖାଦେଇଛି l ବେଳହୁଁ ପ୍ରତିକାର ବ୍ୟବସ୍ଥା ଗ୍ରହଣ କରାନଗଲେ ଆଗାମୀ ଦିନରେ ଅବସ୍ଥା ଉତ୍କଟ ହେବ l ଜଳବାୟୁ ଅନିୟମିତତା ବୃଦ୍ଧି ପାଇବ l ବନ୍ୟା, ବାତ୍ୟା, ସୁନାମି, ଭୂମିକମ୍ପ ପ୍ରଭୃତି ମାଧ୍ୟମରେ ପ୍ରକୃତି ତାର କରାଳ ରୂପ ପ୍ରକଟ କରିବ, ଯାହାକି ମନୁଷ୍ୟ ଓ ପ୍ରାଣୀ ପ୍ରତି ବିପଦ ସୃଷ୍ଟି କରିବ l ଏଣୁ ଏସମ୍ପର୍କରେ ପିଲାଙ୍କ ମଧ୍ୟରେ ଜିଜ୍ଞାସା ସୃଷ୍ଟି ସହ ସଚେତନତା ଜାଗ୍ରତ ପାଇଁ ଏହି ପ୍ରତିଯୋଗିତା କରାଯାଇଥିଲା l
ଏସ.ପି.ସି.ବି ରାଉରକେଲା ର ଆଞ୍ଚଳିକ ଅଧିକାରୀ ତଥା ବରିଷ୍ଠ ପରିବେଶ ବୈଜ୍ଞାନିକ ଡ଼. ଅନୁପ କୁମାର ମଲ୍ଲିକ ଙ୍କ ନିର୍ଦ୍ଦେଶ କ୍ରମେ ବିଶ୍ୱ ପରିବେଶ ଦିବସ ଉପଲକ୍ଷେ ଆୟୋଜିତ ପ୍ରତିଯୋଗିତାରେ ବିଭିନ୍ନ ସ୍କୁଲ ର ପ୍ରାୟ ଶତାଧିକ ଛାତ୍ର ଛାତ୍ରୀ ଏଥିରେ ଭାଗ ନେଇ ନିଜ ଅନ୍ତର୍ନିହିତ କଳା ଓ ସୃଜନଶୀଳ ପ୍ରତିଭାର ପରିଚୟ ଦେଇଥିଲେ lଭାରତ ସରକାରଙ୍କ ମିଶନ ଲାଇଫ ଯୋଜନାରେ ନିଜ ନିଜ ଦୈନନ୍ଦିନ ଜୀବନରେ ପରିବେଶ ଆଧାରିତ ଜୀବନ ଶୈଳୀ ଆପଣାଇବା ଓ ପରିବେଶର ସୁରକ୍ଷା ପାଇଁ ଅନ୍ୟ ମାନଙ୍କୁ ପ୍ରବାର୍ତ୍ତାଇବାକୁ ଉପସ୍ଥିତ ଅତିଥି, ଛାତ୍ର ଛାତ୍ରୀ ଓ ଅଭିଭାବକ ମାନେ ଶପଥ ପାଠ କରିଥିଲେ l ଏଥିରେ ବିଭାଗୀୟ ଉପ ପରିବେଶ ଯନ୍ତ୍ରୀ ବିଜୟ କୁମାର ଭୋଇ ଓ 
ଆର ଆର ଦାସ ଙ୍କ ସମେତ ସହକାରୀ ପରିବେଶ ଯନ୍ତ୍ରୀ ପ୍ରିତମ କୁମାର ପତି, ସହକାରୀ ପରିବେଶ ବିଜ୍ଞାନୀ ସୌମ୍ୟ ରଞ୍ଜନ ପ୍ରଧାନ ଓ ପ୍ରଜ୍ଞାଜ୍ୟୋତି ସେନାପତି, ଜ୍ଞାନଜ୍ୟୋତି ପବ୍ଲିକ ସ୍କୁଲ ର ଅଧ୍ୟକ୍ଷ ଜଳଧର ମହାପାତ୍ର ପ୍ରମୁଖ ଅତିଥି ଭାବେ ଯୋଗ ଦେଇଥିଲେ l ୱାଇ.ଏମ.ଏଫ.ଆଇ ର ସାଧାରଣ ସମ୍ପାଦକ ବିବେକାନନ୍ଦ ଦାସ ଙ୍କ ତତ୍ୱାବଧାନରେ ପ୍ରତିଯୋଗିତା ଅନୁଷ୍ଠିତ ହୋଇଥିଲା l ଶିକ୍ଷୟିତ୍ରୀ ସରିତା ନାୟକ, ପ୍ରମିଳା ରାଉତ, ପ୍ରତୀକ୍ଷା ମିତ୍ର, ସୁନିତା ମହନ୍ତ, ଚିତ୍ରଶିଳ୍ପୀ ଦେବେନ୍ଦ୍ର ମହାରଣା ପ୍ରମୁଖ ପ୍ରତିଯୋଗିତା ର ବିଚାରକ ଭାବେ ଯୋଗ ଦେଇଥିଲେ l କାର୍ଯ୍ୟକ୍ରମ ପରିଚାଳନା ରେ ଶିକ୍ଷକ, ଶିକ୍ଷୟତ୍ରୀ ଓ ସ୍ବେଛାସେବୀ ମାନେ ସହଯୋଗ କରିଥିଲେ l
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
