ଭାରତ ଲୀଳା ମହୋତ୍ସବ ନିମନ୍ତେ ବରିଷ୍ଠ କଳାକାର ସଂଘର ପ୍ରସ୍ତୁତି ବୈଠକ
ବ୍ରହ୍ମପୁର,୦୯/୬/୨୪- କଳା ଓ କଳାକାର ହିତୈଷୀ ମହାମଞ୍ଚ ‘ଗଞ୍ଜାମ ଜିଲ୍ଲା ବରିଷ୍ଠ କଳାକାର ସଂଘ’ ପକ୍ଷରୁ ସଂଘର ବାର୍ଷିକୋତ୍ସବ ଅବସରରେ “ରାଜ୍ଯ ସ୍ତରୀୟ ଭାରତ ଲୀଳା ମହୋତ୍ସବ : ୨୦୨୪” ଆୟୋଜନ ସଂକ୍ରାନ୍ତରେ ଏକ ପ୍ରସ୍ତୁତି ବୈଠକ ସ୍ଥାନୀୟ ସିଟି ହାଇସ୍କୁଲ ରୋଡ଼ ସ୍ଥିତ ‘ମାନସ ଭବନ’ ପରିସରରେ ଅନୁଷ୍ଠିତ ହୋଇ ଯାଇଛି । ସଂଘ କାର୍ଯ୍ୟକାରୀ ସଭାପତି ଦୂର୍ଗା ପ୍ରସାଦ ଆଚାର୍ଯ୍ୟଙ୍କ ଅଧ୍ଯକ୍ଷତାରେ ଅନୁଷ୍ଠିତ ଏହି ପ୍ରସ୍ତୁତି ବୈଠକରେ କଳାପ୍ରାଣ କୈଳାସ ପାଣିଗ୍ରାହୀ, ଶିକ୍ଷାବିତ୍ ଶଙ୍କର୍ଷଣ ସାବତ ଏବଂ ସୀମାନ୍ତ ନଟରାଜ ଡା. ତିରୁପତି ସାହୁ ମଞ୍ଚାସୀନ ଥିଲେ । ସଂଘ ସଂପାଦକ ସୁବାସ ଚନ୍ଦ୍ର ସାହୁ ରୋଶନ୍ ସ୍ବାଗତ ଭାଷଣ କ୍ରମରେ ବୈଠକର ଆଭିମୁଖ୍ୟ ଉପସ୍ଥାପନ ସହିତ ଜୁଲାଇ ତିନି ତାରିଖ ସଂଘ ବାର୍ଷିକୋତ୍ସବ ଅବସରରେ ‘ଭାରତ ଲୀଳା ମହୋତ୍ସବ’ ପ୍ରସ୍ତାବ ଆଗତ କରିଥିଲେ । କାର୍ଯ୍ୟକାରୀ କମିଟୀ ସଦସ୍ଯ/ସଦସ୍ୟା ମାନେ ଆଲୋଚନା ପୂର୍ବକ ପ୍ରସ୍ତାବ ଅନୁମୋଦନ ସମେତ ଉକ୍ତ ଦିବସରେ ଏକ ବର୍ଣ୍ଣାଢ୍ୟ କଳାକାର ଶୋଭାଯାତ୍ରା ଅନୁଷ୍ଠାନ ପାଇଁ ନିଷ୍ପତ୍ତି ନେଇଥିଲେ । ଏହି ପରିପ୍ରେକ୍ଷୀରେ ସମସ୍ତ ଭାରତ ଲୀଳା ଲୋକ ନାଟ୍ଯ ଦଳ ମାନେ ଅଂଶ ଗ୍ରହଣ ନିମନ୍ତେ ସଂଘ ସହ ଯୋଗାଯୋଗ କରିବା ନିମନ୍ତେ ଆନୁଷ୍ଠାନିକ ପରାମର୍ଶ ଦିଆଯାଇଛି । ସ୍ଥାନୀୟ ହିଲ୍ ପାଟଣା ବିଜୁ ପଟ୍ଟନାୟକ ସଂସ୍କୃତି ଭବନ ଠାରେ କାର୍ଯ୍ଯକ୍ରମ ଆୟୋଜନ ସଂକ୍ରାନ୍ତରେ ସଂପୃକ୍ତ ବିଭାଗ ସହ ଯୋଗାଯୋଗ ପାଇଁ ସଂପାଦକଙ୍କୁ ଦାୟିତ୍ବ ନ୍ଯସ୍ତ କରାଯାଇଛି । ବୈଠକରେ ସର୍ବଶ୍ରୀ ବଳଦେବ ସାହୁ, ମୃତ୍ଯୁଞ୍ଜୟ ତ୍ରିପାଠୀ, ଦେବେନ୍ଦ୍ର ପ୍ରସାଦ ଶର୍ମା, ଟି. ତାରିଣୀ ରାଓ, କୁନୁ ବେହେରା, ପ୍ରଦୀପ କୁମାର ସାହୁ, ଗୀତା ସ୍ବାଇଁ, ବନ୍ଦନା ନନ୍ଦ, ବନ୍ଦନା ମହାପାତ୍ର ପ୍ରମୁଖ ଆଲୋଚନାରେ ଅଂଶ ଗ୍ରହଣ କରିଥିଲେ । ପରିଶେଷରେ ଅଭିରାମ ରାଉଳ ଆନୁଷ୍ଠାନିକ ଧନ୍ଯବାଦ ଅର୍ପଣ କରିଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
