ଭାରତୀୟ ଜନତା ପାର୍ଟି ପାନପୋଷ ସାଂଗଠନିକ ଜିଲ୍ଲା ରାଉରକେଲାରେ ହମିରପୁର, ତୁମକେଲା, ଲୁହାକେରା ଓ ଟାଙ୍ଗରାପଲ୍ଲୀର ବଞ୍ଚିତ ଅଞ୍ଚଳକୁ ପଂଚାୟତରେ ଅନ୍ତର୍ଭୁକ୍ତ କରିବାକୁ ପଞ୍ଚାୟତରାଜ ମନ୍ତ୍ରୀଙ୍କୁ ବିଧାୟକ ଦୁର୍ଗା ଚରଣ ତନ୍ତୀଙ୍କ ସ୍ମାରକ ପତ୍ର
ରାଉଲକେଲା: ବିକଶିତ ଓଡ଼ିଶା ଗଠନ ଆମ ସଂକଳ୍ପ ପାଇଁ ଅନୁଷ୍ଠିତ ରାଜ୍ୟ ସ୍ତରୀୟ ଉତ୍ସଵରେ ଯୋଗ ଦେଇ, ଏହାର ସମାପନ ପରେ ରଘୁନାଥପଲ୍ଲୀ ବିଧାୟକ ଦୁର୍ଗା ଚରଣ ତନ୍ତୀ, ମାନ୍ୟବର ପଞ୍ଚାୟତରାଜ ମନ୍ତ୍ରୀ ରବି ନାରାୟଣ ନାୟକଙ୍କୁ ଭେଟି ଥିଲେ । ସେ ଏହି ଅବସରରେ ତ୍ରିଶଙ୍କୁ ଅବସ୍ଥାରେ ଥିବା ରଘୁନାଥପଲ୍ଲୀ ବିଧାନସଭା କ୍ଷେତ୍ର ଅନ୍ତର୍ଗତ ଗ୍ରାମ ହମିରପୁର, ତୁମକେଲା, ଲୁହାକେରା ଓ ଟାଙ୍ଗରାପଲ୍ଲୀର ବଞ୍ଚିତ ଅଞ୍ଚଳକୁ ପଂଚାୟତରେ ଅନ୍ତର୍ଭୁକ୍ତ କରିବାକୁ ସ୍ମାରକ ପତ୍ର ପ୍ରଦାନ କରିଥିଲେ। ଦେଶର ସ୍ବାଧୀନତାର ୭୭ ବର୍ଷ ପରେ ମଧ୍ୟ ଏହି ଅଂଚଳ ଗୁଡ଼ିକ ନା ପୌରପାଳିକା ନା ପଞ୍ଚାୟତରେ ଅଛି । ପରିତାପର ବିଷୟ ଏହିକିଯେ ନିର୍ବାଚିତ ବିଧାୟକ ନା ରାଜ୍ୟ ସରକାରଙ୍କ ଅଧିକାରୀମାନେ ଏହା ଉପରେ ଦୃଷ୍ଟି ଦେଉଛନ୍ତି। ଗତ ବର୍ଷ ହମିରପୁର ସରକାରୀ ଉଚ୍ଚ ବିଦ୍ୟାଳୟ ପ୍ରାଙ୍ଗଣରେ ଏକ ଜନ ଶୁଣାଣି ଉପ ଜିଲ୍ଲାପାଳ, ତହସିଲଦାର ଓ ଅନ୍ୟ ଅଧିକାରୀଙ୍କ ସହ ପୂର୍ବତନ ବିଧାୟକଙ୍କ ଉପସ୍ଥିତିରେ ସହସ୍ରାଧିକ ଗ୍ରାମବାସୀ ସର୍ବ ସମ୍ମତି କ୍ରମେ ହମିରପୁରକୁ ଏକ ସ୍ବତନ୍ତ୍ ପଞ୍ଚାୟତ କରିବା ପାଇଁ ଦାବି କରିଥିଲେ । ଏହାପରେ ମଧ୍ୟ ରାଜ୍ୟସରକାରଙ୍କ କୁମ୍ଭକର୍ଣ୍ଣ ନିଦ୍ରା ଭାଙ୍ଗି ନଥିଲା । ଏହି ଅଞ୍ଚଳର ଗ୍ରାମବାସୀ ମାନେ ନିଜ ଭାଗ୍ୟକୁ ଆଦରି ବଞ୍ଚୁଛନ୍ତି ଯାହା ଫଳରେ ଗଣତନ୍ତ୍ର ବ୍ୟବସ୍ଥାରେ ଜନତାଙ୍କ ଦୁଃଖ କେହି ଶୁଣିବାକୁ ନାହାନ୍ତି । ରାଉରକେଲା ଇସ୍ପାତ କାରଖାନାର ପେରିଫେରି ଅଞ୍ଚଳରେ ଅବସ୍ଥିତ ଥିଲେ ମଧ୍ୟ ସେମାନେ କୌଣସି ଆଖି ଦୃଷ୍ଟିଆ ଉନ୍ନତି ମୂଳକ କାର୍ଯ୍ୟ କରି ନାହାନ୍ତି । ଏହି ଅଂଚଳର ବାସିନ୍ଦାମାନେ ସ୍ୱାସ୍ଥ୍ୟ , ଶିକ୍ଷା, ରାସ୍ତାଘାଟ, ଡ୍ରେନ , ଷ୍ଟ୍ରିଟ ଲାଇଟ ଆଦି ମୌଳିକ ସୁବିଧାରୁ ବଞ୍ଚିତ ହେଇଛନ୍ତି। ବାରମ୍ବାର ଦାବି ହୋଇଥିଲେ ମଧ୍ୟ ସମସ୍ତେ ନୀରବ । ନବ ନିର୍ବାଚିତ ବିଧାୟକ ଭାବେ ଗତ ଜୁନ ମାସ ୧୯ ତାରିଖ ଦିନ ଶପଥ ନେବାପରେ ଜନତାଙ୍କ ସେବକ ଭାବରେ ଶ୍ରୀ ତନ୍ତୀ ଜନତାଙ୍କ ଜର୍ଜରିତ ସମସ୍ୟାକୁ ହୃଦୟଙ୍ଗମ କରି , ଜନତାଙ୍କ ସ୍ବରକୁ ରାଜ୍ୟ ସରକାରଙ୍କ ପଂଚାୟତରାଜ ମନ୍ତ୍ରୀଙ୍କ ପାଖରେ ଉପସ୍ଥାପିତ କରିବା ସହିତ ଶୀଘ୍ର ସମାଧାନ କରିବାକୁ ଅନୁରୋଧ କରିଛନ୍ତି। ସବକା ସାଥ, ସବକା ବିକାଶ ,ସବକା ବିଶ୍ଵାସ , ସବକା ପ୍ରୟାସ ହେଉଛି ଯସ୍ୱଶି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସଂକଳ୍ପ । ଏହାକୁ କାର୍ଯ୍ୟରେ ପରିଣତି କରିବା ଆମର କାମ । ଏଣୁ ଏହା ଉପରେ ଯଥା ଶୀଘ୍ର ଉପଯୁକ୍ତ ପଦକ୍ଷେପ ନିଆଯିବ ବୋଲି ମନ୍ତ୍ରୀ ରବି ନାୟକ ପ୍ରତିଶୃତି ଦେଇଛନ୍ତି ବୋଲି ଶ୍ରୀ ତନ୍ତୀ ପ୍ରକାଶ କରିଛନ୍ତି ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
