ମୋଟର ସାଇକେଲ ଦୁର୍ଘଟଣା, ୨ ଗୁରୁତ୍ତର
ଡାବୁଗାଁ, ୫/୭ (ମ.ନି.ସ.) – ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ମାଝୀଗୁଡା ଗ୍ରାମ ଛକ ନିକଟରେ ଶୁକ୍ରବାର ଅପରାହ୍ନ ୫.୩୦ ଘ ସମୟ ରେ ମୋଟର ସାଇକେଲ ଦୁର୍ଘଟଣା ଘଟି ୨ ଜଣ ଗୁରୁତ୍ତର ହୋଇଛନ୍ତି l ସୂଚନାଯୋଗ୍ୟ :- ପାପଡାହାଣ୍ଡି ଥାନା ଅଧୀନ ମୁଣ୍ଡିଗୁଡା ଗ୍ରାମର ଜଗନ୍ନାଥ ଭତ୍ରା ଓ ତାଙ୍କ ବାପା କମଳ ଲୋଚନ ଭତ୍ରା ଡାବୁଗାଁ ବ୍ଲକ ଅଧୀନ କୋଇଲାରୀ ଗ୍ରାମକୁ ନିଜ ବନ୍ଧୁ ଘରକୁ ଯାଇଥିଲେ | ସେହିପରି ନବରଙ୍ଗପୁର ଥାନା ଅଧୀନ କୋଇଗୁଡା ଗ୍ରାମର ହରି ଅମାନାତ୍ୟ ଓ ତାଙ୍କ ମା ତୁଳସା ଅମାନାତ୍ୟ ଡାବୁଗାଁ ବ୍ଲକ ଅଧୀନ ଧନସରା ଗ୍ରାମକୁ ଏହା ଦଶାହ କାର୍ଯ୍ୟରେ ଯୋଗଦେବାକୁ ଆସିଥିଲେ | ଆଜି ଅପରାହ୍ନରେ ୫.୩୦ ଘ ସମୟ ରେ ପାପଡାହାଣ୍ଡି ଥାନା ଅଧୀନ ମୁଣ୍ଡିଗୁଡା ଗ୍ରାମର ଜଗନ୍ନାଥ ଭତ୍ରା (୨୮) ଓ ତାଙ୍କ ବାପା କମଳ ଲୋଚନ ଭତ୍ରା ମୋଟର ସାଇକେଲ ନଂ ଓଡି ୨୪ ଡି ୭୬୭୮ ଯୋଗେ ନିଜ ଘରକୁ ଫେରୁଥିବା ସମୟରେ ଡାବୁଗାଁ- ବୋରିଗାଁ ମୁଖ୍ୟ ରାସ୍ତାରେ ମାଝିଗୁଡା ଛକ ନିକଟରେ ନବରଙ୍ଗପୁର ଥାନା ଅଧୀନ କୋଇଗୁଡା ଗ୍ରାମର ହରି ଅମାନାତ୍ୟ (୩୦) ଓ ତାଙ୍କ ମା ତୁଳସା ଅମାନାତ୍ୟ ନିଜ ମୋଟର ସାଇକେଲ ନଂ ଓଡି ୨୪ ଏଫ ୩୪୬୬ ଯୋଗେ ଆସି ପଛପଟୁ ଧକ୍କା ଦେଇଥିଲେ | ଫଳରେ ୨ ଟି ମୋଟର ସାଇକେଲ ଆରୋହି ରାସ୍ତାରେ ପଡି ଆହତ ହୋଇଥିଲେ | ଖବର ପାଇଁ ଡାବୁଗାଁ ଅଗ୍ନିସମ ଗାଡି ଘଟଣାସ୍ଥଳରେ ପହଞ୍ଚି ଆହତ ମାନଙ୍କୁ ଉଦ୍ଧାର କରି ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ | ସେଠାରେ ମୁଣ୍ଡିଗୁଡା ଗ୍ରାମର ଜଗନ୍ନାଥ ଭତ୍ରା (୨୮) ଓ କୋଇଗୁଡା ଗ୍ରାମର ହରି ଅମାନାତ୍ୟ (୩୦) ଅବସ୍ଥା ଗୁରୁତ୍ତର ହେବାରୁ ତାଙ୍କୁ ପ୍ରାଥମିକ ଚିକିତ୍ସା ପରେ ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତର କରାଯାଇଛି | ଘଟଣାସ୍ଥଳରେ ଡାବୁଗାଁ ଥାନା ପୋଲିସ ପହଞ୍ଚି ତଦନ୍ତ କରୁଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
