ବର୍ଷାରେ ଭାଙ୍ଗିଲା ଘର, ଆଶ୍ରୟ ଚିନ୍ତାରେ ନିରୀହ ଦମ୍ପତି
ନବରଙ୍ଗପୁର:(ତା ୦୭/୦୭)(ରବି ନାରାୟଣମହାନ୍ତି)-ଦୀର୍ଘ ବର୍ଷ ତଳେ ୩୫ହଜାର ଟଙ୍କା ମୂଲ୍ୟର ଏକ ଆବାସ ଗୃହ ପାଇଥିଲେ |ବର୍ତମାନ ସେ ଘରର ଅବସ୍ଥା ବି ଦୟନୀୟ |କାନ୍ଥରୁ ପ୍ଳାଷ୍ଟର ସବୁ ଝଡିପଡୁଛି |ଆଡ଼ଭେଷ୍ଟ ଟିଣ ସବୁରେ ଛୋଟ ଛୋଟ ଛିଦ୍ର ହୋଇ ଖରା ଦିନରେ ସୂର୍ଯ୍ୟଙ୍କ ପ୍ରଚଣ୍ଡ କିରଣ ଘର ଭିତରେ ପ୍ରବେଶ କରୁଥିବା ବେଲେ ବର୍ଷା ଦିନ ଆସିଲେ ଟିଣରୁ ଚଟାଣ ଉପରେ ବର୍ଷାପାଣି ପଡି ସମ୍ପୂର୍ଣ୍ଣ ଘରଟି ଓଦା ହୋଇଯାଉଛି |ଶୁଆବସା ପାଇଁ ଅସୁବିଧା 
ହେଉଥୁବାରୁ ଧାରକରଜ କରି ଘରର ସମ୍ମୁଖ ଭାଗରେ ଏକ ବାରଣ୍ଡା ଟିଏ ତିଆରି କରିଥିଲେ |ହେଲେ ଗତକାଲିର ଝିପିଝିପି ବର୍ଷାରେ ବାରଣ୍ଡାର କାନ୍ଥ ଭୁଶୁଡି ପଡିବା ସହିତ ଛାତରେ ଲାଗିଥିବା ସମସ୍ତ ଟିଣ ତଳେ ପଡି ଚୁରମାର ହୋଇଯାଇଛି |ନବରଙ୍ଗପୁର ଜିଲ୍ଲା ଝରୀଗାଁ ବ୍ଲକ ପାଲିଆ ପଞ୍ଚାୟତ ଅଧୀନରେ ଥିବା ବେଲଝରୀ ଗ୍ରାମରେ ଦେଖିବାକୁ ମିଲିଛି, ଏଭଳି ଏକ ଘଟଣା |ଗ୍ରାମବାସୀଙ୍କ କହିବା ପ୍ରକାରେ ଗ୍ରାମର ଗାଣ୍ଡା ଯାନୀ (୫୭) ଓ ତାଙ୍କ ସ୍ତ୍ରୀ ତାରା ଯାନୀ ଦୀର୍ଘ ବର୍ଷ ତଳେ ମିଳିଥିବା ଏକ ଆବାସ ଘରେ ରହିଆସୁଥିଲେ |ଗାଣ୍ଡା ଯାନୀ ଜଣେ ନିରୀହ ବ୍ୟକ୍ତି, ଜମିବାଡ଼ି କହିଲେ କିଛି ନାହିଁ କି ରୋଜଗାର କରିବା ପାଇଁ ମଧ୍ୟ କୌଣସି ପନ୍ଥା ନାହିଁ |ଦୀର୍ଘ ବର୍ଷ ହେବ ଗ୍ରାମର ଗାଇଗୋରୁ, ଛେଲିମେଣ୍ଢା ଆଦି ସଂଗ୍ରହ କରି ଗଉଡ଼ିଆ କାମ କରି ପରିବାର ପ୍ରତିପୋଷଣ କରି ଆସୁଛି |ଗାଣ୍ଡାଙ୍କ ପରିବାର କହିଲେ ସ୍ୱାମୀସ୍ତ୍ରୀ ସାଙ୍ଗକୁ ଦୁଇପୁଅ ଓ ଦୁଇବହୁ |ଦୁଇପୁଅଙ୍କୁ ଦୁଇଟି ମାଟିଘର କରି ଦେଇଥିବାରୁ ସେମାନେ ନିଜ ନିଜ ପରିବାର ସହିତ ରହୁଛନ୍ତି |ଗାଣ୍ଡା ଏକ ନିହାତି ଗରିବ ଶ୍ରେଣୀର ବ୍ୟକ୍ତି ହୋଇଥିଲେ ମଧ୍ୟ ଏଯାଏ ଗାଣ୍ଡା ଉପରେ ପ୍ରଶାସନର ସୁଦୃଷ୍ଟି ପଡିନି |ବର୍ତମାନ ଗାଣ୍ଡାଙ୍କ ଘର ଭୁଶୁଡି ଯୁବା ପରେ ପରିବାର ଲୋକେ ଅତ୍ୟଧିକ ଚିନ୍ତିତ ଅଛନ୍ତି |ପ୍ରଶାସନ ତୁରନ୍ତ ଉକ୍ତ ନିରୀହ ପରିବାରକୁ ସହାୟତା କରିବା ସହିତ ପ୍ରଧାନମନ୍ତ୍ରୀ ଆବାସ ଯୋଜନାରେ ସାମିଲ କରି ଏକ ଆବାସ ଗୃହ ଯୋଗେଇ ଦେବାକୁ ସାଧାରଣରେ ଦାବୀ ହେଉଛି |
ମସିହା ନିଉଜ ସର୍ଭିସ୍
