ମୋଟର ସାଇକେଲ ଦୁର୍ଘଟଣା, ୪ ଆହତ
ଡାବୁଗାଁ, ୧୨/୭ (ମ.ନି.ସ.)- ଶୁକ୍ରବାର ପୂର୍ବାହ୍ନ ୧୦ ଘ. ସମୟରେ ନବରଙ୍ଗପୁର ଜିଲା ଡାବୁଗାଁ ବ୍ଲକ ସୀମାନ୍ତ ରେ ଡାବୁଗାଁ -ଝରୀଗାଁ ମୁଖ୍ୟ ରାସ୍ତାର ଲାଞ୍ଜିଆଗୁଡା- ରାହାସl ଛକ ମଧ୍ୟରେ ଥିବା ରାସ୍ତା କଡରେ ଥିବା ଏକ ବିଦ୍ୟୁତ ଖୁଣ୍ଟରେ ମୋଟରସାଇକେଲ ପିଟି ହୋଇ ୪ ଜଣ ଆହତ ହୋଇଥିଲେ l ଆହତ ମାନଙ୍କ ମଧ୍ୟରେ ଦୁଇଜଣ ପୁରୁଷ, ଜଣେ ମହିଳା ଓ ଗୋଟିଏ ୩ବର୍ଷର ଶିଶୁ ରହିଛନ୍ତି | ସୂଚନା ଯୋଗ୍ୟ:- ନବରଙ୍ଗପୁର ଜିଲା ସଦର ମହକୁମା ନିକଟସ୍ଥ କୁସୁମି ଗ୍ରାମର ପୁରନ ପୂଜାରୀ ଙ୍କ ତିନି ବର୍ଷ ର ଝିଅ ଝରିଗାଁ ବ୍ଳକ ଫୁଫୁଗାଁ ପଞ୍ଚାୟତ ସଦର ମହକୁମା ର ନୀଳାମ୍ବର ଭତ୍ରl ମାମୁଁ ଘରକୁ ଆସିଥିଲା l ପୂରନ ପୂଜାରୀ ଓ ତାଙ୍କ ସହଧର୍ମିଣୀ ଧନମତି ପୂଜାରୀ ଝିଅକୁ ନେବା ପାଇଁ ଏକ ମୋଟରସାଇକେଲ ନମ୍ବର ଓ ଡି ୨୪ ଜେ ୫୨୭୬ ଯୋଗେ 
ଫୁଫୁଗାଁ ଆସିଥିଲେ l ଝିଅ କୁ ନେବା ସହ ଝିଅର ମାମୁଁଙ୍କୁ ମଧ୍ୟ ସେହି ବାଇକରେ ନେଇ ଯାଉଥିବାବେଳେ ଦୁର୍ଘଟଣାର ଶିକାର ହୋଇଥିଲେ l ଫଳରେ ପୁରନ ପୂଜାରୀ(୩୪) ତାଙ୍କ ସହଧର୍ମିଣୀ ଧନମତି ପୂଜାରୀ (୨୬) ଓ ଝିଅର ମାମୁଁ ସନ୍ତୋଷ ପୂଜାରୀ (୧୮) ଏକ ତିନି ବର୍ଷର କୁନି ଝିଅ ହିମାଦ୍ରୀ ପୂଜାରୀଙ୍କୁ ସାଙ୍ଗରେ ଧରି ନିଜ ଗ୍ରାମ କୁସୁମୀ କୁ ନେଇ ଯାଉଥିଲେ l ଦୁର୍ଘଟଣା ଘଟିବା ଦେଖି ଯାଉଥିବା ବାଇକ ଚାଳକ ୧୦୮ କୁ ଫୋନ ଯୋଗେ ଜଣାଇବା ପରେ ୧୦୮ ଗାଡି ଆହତ ୪ ଜଣ ଙ୍କୁ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ରେ ପ୍ରାଥମିକ ଚିକିତ୍ସା ପରେ ମା, ଝିଅ ଗୁରୁତର ଥିବାରୁ ତାଙ୍କୁ ୧୦୮ ଦ୍ୱାରା ନବରଙ୍ଗପୁର ସଦର ମହକୁମା ଚିକିତ୍ସାଳୟ କୁ ସ୍ଥାନାନ୍ତରିତ କରାଯାଇଛି l
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
