ଧର୍ମପରାୟଣା ମହିଳାଙ୍କ ସ୍ମୃତିଚାରଣ ସଭା
ଖଇରା,୧୬/୭/୨୪- ବାଲେଶ୍ଵର ଜିଲ୍ଲା ଖଇରା ବ୍ଲକ ଝିଙ୍କିରିଆ ପଞ୍ଚାୟତ ଗଗନଧୁଳି ଗ୍ରାମର ଧର୍ମପରାୟାଣା ମହିଳା ତୁଳସୀମଣି ପଣ୍ଡାଙ୍କ ଏକାଦଶାହ କର୍ମ ଉପଲକ୍ଷେ ବାସଭବନ ପରିସରରେ ସ୍ମୃତି ଚାରଣ ସଭା ଅନୁଷ୍ଠିତ ହୋଇଯାଇଛି । ପଣ୍ଡିତ ଗୌର ପାଠୀ ଓ ଶରତ କୁମାର ପଣ୍ଡାଙ୍କ ଦ୍ବାରା ଦିବସବ୍ଯାପୀ ଗୀତା ଯଜ୍ଞ ଅନୁଷ୍ଠିତ 
ହୋଇଥିଲା । ଅପରାହ୍ନରେ ଆଞ୍ଚଳିକ ବ୍ରାହ୍ମଣ ସମିତି, ଖଇରା ତରଫରୁ ଏକ ବ୍ରହ୍ମ ସମାଜ ସଭା ଆୟୋଜିତ ହୋଇଥିଲା । ଏଥିରେ ପଣ୍ଡିତ କୃଷ୍ଣ ଚନ୍ଦ୍ର ପତ୍ରୀ ସଭାପତିତ୍ବ କରିଥିଲେ । ସଦସ୍ୟ ପଣ୍ଡିତ ବୁଦ୍ଧିରାମ ପାଣିଗ୍ରାହୀ, ରମାକାନ୍ତ ଶତପଥୀ, ଦୀନବନ୍ଧୁ ଦାଶ, ଅନନ୍ତ ଦାଶ, ବାଞ୍ଛାନିଧି ଦାଶ, ନୃସିଂହ ଦାଶ, ବିଭୂତି ଭୂଷଣ ତ୍ରିପାଠୀ ପ୍ରମୁଖ ଉପସ୍ଥିତ ହୋଇ ଦିବଙ୍ଗତ ଆ ଶିକ୍ଷୟିତ୍ରୀଙ୍କ ବହୁମୁଖୀ ପ୍ରତିଭା ବିଷୟରେ ଆଲୋକପାତ କରିବା ସହିତ ଶ୍ରଦ୍ଧାସୁମନ ଅର୍ପଣ କରିଥିଲେ । ପର୍ଶୁରାମ ପଣ୍ଡା ଅତିଥି ନିମନ୍ତ୍ରଣ କରିଥିବା ବିମଳ ପଣ୍ଡା ପ୍ରାରମ୍ଭିକ ସୂଚନା ପ୍ରଦାନ ଓ ଶେଷରେ ସୁନିଲ କୁମାର ପଣ୍ଡା ଧନ୍ୟବାଦ ଅର୍ପଣ କରିଥିଲେ । ସମସ୍ତ ପଣ୍ଡିତ ମାନଙ୍କୁ ପଣ୍ଡା ପରିବାର ତରଫରୁ ଅଙ୍ଗବସ୍ତ୍ର ପ୍ରଦାନ କରା ଯାଇଥିଲା । ଅଞ୍ଚଳ ପାଇଁ ସେ ଜଣେ ପରମ ଧାର୍ମିକ ବ୍ଯକ୍ତି ଥିଲେ । ମୃତ୍ୟୁ ବେଳକୁ ତାଙ୍କର ବୟସ ୮୪ ବର୍ଷ ହୋଇଥିଲା । ସେ ୦୫/୭/୨୦୨୪ ରିଖରେ ମୃତ୍ୟୁ ବରଣ କରିଥିଲେ । ତାଙ୍କର ଅନେକ ସୁଖ୍ୟାତି ବିଷୟରେ ପଣ୍ଡିତ ମାନେ ଆଲୋଚନା କରି ଅମର ଆତ୍ମାର ସଦଗତି କାମନା କରିଥିଲେ । ଉପସ୍ଥିତ ସମସ୍ତ ପଣ୍ଡିତ ମାନଙ୍କୁ ଉତ୍ତରୀୟ ଦେଇ ସମ୍ବର୍ଦ୍ଧିତ କରାଯାଇଥିଲା । ଗୀତା ଯଜ୍ଞ ପରେ ସ୍ମୃତିଚାରଣ ସଭା ଅନୁଷ୍ଠିତ ହୋଇଥିଲା । ପ୍ରଥମେ ତାଙ୍କ ଅମର ଆତ୍ମାର ସଦଗତି ନିମନ୍ତେ ୧ ମିନିଟ୍ ନୀରବ ପ୍ରାର୍ଥନା କରାଯାଇଥିଲା । ଏଥିରେ ବନ୍ଧୁବାନ୍ଧବ, ସାହିପଡିଶା, ଆତ୍ମୀୟ ସ୍ବଜନ, ଝିଅ ଜ୍ବାଇଁ, ନାତିନାତୁଣୀ ଏବଂ ତୁଳସୀମଣିଙ୍କୁ ଭଲ ପାଉଥିବା ନିକଟ ସମ୍ପର୍କୀୟ ମାନେ ଉପସ୍ଥିତ ହୋଇ ସ୍ମୃତିଚାରଣ କରିଥିଲେ । ଅଞ୍ଚଳ ତଥା ଗ୍ରାମବାସୀଙ୍କ ପ୍ରତି ଥିବା ସ୍ନେହ, ପ୍ରେମ, ଶ୍ରଦ୍ଧା, ଆଦର, ଭଲପାଇବା, ମିଷ୍ଟଭାଷୀ, ସଚ୍ଚୋଟ, ଅମାୟିକ, ଅହିଂସା, ଉଦାର ହୃଦୟେଷୁ, ଅହଂକାର ଶୂନ୍ୟ ବ୍ଯକ୍ତି ଥିଲେ । ସେ ମହିଳା ମାନଙ୍କୁ ଅତ୍ୟନ୍ତ ଭଲ ପାଉଥିବାରୁ ଗ୍ରାମର କିଛି ମହିଳାଙ୍କ ଅଙ୍ଗବସ୍ତ୍ର ପ୍ରଦାନ କରିଥିଲେ । ଉକ୍ତ ସ୍ମୃତିଚାରଣ ସଭାରେ ପଣ୍ଡା ପରିବାର ତରଫରୁ ସାମ୍ବାଦିକ ନରେନ୍ଦ୍ର ପ୍ରସାଦ ବେହେରାଙ୍କୁ ସମ୍ବର୍ଦ୍ଧିତ କରାଯାଇଥିଲା । ଅବସରପ୍ରାପ୍ତ ଶିକ୍ଷକ ତଥା ପୁତ୍ର ନିର୍ମଳ କୁମାର ପଣ୍ଡା ଏବଂ ପରିବାର ବର୍ଗ ସମସ୍ତ କାର୍ଯ୍ୟ ସମ୍ପାଦନରେ ବ୍ଯସ୍ତ ଥିଲେ ମଧ୍ୟ କାହାକୁ ସେବା ପ୍ରଦାନ କରିବାରେ ଅବହେଳା କରି ନ ଥିଲେ । ଅଞ୍ଚଳ ପାଇଁ ଏତେ ଭଲ ଥିଲେ ଯେ ତାଙ୍କ ମୃତ୍ୟୁରେ ସଂପୃକ୍ତ ଅଞ୍ଚଳରେ ଶୋକରଛାୟା ଖେଳିଯାଇଛି, ଯାହା ଅଞ୍ଚଳବାସୀ ଆଲୋଚନା କରୁଛନ୍ତି । ।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
