ରାୟଗଡ଼ ବ୍ଲକ ନବମ ସମିତି ବୈଠକ ଅନୁଷ୍ଠିତ
ରାୟଗଡ଼ା , ତା: ୧୯.୦୭.୨୦୨୪. // ରାୟଗଡ଼ା ପଞ୍ଚାୟତ ସମିତିର ନବମ ସମିତି ବୈଠକ ଶୁକ୍ରବାର ଶାନ୍ତିପୂର୍ଣ୍ଣ ଭାବରେ ଅନୁଷ୍ଠିତ ହୋଇଯାଇଅଛି । ବୈଠକରେ କୋରାପୁଟ ଲୋକସଭା ସାଂସଦ ସପ୍ତଗିରି ଶଙ୍କର ଉଲାକା, ଜିଲ୍ଲା ପରିଷଦ ଅଧ୍ୟକ୍ଷା ସରସ୍ଵତୀ ମାଝୀ, ରାୟଗଡ଼ା ବିଧାୟକ ଆପଲାସ୍ଵାମୀ କାଡ୍ରାକା, ସମିତି ଅଧ୍ୟକ୍ଷା ଟୁନି ହୁଇକା, ଉପାଧ୍ୟକ୍ଷ ହରପ୍ରସାଦ ହେପୃକା, ଜିଲ୍ଲା ପରିଷଦ 
ସଦସ୍ୟ ପ୍ରଶାନ୍ତ କୁଲେସିକା, ପଦ୍ମାବତୀ ମାଣ୍ଡାଙ୍ଗି ଓ ସନ୍ଧ୍ୟା ପୁଲାକା, ବିଡିଓ ଅମୂଲ୍ୟ କୁମାର ସାହୁ , ଏବିଡିଓ କାଳୁ ଚରଣ ନାୟକ, ସହକାରୀ ନିର୍ବାହୀ ଯନ୍ତ୍ରୀ ରାକେଶ କୁମାର ସାହୁ ପ୍ରମୁଖ ମଞ୍ଚାସୀନ ଥିଲେ ।
ମାନ୍ୟବର ସାଂସଦ ସପ୍ତଗିରି ଶଙ୍କର ଉଲ୍ଲକା ନିଜ ବକ୍ତବ୍ୟରେ ସମସ୍ତ ନିର୍ବାଚିତ ପ୍ରତିନିଧିଙ୍କୁ ନିଜ ଅଞ୍ଚଳର ବିକାଶ ନିମନ୍ତେ ସଂକଳ୍ପିତ ହେବାକୁ ପ୍ରବର୍ତ୍ତାଇଥିଲେ । 
ବିଭିନ୍ନ ଯୋଜନାରେ ପ୍ରାପ୍ତ ଅନୁଦାନ ପାଣ୍ଠିର ବିନିଯୋଗ ସ୍ଥିତି ସମୀକ୍ଷା କରିବା ସହ ଯଥାଶୀଘ୍ର ସେଗୁଡ଼ିକର ବିନିଯୋଗ ନିମନ୍ତେ ସମିତି କର୍ମକର୍ତ୍ତାଙ୍କୁ ତାଗିଦ କରିଥିଲେ । କେତେକ ପ୍ରକଳ୍କ ଅଦ୍ୟାବଧି ପ୍ରାରମ୍ଭ ହୋଇନଥିବା ବିଷୟରେ କ୍ଷୋଭ ପ୍ରକାଶ କରିଥିଲେ । ଅନୁଦାନ ବିନିଯୋଗ ଦ୍ଵାରା ନୂତନ ସମ୍ପତ୍ତି ସୃଷ୍ଟି ହେବା ସହ ବିକାଶ ତ୍ଵରାନ୍ୱିତ ହୋଇଥାଏ ବୋଲି ସେ ପ୍ରକାଶ କରିଥିଲେ । ମାନ୍ୟବର ବିଧାୟକ ଯୋଗଦେଇ ଦଳ ନିର୍ବିଶେଷରେ ସମସ୍ତେ ରାୟଗଡାର ବିକାଶ ନିମନ୍ତେ ଏକାକାର ହେବା ଏବଂ ଦୃଷ୍ଟାନ୍ତ ମୂଳକ କାର୍ଯ୍ୟକରି ନିଜ ଦାୟତ୍ଵ ନିର୍ବାହ କରିବା ପାଇଁ କହିଥିଲେ । ପାନୀୟ ଜଳ, ଶିକ୍ଷା , ସ୍ଵାସ୍ଥ୍ୟ ଓ ଗମନାଗମନ କ୍ଷେତ୍ରକୁ ଅଗ୍ରାଧିକାର ଦେବା ପାଇଁ ଗୁରୁତ୍ଵ ଆରୋପ କରିଥିଲେ । ବର୍ଷାଦିନ ଆସୁଥିବାରୁ ଡେଙ୍ଗୁ , ମ୍ୟାଲେରିଆ , ଆଦି ରୋଗକୁ ଦମନ ନିମନ୍ତେ ପଦକ୍ଷେପ ପାଇଁ ସ୍ଵାସ୍ଥ୍ୟ ଓ ଶିକ୍ଷା ବିଭାଗକୁ ଅବଗତ କରାଯାଇଥିଲା । ଶିକ୍ଷା, ସ୍ଵାସ୍ଥ୍ୟ, ବିଜୁଳି, ପାନୀୟଜଳ, ସାମାଜିକ ସୁରକ୍ଷା, କୃଷି, ପ୍ରାଣିଧନ, ଜଙ୍ଗଲ, ମହିଳା ଓ ଶିଶୁ ବିକାଶ, ସାଧାରଣ ବଣ୍ଟନ , ଶ୍ରମିକ କଲ୍ୟାଣ, ମତ୍ସ୍ୟ , ଜୀବିକା ମିଶନ ଆଦି ବିଭାଗୀୟ କର୍ମକର୍ତ୍ତା ଯୋଗଦେଇ ଯୋଜନା ବିଷୟରେ ଆଲୋଚନା କରିଥିଲେ । ଗ୍ରାମ ପଞ୍ଚାୟତ ସମ୍ପ୍ରସାରଣ ଅଧିକାରୀ ଗୋପାଳ ପଣ୍ଡା ପୂର୍ବ ବୈଠକର ବିବରଣୀ ପାଠ କରିଥିଲେ ଓ ଶେଷରେ ଧନ୍ୟବାଦ ଅର୍ପଣ କରିଥିଲେ ।
ଗୌରୀ ପଟ୍ଟନାୟକ ଙ୍କ ରିପୋର୍ଟ୍
