ଚୋରୀ ଅଭିଯୋଗରେ ୩ ଯୁବକ ଗିରଫ
ଡାବୁଗାଁ, ୬/୮ (ମ.ନି.ସ.)- ନବରଙ୍ଗପୁରେ ଜିଲା ଡାବୁଗାଁ ଥାନା ପୋଲିସ ଏକ ଚୋରୀ ଅଭିଯୋଗରେ ୩ ଜଣ ଯୁବକଙ୍କୁ ମଙ୍ଗଳବାର ଗିରଫ କରି କୋର୍ଟ ଚାଲାଣ କରିଛି | ସୂଚନାଯୋଗ୍ୟ:- ଡାବୁଗାଁ ବ୍ଲକ ଅଧୀନ ନନ୍ଦପୁରା ଗ୍ରାମ ନିକଟ ଦେଇ ଯାଇଥିବା ରାଇପୁର – ବିଶାଖାପାଟଣା ଭାରତମାଳା ରାସ୍ତା କାର୍ଯ୍ୟ ନିମନ୍ତେ ନନ୍ଦପୁରା ଗ୍ରାମ ନିକଟରେ ଥିବା କ୍ୟାମ୍ପ ରୁ ୪ ତାରିଖ ରାତିରେ ବିଭିନ୍ନ ଲୁହା ସାମଗ୍ରୀ ଚୋରୀ ହୋଇଥିଲା | ସେଠାରେ ରହୁଥିବା କର୍ମଚାରୀ ମାନେ ସକାଳୁ ଦେଖି ଜାଣିବାକୁ ପାଇଥିଲେ ଯେ କ୍ୟାମ୍ପ ମଧ୍ୟରୁ କିଛି ଲୁହ ସାମଗ୍ରୀ ଚୋରୀ ହୋଇଯାଇଛି | କର୍ମଚାରୀ ମାନେ ସାମଗ୍ରୀ ଚୋରୀ ହୋଇଥିବା ନେଇ କ୍ୟାମ୍ପ ମ୍ୟାନେଜରଙ୍କୁ ଜଣାଇଥିଲେ | କ୍ୟାମ୍ପ ମ୍ୟାନେଜର ସୁନିଲ କୁମାର ନାୟକ ଏନେଇ ସୋମବାର ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲାକୁ ଭିତ୍ତି କରି ସିଂସାରୀ ଫାଣ୍ଡି ଅଧିକାରୀ ହରିହର ଭତ୍ରା ଭାରତମାଳା କ୍ୟାମ୍ପ ର ଆଖପାଖ ଗ୍ରାମରେ ଚଢାଉ କରି ନନ୍ଦପୁରା ଗ୍ରାମରୁ ୩ ଜଣ ଯୁବକଙ୍କୁ ଥାନାକୁ ଆଣି ପଚରାଉଚରା କରିଥିଲେ | ପରେ ୩ ଯୁବକ ଚୋରୀ କରିଥିବା ନେଇ ପୋଲିସ କହିଥିଲେ | ଉକ୍ତ ଅଭିଯୁକ୍ତ ମାନେ ହେଲେ ନନ୍ଦପୁରା ଗ୍ରାମର ସମାରୁ ଭତ୍ରା (୨୮), ତୁଳାରାମ ଭତ୍ରା (୨୫), ବୁଦୁ ଭତ୍ରା (୩୨) | ଏହି ୩ ଜଣ ଅଭଯୁକ୍ତ ମାନଙ୍କୁ ମଙ୍ଗଳବାର ଗିରଫ କରାଯାଇ କୋର୍ଟ ଚାଲାଣ କରାଯାଇଛି | ଏନେଇ ଥାନା କେସ ନଂ ୧୪୭/୨୪ ରେ ଏକ ମାମଲା ରୁଜୁ କରାଯାଇଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
