ନଛିପୁର ହାଇସ୍କୁଲ ପାଳନ କଲା ୭୮ତମ ସ୍ବାଧୀନତା ଦିବସ
ବାଲେଶ୍ଵର,୧୫/୮/୨୪- ବାଲେଶ୍ଵର ଜିଲ୍ଲା ଖଇର ବ୍ଲକ ପଳସା ପଞ୍ଚାୟତ ନଛିପୁର ଗ୍ରାମରେ ଥିବା ନଛିପୁର ହାଇସ୍କୁଲ ପାଳନ କରିଛି ୭୮ତମ ସ୍ବାଧୀନତା ଦିବସ । ପ୍ରଧାନ ଶିକ୍ଷକ ରାମ ଚନ୍ଦ୍ର ପତ୍ରୀ ପତାକା ଉତ୍ତୋଳନ କରିଥିଲେ । ଉଚ୍ଚ ପ୍ରାଥମିକ ଓ ଉଚ୍ଚ ମାଧ୍ୟମିକ ବିଦ୍ୟାଳୟର ଶିକ୍ଷକ, ଶିକ୍ଷୟିତ୍ରୀ, ଶିକ୍ଷା କର୍ମଚାରୀ, ଏସ ଏମ ସି ମେମ୍ବର, ଗ୍ରାମବାସୀ ଓ ଛାତ୍ରଛାତ୍ରୀ ମାନଙ୍କ ଗହଣରେ ଜାତୀୟ ପତାକା ଉତ୍ତୋଳନ ହୋଇଥିଲା । ପ୍ରଭାତ ଫେରି ପରେ ପ୍ରାକ୍ତନ ପ୍ରଧାନ ଶିକ୍ଷକ ସ୍ବର୍ଗତ ଗୋବିନ୍ଦ ଚନ୍ଦ୍ର ସେଠୀଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ଯ ପରେ ପରେ ପ୍ରଧାନ ଶିକ୍ଷକ ଶ୍ରୀ ପତ୍ରୀ ପତାକା ଉତ୍ତୋଳନ କରିଥିଲେ । ପରେପରେ ପିଲାମାନଙ୍କ ମଧ୍ୟରେ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ପ୍ରଥମ, ଦ୍ବିତୀୟ ଓ ତୃତୀୟ ପ୍ରତିଯୋଗୀଙ୍କୁ ଚଳିତ ବର୍ଷ ଶିଶୁ ଦିବସରେ ପୁରସ୍କୃତ କରାଯିବ ବୋଲି ପ୍ରଧାନ ଶିକ୍ଷକ ଶ୍ରୀ ପତ୍ରୀ ଗଣମାଧ୍ୟମକୁ ସୂଚନା ପ୍ରଦାନ କରିଛନ୍ତି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
