ଗଛଲତାକୁ ରାକ୍ଷୀ ବାନ୍ଧିଲେ ବନ ବିଭାଗ କର୍ମଚାରୀ ଓ ବନ ସୁରକ୍ଷା ସମିତିର ସଭ୍ୟସଭ୍ୟା
ନବରଙ୍ଗପୁର:(ତା ୧୯/୦୮)(ରବିନାରାୟଣମହାନ୍ତି)-ଆଜି ସମଗ୍ର ଦେଶ ରକ୍ଷା ବନ୍ଧନ ପର୍ବ ପାଳିତ ହେଉଥିବା ବେଳେ ସମସ୍ତ ଭଉଣୀମାନେ ନିଜ ନିଜ ଭାଇ ମାନଙ୍କ ହାତରେ ରାକ୍ଷୀ ବାନ୍ଧି ଭାଇର ଦୀର୍ଘାୟୁ କାମନା କରିବା ସହ ଶୁଭ ମନାସିଛନ୍ତି |ଏହି ପରିପ୍ରେକ୍ଷୀରେ ଝରୀଗାଁ ବନ ବିଭାଗ ଦ୍ୱାରା ଏକ ନିଆରା ଢଙ୍ଗରେ ଏହି ପର୍ବଟିକୁ ପାଳନ କରିଥିବା ଦେଖିବାକୁ ମିଳିଛି |ଝରୀଗାଁ ବନାଞ୍ଚଳର ସାନ ଟେମରା ବିଟ ଓ କଙ୍ଗରା ସେକସନ ବିଟ ଫରେଷ୍ଟର ଅମିତ କୁମାର ଦାସ,ଗାର୍ଡ ରମାକାନ୍ତ ସାହୁ, ଓ ଡିଓ ଦେବେନ୍ଦ୍ର ରାଉତ ନକ୍ସାପଦର ଓ ଭରୁଆମୁଣ୍ଡା ଗ୍ରାମର ବନ ସୁରକ୍ଷା ସମିତିର ସଦସ୍ୟ/ସଦସ୍ୟା ମାନଙ୍କ ସହଯୋଗରେ ଏକ ନିଆରା ଢଙ୍ଗରେ ରକ୍ଷାବନ୍ଧନ ପର୍ବଟିକୁ ପାଳନ କରିଥିବା ଦେଖିବାକୁ ମିଳିଛି l “ଜଙ୍ଗଲ ସୁରକ୍ଷା ଜୀବନ ରକ୍ଷା “ସ୍ଲୋଗାନକୁ ହୃଦୟଙ୍ଗମ କରି ସାନ ଟେମରା ଓ କଂଗ୍ରା ବିଟରେ ଜଙ୍ଗଲରେ ଥିବା ବୃକ୍ଷଲତା ମାନଙ୍କୁ ରାକ୍ଷୀ ବାନ୍ଧି ସେମାନଙ୍କୁ ସୁରକ୍ଷା ଦେବା ପାଇଁ ଶପଥ ନେଇଛନ୍ତି |ଉଭୟ ଗ୍ରାମର ଶତାଧିକ ମହିଳା ଜଙ୍ଗଲକୁ ଯାଇ ଗଛଲତା ସବୁକୁ ରୀତିନୀତି ଅନୁସାରେ ରାକ୍ଷୀ ବାନ୍ଧିଥିବା ଦେଖିବାକୁ ମିଳିଛି |
ମସିହା ନିୟୁଜ୍ ସର୍ଭିସ୍
