ତିରିଂରେ ବ୍ଲକସ୍ତରୀୟ ‘ରାଷ୍ଟ୍ରୀୟ ଆବିଷ୍କାର ଅଭିଯାନ’ କାର୍ଯ୍ୟକ୍ରମ ଅନୁଷ୍ଠିତ
ମୟୂରଭଞ୍ଜ – ୨୫ / ୮ :- ( ମସିହା )ମୟୁରଭଂଜ ଜିଲ୍ଲାର ତିରିଙ୍ଗ ବ୍ଲକ ଅନ୍ତର୍ଗତ ତିରିଙ୍ଗ ସରକାରୀ ଉଚ୍ଚ ବିଦ୍ୟାଳୟରେ ତିରିଙ୍ଗ ବ୍ଲକର ବିଇଓ ଜଙ୍ଗେଶ୍ଵର ଜେନାଙ୍କ ନେତୃତ୍ବରେ ତଥା ଆୟୋଜକ ଭାବରେ ବ୍ଲକସ୍ତରୀୟ ରାଷ୍ଟ୍ରୀୟ ଆବିଷ୍କାର ଅଭିଯାନରେ କୁଇଜ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏଥିରେ ତିରିଙ୍ଗ ବ୍ଲକର ସମସ୍ତ ସରକାରୀ ବିଦ୍ୟାଳୟର ଛାତ୍ର, ଛାତ୍ରୀ ମାନଙ୍କୁ ନେଇ ପିଲାମାନଙ୍କ ଭିତରେ ଥିବା ପ୍ରତିଭାର ଆବିଷ୍କାର କରିବା ଉଦ୍ଦେଶ୍ୟରେ କୁଇଜ ପ୍ରତିଯୋଗିତା ଅନୁଷ୍ଠିତ ହୋଇଥିଲା । କାର୍ଯ୍ୟକ୍ରମର ପ୍ରଥମାର୍ଦ୍ଧ ରେବିଇଓ କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ । ଦିତୀୟାର୍ଦ୍ଧ ରେ ତିରିଙ୍ଗ ତହସିଲଦାର ସୁଶାନ୍ତ କୁମାର ବେହେରା ଯୋଗ ଦେଇଥିଲେ । ଅନ୍ୟ ମାନଙ୍କ ମଧ୍ୟରେ ଏବିଇଓ ଶୁଭେନ୍ଦୁ ତ୍ରିପାଠୀ , ହେମନ୍ତ ମହାନ୍ତି , ମକର ମୁର୍ମୁ , ତିରିଙ୍ଗ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ପ୍ରିୟଦର୍ଶିନୀ ମାଡାମ , ପାର୍ବତୀ ବାଳିକା ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ସୁବଳ ଚନ୍ଦ୍ର ଦାସ , ଜିରେଇ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଶରତ ଘଣା ଏବଂ ସମସ୍ତଙ୍କ କେନ୍ଦ୍ରବିନ୍ଦୁ ସାଜିଥିବା ଲୋକପ୍ରିୟ ଭାଷ୍ୟକାର ପ୍ରଭାସ ପାତ୍ର ମଞ୍ଚ ପରିଚାଳକ ଭାବେ ଉପସ୍ଥିତ ଥିଲେ । ପରିଚାଳନାଗତ ସମସ୍ତ କାର୍ଯ୍ୟକୁ ସିଆରସିସି ଅଜିତ ପାହାଡି ତୁଲାଇଥିଲେ । ଶେଷରେ ପୁରସ୍କାର ବଣ୍ଟନରେ ସବ ଜୁନିଅର ଗ୍ରୁପରେ ମାମୁନି ସି ପ୍ରଥମ , ମୁନିରାମ ହେମ୍ବ୍ରମ୍ ଦିତ୍ୱୀୟ , ସୁଗଦା ଟୁଡୁ ତୃତୀୟ ସ୍ଥାନ ଅଧିକାର କରିଥିବା ବେଳେ ଜୁନିୟର ଗ୍ରୁପରେ କୁଶାଲ ସାମାଡ ପ୍ରଥମ , ପ୍ରଦୁମ୍ ପାଟବନ୍ଧା ଦ୍ଵିତୀୟ , ସୁସ୍ମିତା ହେମ୍ବ୍ରମ୍ ତୃତୀୟ ସ୍ଥାନ ପାଇଥିବା ବେଳେ ସିନିୟର୍ ଗ୍ରୁପରେ ପ୍ରିତମ କୁମାର କର ପ୍ରଥମ , ତୁଳସୀ ସୋରେନ ଦ୍ଵିତୀୟ , କାଲିୟାନ ବାସ୍କେ ତୃତୀୟ ସ୍ଥାନ ଅଧିକାର କରିଥିଲେ ସେମାନଙ୍କୁ ଟ୍ରଫି ସହିତ ମାନପତ୍ର ଦେଇ ସମ୍ମାନିତ କରାଯାଇଥିଲା ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ୍
