ଭୁଶୁଡିଲା ଘର କାନ୍ଥ, ଅଳ୍ପକେ ବର୍ତ୍ତିଗଲା ପରିବାର
କର୍ଲାମୁଣ୍ଡା: କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ବୋରପଦର ପଞ୍ଚାୟତ ଅନ୍ତର୍ଗତ ଖଲିଆପାଲି ଗ୍ରାମର ସମ୍ପତି ସାହୁ, ପିତା ଲକ୍ଷ୍ମଣ ସାହୁ ତାଙ୍କର ପରିବାର ରେ ପାଞ୍ଚ ସଦସ୍ୟ ଗୋଟିଏ ବଘରା ଭଙ୍ଗା ଦଦରା ଝାଡି ମାଟି କୁଡିଆ ଘରେ ଜୀବନ ବିତୁଛି l ରାତିରେ ସୋଇଥିବା ସମୟରେ ଘର କାନ୍ଥ ଭୁଷୁଡି ଯିବାରୁ ଘର ପରିବାର ଲୋକେ ଅଳ୍ପକେ ବର୍ତ୍ତୀ ଯାଇଛନ୍ତି l ଦୀର୍ଘ ଛଅ ବର୍ଷରୁ ଉର୍ଦ୍ଧ୍ବ ହେବ ହେଲେ ଏ ପର୍ଯ୍ୟନ୍ତ ତାଙ୍କୁ ଆବାସ ଯୋଜନାରେ ସାମିଲ କରାଯାଇ ନାହିଁ।ଘରଟିକୁ ମରାମତି କରିପାରୁ ନ ଥିବାରୁ ଘରର ଅବସ୍ଥା ଅତ୍ୟନ୍ତ ଦୟନୀୟ ହୋଇପଡ଼ିଛି l ଗତ ପ୍ରବଳ ବର୍ଷାରେ ଗୋଟିଏ କାନ୍ଥ ଭୁଶୁଡ଼ି ଥିବାରୁ ସେହି ଭଙ୍ଗା ଦଦରା ଘରେ ପାଳ ଦେଇ ଉଭୟ ପରିବାର ବିପଦ ସଂକୁଳ ଅବସ୍ଥା ରେ ରହୁଛନ୍ତି l ବିଭାଗୀୟ ଅଧିକାରୀଙ୍କ ଅବହେଳା ଯୋଗୁଁ ହିତାଧିକାରୀ ମାନେ ଆବାସ ଯୋଜନାରୁ ବଞ୍ଚିତ ହୋଇଥିବା ପ୍ରକାଶ କରିଛନ୍ତି l ଘର ଖଣ୍ଡିଏ ପାଇଁ ବିଡ଼ିଓ ଏବଂ ସରପଞ୍ଚ ଙ୍କ ପାଖକୁ ବାରମ୍ବାର ଯାଇ ଗୁହାରି କଲେ ମଧ୍ୟ କିଛି ସୁବିଧା ମିଳିଲା ନାହିଁ l ମାତ୍ର ପ୍ରତିଶ୍ରୁତି ପାଣିର ଗାର ସଦୃଶ ବୋଲି ହିତାଧିକାରୀ ମାନେ କହିଛନ୍ତି l ବ୍ଲକ ପ୍ରଶାସନ ଏ ଦିଗରେ ଦୃଷ୍ଟିଦେଇ ଆବାସ ଘର ଯୋଗାଇଦେବାକୁ ଦାବି ହେଉଛି l
କର୍ଲାମୁଣ୍ଡାରୁ ସୁଶାନ୍ତ ରଣାଙ୍କ ରିପୋର୍ଟ, ମସୀହା
