କଲମପୁର ଠିପି ଖୋଲା ବିଦେଶୀ ମଦ ଦୋକାନରେ ଗୋଷ୍ଠୀ ବିବାଦ ,
ବାର ମାଲିକ ଙ୍କ ନାମରେ ଏତଲା , ଡି :ଏସ:ପି ସ୍ଥରରେ ତଦନ୍ତ ଜାରି ।
କଲମପୁର : ଏଠାରେ ହୋଇଥିବା ଠିପି ଖୋଲା ଓ ଠିପିବନ୍ଦ ମାଲିକ ମାନଙ୍କ ମଧ୍ୟରେ ଥିବା ତିକ୍ତତା ଗତକାଲି ଉଗ୍ର ରୂପ ଧାରଣ କରିଥିଲା । ଏମାନଙ୍କ ସମର୍ଥକ ମାନଙ୍କ ମଧ୍ୟରେ ବିବାଦ ଉଗ୍ର ରୂପ ଧାରଣ କରି ଠିପି ଖୋଲା ମଦ ଦୋକାନ ସମ୍ମୁଖରେ ରକ୍ତାକ୍ତ ପରିବେଶ ସୃଷ୍ଟି କରିଥିଲା । ଏନେଇ ଆକ୍ରମଣର ଶିକାର ହୋଇଥିବା ଯୁବକ ମାନେ କଲମପୁର ଥାନାରେ ମାମଲା ପଞ୍ଜୀକୃତ କରିଛନ୍ତି । 
ମିଳିଥିବା ସୂଚନା ଅନୁସାରେ କଲମପୁର ଠିପି ଖୋଲା ମଦ ଦୋକାନରେ କିଛି ସ୍ଥାନୀୟ ଯୁବକ ମଦ ପିଇବାକୁ ଯାଇ ପାଟି ତୁଣ୍ଡ କରିଥିଲେ । ସମର୍ଥନରେ ଆସିଥିବା କିଛି ଅନ୍ୟ ବ୍ଲକର ଗୁଣ୍ଡା ଶ୍ରେଣୀୟ ଲୋକମାନେ ଉକ୍ତ ପାଟି ତୁଣ୍ଡ କରିଥିବା ସ୍ଥାନୀୟ ଯୁବକ ମାନଙ୍କ ଉପରେ ଆକ୍ରମଣ କରିଥିଲେ । ଆକ୍ରମଣରେ ଶେଷଦେବ ନାଏକ ଅତ୍ୟନ୍ତ ଗୁରୁତର ହୋଇ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ ହୋଇଥିବା ବେଳେ ଆହୁରି ଅନ୍ୟ ଚାରି ପାଞ୍ଚ ଜଣ ବ୍ୟକ୍ତି କଲମପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ରେ ଚିକିତ୍ସିତ ହେଉଛନ୍ତି । ସେମାନଙ୍କ ମଧ୍ୟରୁ ନରସିଂହ ସୁନାନିଙ୍କ ଏତଲା କୁ ଆଧାର କରି କଲମପୁର ଥାନା କେସ ନଂ ୧୧୪/୨୦୨୪ ରେ ମାମଲା ପଞ୍ଜୀକୃତ କରିଛି କଲମପୁର ପୋଲିସ । ମଦ ଦୋକାନ ମାଲିକ ଫେରାର ଥିବା ବେଳେ ଅନ୍ୟ ବ୍ଲକ ରୁ ଆସିଥିବା ଗୁଣ୍ଡା ଶ୍ରେଣୀର ବ୍ୟକ୍ତି ମାନେ ମଧ୍ୟ ଫେରାର ଥିବା ପୋଲିସ ସୂଚନା ଦେଇଛି । ଏମାନଙ୍କ ନାମରେ ୨୯୬,୧୧୫(୨),୧୦୯(୨),୩୫୧(୩),୩୫ ସହ ଜାତିଆଣ ଆକ୍ଷେପ ଧାରା ଅନୁସାରେ ପଞ୍ଜୀକୃତ ହୋଇ ଉପଖଣ୍ଡ ପୋଲିସ ଅଧିକାରୀ ଜି. ବାର୍ଲା ଆଜି ପହଞ୍ଚି ତଦନ୍ତ କରୁଛନ୍ତି । ଏଥିପାଇଁ କଲମପୁର ଅଞ୍ଚଳ ଅଶାନ୍ତ ହୋଇ ପଡ଼ିଥିବା ବେଳେ ଉଭୟ ମଦ ବ୍ୟବସାୟୀଙ୍କ ଯୋଗୁଁ ଏଭଳି ଅଭାବନୀୟ ଘଟଣା ଘଟିଥିବାରୁ ଜନସାଧାରଣ ଏହାକୁ ସହଜରେ ଗ୍ରହଣ କରି ପାରୁନଥିବା ବେଳେ କଲମପୁର ସଦରମହକୁମାର ମୁଖ୍ୟ ରାସ୍ତା ଦୁଇଟି ବିଦେଶୀ ମଦ ଦୋକାନ ଓ ଗୋଟିଏ ଦେଶୀ ଭାଟି ରହିଛି ଏହି ମୁଖ୍ୟରାସ୍ତା ଦେଇ ସ୍କୁଲ ଛାତ୍ର ଛାତ୍ରୀ ତଥା ବିଭିନ୍ନ କାର୍ଯ୍ୟାଳୟ କୁ ଆସୁଥିବା ବ୍ୟକ୍ତି ସମସ୍ୟା ର ସମ୍ଭୁଖିନ ହେଉଥିବା ଚର୍ଚ୍ଚା ର କେନ୍ଦ୍ର ବିନ୍ଧୁ ପାଲଟିଛି ।
କଳାହାଣ୍ଡି ରୁ ପରମାନନ୍ଦ ଠାକୁର ଙ୍କ ରିପୋର୍ଟ୍
