ଡ. ପଦ୍ମଲୋଚନ ରାଉତଙ୍କ ଇଂରାଜୀରେ ଡକ୍ଟରେଟ ଲାଭ
ମୟୂରଭଞ୍ଜ -୨୧/୧୧ ( ମସିହା)ଅଧ୍ୟାପକ ଡ. ପଦ୍ମଲୋଚନ ରାଉତ ରାୟପୁରସ୍ଥ କଳିଙ୍ଗ ବିଶ୍ଵବିଦ୍ୟାଳୟ ରୁ ଇଂରାଜୀ ସାହିତ୍ୟରେ ସମ୍ମାନ ଜନକ ଉପାଧି ଲାଭ କରିଛନ୍ତି । ସେ ବିଶ୍ଵବିଦ୍ୟାଳୟର ସହଯୋଗୀ ପ୍ରଫେସର ଡ. ଭିନିତା ଦିୱାନଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ପ୍ରସ୍ତୁତ କରିଥିବା Thesis ” The Cultural Identity In The Poetic Works Of Kamala Das and jayanta Mahapatra” ବେଙ୍ଗାଳୁର NIIT ର ଇଂରାଜୀ ପ୍ରଫେସର ଡ. ପାୟେଲ ଦତ୍ତ ଚୌଧୁରୀ ଓ ରାୟପୁରସ୍ଥ ରବିଶଙ୍କର ଶୁକ୍ଳା ବିଶ୍ଵବିଦ୍ୟାଳୟର ଇଂରାଜୀ ପ୍ରଫେସର ଡ. ନିଧି ଗୁପ୍ତା ଙ୍କ ଦ୍ଵାରା ପରୀକ୍ଷିତ ହୋଇ ଉଚ୍ଚ ପ୍ରଶଂସିତ ହୋଇଛି । ଏହା ପୂର୍ବରୁ ଡ. ରାଉତ ଉତ୍କଳ ବିଶ୍ୱିଦ୍ୟାଳୟରୁ ଡ. ହରିଶ୍ଚନ୍ଦ୍ର ବେହେରାଙ୍କ ତତ୍ତ୍ଵାବଧାନରେ ଗବେଷଣା କରି ଓଡ଼ିଆ ସାହିତ୍ୟରେ 2014 ରେ ପିଏଚଡ଼ି ଲାଭ କରିସାରିଛନ୍ତି । ଡ.ରାଉତ ବାଲେଶ୍ଵର ଜିଲ୍ଲାର ବାଳଙ୍ଗ ଗ୍ରାମର ସ୍ବର୍ଗତ ସାଧୁ ରାଉତ ଓ ସ୍ବର୍ଗତା ବାୟାଣୀ ରାଉତଙ୍କ କନିଷ୍ଠ ପୁତ୍ର ଅଟନ୍ତି । ଏହି ସଫଳତା ପାଇଁ ସେ ତାଙ୍କର ମାର୍ଗଦର୍ଶକ, ବିଶ୍ଵବିଦ୍ୟାଳୟ ଇଂରାଜୀ ବିଭାଗର ସମସ୍ତ ଅଧ୍ୟାପକ ଅଧ୍ୟାପିକା, ରିସର୍ଚ୍ଚ ବିଭାଗର ସମସ୍ତ କର୍ମଚାରୀ, ନିଜର ଧର୍ମପତ୍ନୀ ରାଜଲକ୍ଷ୍ମୀ, ଛାତ୍ରଛାତ୍ରୀ, ସମସ୍ତ ଗୁରୁଜନଙ୍କ ସହଯୋଗ, ସାହାଯ୍ୟ ଓ ପରାମର୍ଶ ପାଇଁ ଆନ୍ତରିକ କୃତଜ୍ଞତା ଜଣାଇଛନ୍ତି। ମହାପ୍ରଭୁ ଜଗନ୍ନାଥଙ୍କ କୃପାରୁ ଏହା ସମ୍ଭବ ପର ହୋଇପାରିଛି ବୋଲି ସେ ପ୍ରକାଶ କରିଛନ୍ତି । ଏଠାରେ ପ୍ରକାଶ ଯୋଗ୍ୟକି, ଡ ରାଉତ ଶ୍ରୀ ଜଗନ୍ନାଥ ସଂସ୍କୃତିର ଜଣେ ଗବେଷକ ଓ ପ୍ରବକ୍ତା ଅଟନ୍ତି । ସେ ଏକାଧାରରେ ଜଣେ କବି, ପ୍ରାବନ୍ଧିକ,ଗାଳ୍ପିକ, ସମାଲୋଚକ ଓ ସମୀକ୍ଷକ ଅଟନ୍ତି । ସାହିତ୍ୟ କୃତି ପାଇଁ ସେ ରାଜ୍ୟ ତଥା ରାଜ୍ୟ ବାହାରୁ ବହୁ ସାଂସ୍କୃତିକ ଅନୁଷ୍ଠାନ ଦ୍ଵାରା ସମ୍ମାନିତ ହୋଇଛନ୍ତି ।ବର୍ତ୍ତମାନ ସେ ମାଲକାନଗିରି ଜିଲ୍ଲାର କାଲିମେଳାସ୍ଥ ଗୋପବନ୍ଧୁ ଆଞ୍ଚଳିକ ଡିଗ୍ରୀ ମହାବିଦ୍ୟାଳୟରେ ଇଂରାଜୀ ଅଧ୍ୟାପକ ଭାବରେ କାର୍ଯ୍ୟରତ ଅଛନ୍ତି ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ୍
