ବହୁବିଧ ସେବା ପାଇଁ ଅଧ୍ୟାପକ ରଞ୍ଜନ କୁମାର ମହାପାତ୍ରଙ୍କୁ ସବୁଠି ପ୍ରଶଂସା
କଟକ : ସମାଜସେବା ବା ଦେଶ ଜାତି ପାଇଁ ତ୍ୟାଗ ମଣିଷକୁ ମହାନ୍ କରି ଗଢ଼ି ତୋଳେ ଆଉ ସବୁଠି ମିଳେ ପ୍ରଶଂସା । ସେମିତି ରକ୍ତଦାନ ଜୀବନ ଦାନ ଆଉ ମହତ୍ ଦାନ । ଏହି ମହାଯଜ୍ଞାରେ ବ୍ରତୀ ଜଣେ ବିଶିଷ୍ଟ ରକ୍ତଦାତା ତଥା ସମାଜସେବୀ ଅଧ୍ୟାପକ ରଞ୍ଜନ କୁମାର ମହାପାତ୍ର ଅନ୍ୟତମ । ପିତା ସୁରେନ୍ଦ୍ର କୁମାର ମହାପାତ୍ର ଓ ମାତା ଶାନ୍ତିଲତା ମହାପାତ୍ରଙ୍କ ସୁଯୋଗ୍ୟ ସନ୍ତାନ ଖୋର୍ଦ୍ଧା ଜିଲ୍ଲା ବାଣପୁର ଥାନା ଉପକଣ୍ଠ ସୁରେଖଦେଇପୁର ପାଟଣା ଗ୍ରାମରେ ୧୯୯୦ ମସିହାରେ ଜନ୍ମ ଗ୍ରହଣ କରିଛନ୍ତି । ସେ ଆଧ୍ୟାତ୍ମିକ ପୁସ୍ତକ ଅଧ୍ୟୟନକୁ ଭଲ ପାଉଥିବା ବେଳେ ଦରିଦ୍ର ଅସହାୟ ଲୋକଙ୍କୁ ସାହାଯ୍ୟ କରିବା ସହିତ ରକ୍ତର ଅଭାବ ରୁ ଯେମିତି କାହାର ଜୀବନ ନ ଯାଏ ତା ପ୍ରତି ଧ୍ୟାନ ଦେଉଛନ୍ତି । ସେ ୨୦୧୭ ମସିହାରେ ରେଡ଼କ୍ରସରେ ଯୋଗଦେବା ସହ ଏବଂ ସ୍ବର୍ଗତ ପଦ୍ମଶ୍ରୀ ଡ଼ି.ପ୍ରକାଶ ରାଓଙ୍କ ଆଦର୍ଶରେ ଅନୁପ୍ରାଣିତ ହୋଇ ରକ୍ତଦାନ ପ୍ରତି ଆଗ୍ରହୀ ହୋଇ ନିଜେ ରକ୍ତଦାନ କରିବା ସହ ଅନ୍ୟମାନଙ୍କୁ ରକ୍ତଦାନ ପ୍ରତି ଉତ୍ସାହିତ କରୁଥିଲେ । ପରବର୍ତ୍ତୀ ସମୟରେ ପଣ୍ଡିତ ବିନୟ ଭୁଷଣ ମିଶ୍ରଙ୍କ ସହଯୋଗ ରେ ଅନ୍ୟ ବନ୍ଧୁ ମାନଙ୍କୁ ନେଇ ୨୦୧୯ ମସିହା ଅପ୍ରେଲ ୧୯ ତାରିଖ “ଦି ବ୍ଲଡ଼୍ ଡ଼ୋନର୍ସ ଓଡ଼ିଶା” ନାମକ ସଂଗଠନ ଗଢ଼ିଥିଲେ । ମହାମାରୀ କରୋନା ସମୟରେ ରକ୍ତଦାନ ଓ ବହୁ ସେବା କରିଥିଲେ । ସେ ୨୦ ଥର ରକ୍ତଦାନ କରିଛନ୍ତି । ସେ ବହୁ ସଂଗଠନ ତରଫରୁ ସମ୍ମାନିତ ।
ଶ୍ରୀକାନ୍ତ ବେଉରା ଙ୍କ ରିପୋର୍ଟ୍
