ସ୍ବାତୀନକ୍ଷତ୍ରର ଝିଅ ର ଉନ୍ମୋଚନ ଆସନ୍ତା ୧ ରେ…,.
ରାଉରକେଲା: ସହରର ଅଗ୍ରଣୀ ସାହିତ୍ଯ ଓ ସଂସ୍କୃତି ଅନୁଷ୍ଠାନ,ଧାମରା ସାହିତ୍ଯ ସଂସଦ ଓ ରାଉରକେଲା ସାହିତ୍ଯ ସଂସଦ ମିଳିତ ଆନୁକୂଲ୍ଯରେ ଏକ ସାମ୍ୱାଦିକ ସମ୍ମୀଳନୀ ସ୍ଥାନୀୟ ହୋଟେଲ୍ ଗାର୍ଡେନ୍ ଠାରେ ସଂସଦର ସଭାପତି ବିଜୟ କୁମାର ସାହୁଙ୍କ ସଭାପତିତ୍ବରେ ଅନୁଷ୍ଠିତ ହୋଇ ଯାଇଛି | ଆଗାମୀ କାର୍ଯକ୍ରମ ବିଷୟରେ ସୂଚନା 
ଦେବାକୁ ଯାଇ କବି ସୁଶାନ୍ତ କୁମାର ନାୟକ କହିଲେ ,ଆସନ୍ତା ଡିସେମ୍ବର ୧ ତାରିଖରେ ଧାମରା ସାହିତ୍ଯ ସଂସଦ ତରଫରୁ ଶୀତ କବିତା ଆସର ଆୟୋଜନ କରାଯାଇଛି | ଏହି ଶୀତ କବିତା ଆସରରେ କବି ସୁଶାନ୍ତ କୁମାର ନାୟକଙ୍କ ଚତୁର୍ଥ କବିତା ସଂକଳନ ସ୍ବାତୀ ନକ୍ଷତ୍ରର ଝିଅ ଉନ୍ମୋଚନ ହେବ । ଏହି ଆସରରେ ସ୍ବନାମଧନ୍ଯ କବି ପିନାକୀ ମିଶ୍ର ମୁଖ୍ଯବକ୍ତା ଭାବରେ , କବି ତ୍ରିନାଥ ସିଂହ ପୁସ୍ତକ ସମ୍ମୀକ୍ଷକ ଭାବରେ ଓ ଡ.ନଗେନ୍ ଦାସ୍ ଭିତ୍ତି ପ୍ରବନ୍ଧ ପାଠ କରିବା ଲାଗି ସଦୟ ସମ୍ମତି ପ୍ରଦାନ କରିଛନ୍ତି | ରାଉରକେଲା ସାହିତ୍ୟ ସଂସଦ ତରଫରୁ ଏକ ରାଜ୍ଯସ୍ତରୀୟ ଶିଶୁ ମହୋତ୍ସବ ଆସନ୍ତା ୨୨ତାରିଖ ସ୍ଥାନୀୟ ଧାମରା ସଂଘ ପରିସରରେ ଅନୁଷ୍ଠିତ ହେବ ବୋଲି କାର୍ଯ୍ଯକାରୀ କମିଟିରେ ସ୍ଥର କରାଯାଇଛି | ଏହି ଶିଶୁ ମହୋତ୍ସବରେ ବିଭିନ୍ନ କ୍ଷେତ୍ରରେ କୃତିତ୍ବ ହାସଲ କରିଥିବା ୧୫ ଜଣ ଶିଶୁ ପ୍ରତିଭାଙ୍କୁ ପୁରସ୍କୃତ କରାଯିବା ସହ ଜଣେ ପ୍ରତିଭାବାନ ବ୍ଯକ୍ତିଙ୍କୁ ରାଉରକେଲା ସାରସ୍ବତ ସମ୍ମାନରେ ସମ୍ମାନିତ କରାଯିବା ପାଇଁ କାର୍ଯକାରୀ କମିଟିରେ ସ୍ଥିର କରାଯାଇଛି | ରାଉରକେଲା ସାହିତ୍ଯ ସଂସଦର କାର୍ଯକାରୀ ସଭାପତି ଅନିଲ ଦାଶ ସ୍ବାଗତ ଭାଷଣ ଦେଇଥିଲା ବେଳେ ଉପସଭାପତି ରମେଶ ଚନ୍ଦ୍ର ବାରିକ ଉପସ୍ଥିତ ସାମ୍ବାଦିକ ବନ୍ଧୁମାନଙ୍କୁ ଧନ୍ଯବାଦ ଅର୍ପଣ କରିଥିଲେ |
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
