ଭୂମି’ର ଶୁଭ ଜନ୍ମଦିନେ
ଅମରନାଥ ବାରିକ୍
ଅନେକ ଜପ ତପ ଫଳେ
ପାଇଛୁ ତୋତେ ଆମ କୋଳେ ।
ତୁ ଆମ ହୃଦୟ ଶଙ୍ଖାଳି
ନୟନ ମଣି ଗଳା ମାଳି ।
ଶ୍ରୀକୃଷ୍ଣ ପ୍ରଭୁ ପାଦ ତଳେ
ନିତି ପ୍ରଣତି ମୁହିଁ ଢାଳେ ।
ନ ଲାଗୁ ତୋ ଦେହରେ ଧୂଳି
ଦୟା କରନ୍ତୁ ବନମାଳି ।
ଦୁଃଖ ଶୋକର ଛାୟା ମାତ୍ର
ନଛୁଉଁ ହୁଅ ସୁଖେ ପାତ୍ର ।
କା ସଙ୍ଗେ ନକରିବ କଳି
ଥିବ ସଭିଙ୍କ ସାଥେ ଚଳି ।
ଶଙ୍କଟ ବେଳରେ ଇଶ୍ବର
ସାହାଯ୍ଯ କର ଚକ୍ରଧର ।
ଶ୍ରଦ୍ଧା ସୁମନ ହସ୍ତେ ତୋଳି
ମଧୁ ବଚନ ମୁଖେ ଭାଳି ।
ରହିବୁ ସମୟର ସହ
ଯେମନ୍ତ ଚନ୍ଦ୍ର ସୂର୍ଯ୍ୟ ଗ୍ରହ ।
ଜାଳିବୁ ସତ୍ୟର ଦୀପାଳି
ମିଥ୍ୟାକୁ ପାଦେ ଦେବୁ ଦଳି ।
ନୀଳାଚଳିଆ ତୋ କମଳେ
ସଞ୍ଜ ସକାଳେ ଦୀପ ଜାଳେ ।
ଏତିକି ମାତ୍ର ମୋର ଅଳି
ଜଗା ଭରିଦେ ମୋର ଥାଳି ।
ଭୂମି’ର ଶୁଭ ଜନ୍ମ ବେଳେ
ତାକୁ ରଖିବ ଭୁଜ ତଳେ ।
ବାଢ଼ୁଛି ପାଦେ ପୁଷ୍ପାଞ୍ଜଳି
ଦିଅ ଆଶିଷ ବାରେ ଢ଼ଳି ।
କୃପାସିନ୍ଧୁ ତୋ କୃପା ଜଳେ
ଉତ୍ସର୍ଗ ଏ କବିତା ମାଳେ ।
ଲେଖୁଛି ମୋ କଲମ ତୂଳୀ
ସେ ଆମ ନୟନ ପିତୁଳି ।
ଚତୁର୍ଥ ବର୍ଷେ ପଦାର୍ପଣ
ପାଦ ଥାପିଲା ସେହୁ ପୁଣ ।
ଗ୍ରା/ପୋ-କୟାଁ, ଥା-ମଙ୍ଗଳପୁର, ଜି-ଯାଜପୁର
ଓଡ଼ିଶା, ପିନ୍ ନମ୍ବର – ୭୫୫୦୧୧
ଦୂରଭାଷା – ୯୫୪୦୩୦୮୦୯୫ (ନୂଆଦିଲ୍ଲୀ)
