ଏ ଏସ୍ ଆଇ ଙ୍କ ଝୁଲନ୍ତା ମୃତ ଦେହ ଉଦ୍ଧାର
ନବରଙ୍ଗପୁର:(୨୬/୧୨)(ରବି ନାରାୟଣ ମହାନ୍ତି)ନବରଙ୍ଗପୁର ଜିଲ୍ଲାରେ ତିନିଦିନ ହେଲା ନିଖୋଜ ଥିବା ତେନ୍ତୁଳିଖୁଣ୍ଟି ଥାନା ଏ ଏସ୍ ଆଇ ରେଣୁ ପ୍ରଧାନ ଙ୍କ ଝୁଲନ୍ତା ମୃତ ଦେହକୁ ଆଜି ସନ୍ଧ୍ୟାରେ ଉଦ୍ଧାର କରାଯାଇଛି l ତେନ୍ତୁଳିଖୁଣ୍ଟି ଥାନା ମଙ୍ଗଳ ଦୋରା ନିକଟସ୍ଥ ରାଇସିଂ ଯୋଡି ନାଳ ନିକଟରେ ଥିବା ଏକ ଗଛରୁ ତାଙ୍କ ମୃତ ଦେହ ଉଦ୍ଧାର କରାଯାଇଛି l ପୁଲିସ ଘଟଣାର ତଦନ୍ତ କରୁଥିବା ବେଳେ ଆସନ୍ତାକାଲି ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ତାଙ୍କର ଶବ ବ୍ଯବଚ୍ଛେଦ କରାଯିବ l ଗତ ସୋମବାର ଏ ଏସ୍ ଆଇ ରେଣୁ ପ୍ରଧାନ କୌଣସି କାର୍ଯ୍ୟରେ ନବରଙ୍ଗପୁର ଯାଇଥିଲେ l ଏହା ପରଠୁ ସେ ଆଉ ଘରକୁ ଫେରି ନ ଥିଲେ l ଆଉ ଆଜି ତାଙ୍କ ଝୁଲନ୍ତା ମୃତ ଦେହ ମିଳିଛି l ପ୍ରାଥମିକ ତଦନ୍ତରୁ ଏହା ଏକ ଆତ୍ମହତ୍ୟା ବୋଲି ଜଣା ପଡୁ ଥିବା ବେଳେ ମୃତ୍ୟୁ ର ପ୍ରକୃତ କାରଣ ଜଣା ପଡି ନାହିଁ। ଏ ଏସ୍ ଆଇ ରେଣୁ ପ୍ରଧାନ ଙ୍କ ଘର ପାପଡାହାଣ୍ଡି ଥାନା ତୁମ୍ବର୍ଲା ଗ୍ରାମରେ ହୋଇଥିବା ବେଳେ ସେ ତେନ୍ତୁଳିଖୁଣ୍ଟି ପୋଲିସ କଲୋନୀ ରେ ନିଜ ପରିବାର ସହ ରହୁଥିଲେ l ଉକ୍ତ ଖବର ପାଇ ତାଙ୍କ ଦୁଇ ପୁଅ ଓ ଭାଇ ଘଟଣାସ୍ଥଳରେ ପହଞ୍ଚି ଥିଲେ l ଶବ ବ୍ୟବଚ୍ଛେଦ ହୋଇ ନ ଥିବାରୁ ସେମାନଙ୍କୁ ମୃତ ଦେହ ହସ୍ତାନ୍ତର କରାଯାଇ ନାହିଁ l ପ୍ରକାଶ ଥାଉକି ଆଉ ଦୁଇ ମାସ ପରେ ଚାକିରିରୁ ଅବସର ନେଇ ଥାନ୍ତେ ଏ ଏସ୍ ଆଇ ରେଣୁ ପ୍ରଧାନ l ସେ ପୋଲିସ ଅଫିସର ହିସାବରେ ଜଣେ ଉତ୍ତମ, ମେଳାପି ଅଫିସର ଥିଲେ। ତାଙ୍କର ଏପରି ମୃତ୍ୟୁ ରେ ନବରଙ୍ଗପୁର ଜିଲ୍ଲାବାସୀ ଶୋକ ପ୍ରକାଶ କରିଛନ୍ତି l ( ମ ନି ସ )
