କାର୍ଲିଗାଁ ରେ ଡବଲ ମର୍ଡର ଘଟଣା , ମୁଖ୍ୟ ଅଭିଯୁକ୍ତ ଗିରଫ ଓ କୋର୍ଟ ଚାଲାଣ
ସାମ୍ବାଦିକ ସମ୍ମିଳନୀରେ ରେ ସୂଚନା ଦେଲେ ଧର୍ମଗଡ଼ ଏସଡିପିଓ…
କଳାହାଣ୍ଡି ଜିଲ୍ଲା ଗୋଲାମୁଣ୍ଡା ଥାନା ଅନ୍ତର୍ଗତ ଦଶପୁର ଫାଣ୍ଡି କାର୍ଲିଗାଁ ରେ ଜମି ବାଡି ବିବାଦ କୁ ନେଇ ନିଜ ବଡ଼ ବାପା ଓ ବଡ ମାଆ କୁ ନୃଶଂସ ପୁତୁରା ହତ୍ୟା କରିବା ଘଟଣା ର ପର୍ଦ୍ଦାଫାସ କରିଛି ପୁଲିସ l ସୂଚନାମତେ ଦୀର୍ଘ ଦିନ ଧରି ମୃତକ ଙ୍କ ପରିବାର ଓ ଅଭିଯୁକ୍ତ ଙ୍କ ମଧ୍ୟରେ ଜମିବାଡ଼ି କୁ ନେଇ ଗଣ୍ଡଗୋଳ ଲାଗିରହିଥିଲା । ଏନେଇ ଉକ୍ତ ପରିବାର ଗତ ଶୁକ୍ରବାର ଦିନ ଦଶପୁର ଫାଣ୍ଡି ର ଦ୍ୱାରସ୍ଥ ମଧ୍ୟ ହୋଇଥିଲେ । ଅନେକ ବୁଝାସୁଝା କରିବା ପରେ ମଧ୍ୟ ବିଫଳ ହୋଇଥିଲା । ଶେଷରେ ନୃଶଂସ ପୁତୁରା ପ୍ରତିଶୋଧ ପରାୟଣ ହୋଇ ନିଜ ବଡ଼ ବାପା ଓ ବଡ଼ ମା କୁ ଟାଙ୍ଗିଆ ରେ ହାଣି ହତ୍ୟା କରିଥିଲା । କାଳେ ବଞ୍ଚିଯିବେ ବୋଲି ଜାଣି ଏକ ପଥର ସାହାଯ୍ୟରେ ଛେଚି ନିର୍ମମ ଭାବେ ହତ୍ୟା କରିଥିଲା ଜାହାରିଫଳରେ ବୁଡୁ ବାଗ (୫୦), ସଜନେ ବାଗ(୪୫) ଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିଲା । ଏନେଇ ଖବର ପାଇ ପୁଲିସ ଓ ସାଇଣ୍ଟିଫିକ ଟିମ ଘଟଣାସ୍ଥଳରେ ପହଞ୍ଚି ବିଭିନ୍ନ ଦିଗ କୁ ନେଇ ତଦନ୍ତ ଆରମ୍ଭ କରିଥିଲେ । ଶେଷରେ ହତ୍ୟା ଅଭିଯୁକ୍ତ ପୁତୁରା ବସନ୍ତ ବାଗ କୁ ପୁଲିସ ଗିରଫ କରିବା ସହିତ ତା ଠାରୁ ହତ୍ୟାରେ ବ୍ୟବହୃତ ଏକ ଟାଙ୍ଗିଆ ଓ ପଥର କୁ ଜବତ କରି ଆଜି କୋର୍ଟ ଚାଲାଣ କରିଛି ଗୋଲାମୁଣ୍ଡା ପୁଲିସ l ଏନେଇ ଆଜି ଧର୍ମଗଡ଼ ଉପଖଣ୍ଡ ପୋଲିସ ଅଧିକାରୀ ଙ୍କ କାର୍ଯ୍ୟାଳୟ ରେ ଏସଡିପିଓ ମନୋଜ କୁମାର ବେହେରା ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ଏହି ସାମ୍ବାଦିକ ସମ୍ମିଳନୀରେ ଗୋଲାମୁଣ୍ଡା ଥାନାଧିକାରୀ ଶ୍ୱେତାପଦ୍ମ ସେଠ ,ଦଶପୁର ଫାଣ୍ଡି ଅଧିକାରୀ ସୁଶାନ୍ତ ପଣ୍ଡା ଉପସ୍ଥିତ ଥିଲେ ।
ବିଦ୍ୟାଧର ସାହୁଙ୍କ ରିପୋର୍ଟ….
