ଧବଳେଶ୍ଵର କ୍ରିକେଟ କପ : ବରଗଡ଼ ଚମ୍ପିୟାନ
ମ.ରାମପୁର,୩୦/୧ (ମସୀହା): ମୋହନ ଗିରି ଧବଳେଶ୍ୱର କ୍ରୀଡା ଓ ସାଂସ୍କୃତିକ ଅନୁଷ୍ଠାନ ତରଫରୁ ଚାଲିଥିବା ୨୦ ତମ ରାଜ୍ୟ ସ୍ତରୀୟ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ହୋଇଛି l ଫାଇନାଲ ମ୍ୟାଚ ବୋଡ଼େନ ଓ ବରଗଡ଼ ଦଳ ମଧ୍ୟରେ ଅନୁଷ୍ଠିତ ହୋଇଥିଲା । ଏଥିରେ ବୋଡ଼େନ ଦଳ ଟସ୍ ଜିଣି ବୋଲିଂ ନିଷ୍ପତି ନେଇଥିଲେ । ପ୍ରଥମେ ବରଗଡ଼ ଦଳ 
ବ୍ୟାଟିଂ କରି ନିର୍ଦ୍ଧାରିତ ୧୯ ଓଭର୍ ରେ ସମସ୍ତ ୱିକେଟ ହରାଇ ୨୪୦ ରନ କରିଥିଲା । ଏହାର ଜବାବରେ ବୋଡ଼େନ ଦଳ ୧୯.୪ ଓଭରରେ ସମସ୍ତ ୱିକେଟ ହରାଇ ୧୫୯ ରନ କରି ୮୭ ରନ ରେ ପରାଜୟ ବରଣ କରିଥିଲେ । ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବରେ ଭବାନୀପାଟଣା ବିଧାୟକ ସାଗର ଚରଣ ଦାସ ,ମୁଖ୍ୟ ବକ୍ତା ମହେନ୍ଦ୍ର କୁମାର ପଣ୍ଡା, ସମ୍ମାନୀତ ଅତିଥି ଭାବରେ ବୁଧେନ୍ଦ୍ର ପ୍ରତାପ ସିଂହ ଦେଓ , ପ୍ରକାଶ ମାଝୀ, ବୈଦ୍ୟ ନାରାୟଣ ଭୋଇ, ସୁରେନ୍ଦ୍ର ଧରୁଆ, ଉଚ୍ଛବ ପ୍ରଧାନ, ଗୋକୁଳାନନ୍ଦ ବିଶ୍ବାଳ, କର୍ଣିପାଲ ସିଂ ରାଠୋର ପ୍ରମୁଖ ଉପସ୍ଥିତ ରହିଥିବା ବେଳେ ଅନ୍ୟମାନଙ୍କ ମଧ୍ୟରେ ଅନୁଷ୍ଠାନ ର ସଭାପତି ଶୁକଦେବ ସାହୁ, ସଂପାଦକ ଲକ୍ଷ୍ମୀକାନ୍ତ ବେହେରା, ଉପସଭାପତି ସୂର୍ଯ୍ୟ ନାରାୟଣ ସାହୁ,ସହ ସଂପାଦକ ଦିବାକର ସାହୁ ଉପସ୍ଥିତ ରହିଥିଲେ । ବିଜେତା ଚମ୍ପିୟାନ ବରଗଡ଼ ଦଳକୁ ଟ୍ରଫି ସହିତ ନଗଦ ରାଶି ଏବଂ ପରାଜିତ ବୋଡ଼େନ ଦଳକୁ ରନର୍ସ କପ୍ ସହିତ ନଗଦ ରାଶି ପୁରସ୍କାର ମୁଖ୍ୟ ଅତିଥିଙ୍କ ଦ୍ଵାରା ପ୍ରଦାନ କରାଯାଇଥିଲା l ଏହି ମ୍ୟାଚରେ ମ୍ୟାନ ଅଫ ଦି ମ୍ୟାଚ୍ ବରଗଡ଼ ଦଳର ବାବୁ ରଣା ଏବଂ ମ୍ୟାନ ଅଫ ଦି ସିରିଜ୍ ବୋଡ଼େନ ଦଳର ମଣ୍ଟୁ ପଟେଲ ପାଇଥିଲେ l ଏହି ମ୍ୟାଚ୍ ରେ ରାଧାକାନ୍ତ ବେହେରା ଓ ସତ୍ୟନାରାୟଣ ମହାପାତ୍ର ଅମ୍ପାୟାର, ଟୁକୁ ମହାନନ୍ଦ,ସୁନିଲ କୁମାର ଭୋଇ,ଆଶିଷ ସାହୁ ସ୍କୋରର ଦାୟିତ୍ଵ ରେ ରହିଥିବା ବେଳେ ଶଶିକାନ୍ତ ମାଝୀ ,ସପ୍ନେଶ୍ୱର କର୍ମୀ ,ଚନ୍ଦ୍ରଭାନୁ ଗହିର ଧାରା ବିବରଣୀ ପ୍ରଦାନ କରିଥିଲେ । ଏହି ସମସ୍ତ କାର୍ଯ୍ୟକ୍ରମରେ ଅନୁଷ୍ଠାନ ର ସମସ୍ତ ସଦସ୍ୟ ସହଯୋଗ କରିଥିଲେ ।
ମ. ରାମପୁର ରୁ ପରମାନନ୍ଦ ବିଶି ଙ୍କ ରିପୋର୍ଟ
