୪ଦିନ ଧରି ଚାଳିବ କୁରୁଣ୍ଟା ଦୋଳ ମହୋତ୍ସବ
ଖଇରା,୦୭/୩/୨୫ :-ଐତିହାସିକ ଦୋଳ ମେଳଣ ଦୀର୍ଘ ବର୍ଷ ଧରି ଖଇରା ବ୍ଲକ ଅନ୍ତର୍ଗତ କୁରୁଣ୍ଟା ଠାରେ ଚାଲିଆସୁଥିବା ବେଳେ ଚଳିତ ବର୍ଷ ପ୍ରଥମ କରି କୁରୁଣ୍ଟା ଦୋଳ ମହୋତ୍ସବ ଅନୁଷ୍ଠିତ ହେବାକୁ ଯାଉଛି । ଆସନ୍ତା ୧୫ ତାରିଖ ଠାରୁ ୧୮ ତାରିଖ ପର୍ଯ୍ୟନ୍ତ ୪ ଦିନ ଧରି ଏହି ମହୋତ୍ସବ ଚାଲୁ ରହିବ । ଏ ନେଇ ଆଜି ଏକ ସାମ୍ବାଦିକ ସମ୍ମିଳନୀ କରି ମହୋତ୍ସବର ସଭାପତି ମାନଶ କୁମାର ଦାସ ସୂଚନା ଦେଇଛନ୍ତି । ଦୋଳ କମିଟି ଓ ଦୋଳ ମହୋତ୍ସବର କର୍ମକର୍ତ୍ତା ମାନେ ମିଳିତ ସହଯୋଗରେ ହେବାକୁ ଥିବା ମହୋତ୍ସବରେ ଜିଲ୍ଲା ଓ ବ୍ଲକର ବିଭିନ୍ନ ପ୍ରଶାସନିକ ଅଧିକାରୀ, ନେତା ଓ ମନ୍ତ୍ରୀଙ୍କର ଯୋଗଦାନ ଦେବାର କାର୍ଯ୍ୟକ୍ରମ ଥିବାବେଳେ, ମନୋରଞ୍ଜନ ପାଇଁ ଆଗଧାଡ଼ିର ନାମୀଦାମୀ ଅଭିନେତା, ଅଭିନେତ୍ରୀ ଓ କଣ୍ଠଶିଳ୍ପୀ ମାନଙ୍କର ଆସିବାର କାର୍ଯ୍ୟକ୍ରମ ରହିଛି । ୟୁଟ୍ୟୁବ କମେଡି କିଙ୍ଗ୍ ଗୁଲୁଆ, ଟୁକୁନା ଷ୍ଟାଇଲିସଙ୍କ ସମେତ ଅନ୍ୟ କଳାକାର ମାନେ ଆସିବା ନେଇ ମହୋତ୍ସବ କୋଷାଧକ୍ଷ ଜ୍ୟୋତି ରଞ୍ଜନ ପାଢ଼ୀ ସୂଚନା ଦେଇଛନ୍ତି । ପିଲାମାନଙ୍କ ପାଇଁ ମୀନାବଜାର, ଜମ୍ପିଙ୍ଗ, ମିକିମାଉଶ, ବୋଟିଙ୍ଗ, ଠୁଙ୍ଗାପୁରି, ଭେଲପୁରି, ମଥୁରାକେକ, ସମେତ ଆହୁରି ଅନେକ ମନଲୋଭା ଖାଦ୍ୟର ଷ୍ଟଲ ପଡିବା ନେଇ ସୂଚନା ଦେଇଛନ୍ତି ମହୋତ୍ସବର ସଂମ୍ପାଦକ ଲମ୍ବୋଧର ବେହେରା । ସୁରକ୍ଷା ଦୃଷ୍ଟିରୁ ଖଇରା ପୋଲିସର ସହାୟତା ଲୋଡିଛନ୍ତି କମିଟି ସଦ୍ୟମାନେ । ଏ ନେଇ ଆଜି କୁରୁଣ୍ଟା ଠାରେ ଏକ ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି ମହୋତ୍ସବ କମିଟିର ସଦସ୍ୟମାନେ । ଏହି ସାମ୍ବାଦିକ ସମ୍ମିଳନୀରେ ଦୀପକ ପଣ୍ଡା, ଦୟାନିଧି ବେହେରା, ନବଘନ ସାହୁ, ଅସିତ ପତ୍ରୀ, ଗୋପବନ୍ଧୁ ସାହୁ, ପ୍ରକାଶ ବେହେରା ପ୍ରମୁଖ ଉପସ୍ଥିତ ଥିଲେ । ମହୋତ୍ସବକୁ ଶାନ୍ତି ଶୃଙ୍ଖଳାର ସହିତ ମନୋରଞ୍ଜନ କରିବା ପାଇଁ କମିଟି ପକ୍ଷରୁ ଅନୁରୋଧ କରାଯାଇଛି ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
