ବ୍ଲକ ଓ ଏନ ଏ ସି ସ୍ତରୀୟ ନିପୁଣ ଓଡିଶା ମେଳା ଅନୁଷ୍ଠିତ

ବ୍ଲକ ଓ ଏନ ଏ ସି ସ୍ତରୀୟ ନିପୁଣ ଓଡିଶା ମେଳା ଅନୁଷ୍ଠିତ 

ଜୁନାଗଡ଼, ୭/୩(ମନୀ ସ)-କେନ୍ଦ୍ର ସରକାର ଓ ରାଜ୍ୟ ସରକାର ଙ୍କ ମିଳିତ ଉଦ୍ୟମ ରେ ନିପୁଣ ଭାରତ ମେଳା ସ୍ଥାନୀୟ ହିଞ୍ଜିଳିବାହିଲି ସ୍କୁଲ ଠାରେ ଅନୁଷ୍ଠିତ ହୋଇ ଉଦଯାପିତ ହୋଇ ଯାଇଛି l ନିପୁଣ ଭାରତ ନୂତନ ଶିକ୍ଷାନୀତି ୨୦୨୦ ର ଏକ ଅଂଶ ବିଶେଷ l ୨୦୨୬-୨୭ବର୍ଷ ସୁଦ୍ଧା ତୃତୀୟ ଶ୍ରେଣୀ ସମାପ୍ତ ବେଳକୁ ମୌଳିକ ସାକ୍ଷ୍ୟରତା ଓ ସଂଖ୍ୟା ଜ୍ଞାନ ହାସଲ କରିବା ହେଉଛି ନିପୁଣ ଓଡିଶା ର ମୂଳ ଲକ୍ଷ୍ୟ l ଜୁନାଗଡ଼ ବ୍ଲକ ର ସମସ୍ତ ୧୬ ଗୋଟି କ୍ଲଷ୍ଟର ରୁ ସ୍ୱଳ୍ପ ମୂଲ୍ୟ ଓ ବିନା ମୂଲ୍ୟ ର ଶିକ୍ଷଣ ସାମଗ୍ରୀ ପ୍ରଦର୍ଶନ କରାଯାଇଥିଲା l ସେଥି ମଧ୍ୟରୁ ବ୍ରାହ୍ମଣୀଗୁଡା କ୍ଲଷ୍ଟର ର ତେନ୍ତୁଳୀଖୁଣ୍ଟି ଉପ୍ରା ବିଦ୍ୟାଳୟ ପ୍ରଥମ, ବଣିଜରl କ୍ଲଷ୍ଟର ର କୋଟେନ ପ୍ରାଥମିକ ବିଦ୍ୟାଳୟ ଦ୍ୱତୀୟ, ଓ ଛୋରିଆଗଡ଼ କ୍ଲଷ୍ଟର ର ମୋହନ ପଡା ପ୍ରାଥମିକ ବିଦ୍ୟାଳୟ ତୃତୀୟ ସ୍ଥାନ ଅଧିକାର କରି ଅତିଥି ମାନଙ୍କ ଠାରୁ ପୁରସ୍କୃତ ହୋଇଥିଲେ। ସମସ୍ତ ପ୍ରତିଯୋଗୀ ଶିକ୍ଷକ ଶିକ୍ଷୟତ୍ରୀ ମାନଙ୍କୁ ପ୍ରଶଂସା ପତ୍ର ପ୍ରଦାନ କରାଯାଇଥିଲା l 

ଏଥିପାଇଁ ଅନୁଷ୍ଠିତ ଉଦ୍ଘାଟନୀ ସଭାରେ ସୁଶାନ୍ତ କୁମାର ଠାକୁର ବି ଆର ସି ସି ସଭାପତିତ୍ୱ କରିଥିବା ବେଳେ ମୁଖ୍ୟଅତିଥି ଭାବେ ବି ଇ ଓ ଜୁନାଗଡ଼ ତପନ ମାଝୀ, ସନମାନିତ ଅତିଥି ଭାବେ ଶିକ୍ଷୟତ୍ରୀ ପ୍ରଶିକ୍ଷିକା ସୁଶ୍ରୀ ସୁନିତା ଦୁର୍ଗା, ଏ ବି ଇ ଓ ଜୁନାଗଡ଼ କ୍ଷୀରୋଦ ଭୋଇ, ପ୍ରଧାନ ଶିକ୍ଷକ କାର୍ଲି ସରୋଜ କୁମାର ପଣ୍ଡା, ପ୍ରଧାନ ଶିକ୍ଷକ ତେନ୍ତୁଳୀଖୁଣ୍ଟି ମକରଧ୍ଵଜ ରାଉତ, ଏନ ଏ ସି ସି ଆର ସି ସି ନୀଳାଞ୍ଚଳ ନାଗ ଉପସ୍ଥିତ ରହି ଉଦବୋଧନ ଦେଇ ଥିଲେ l 

ସେହିପରି ସନ୍ଧ୍ୟାରେ ଉଦଯାପନୀ ଉତ୍ସବ ରେ ବି ଇ ଓ ତପନ ମାଝୀ ଙ୍କ ସଭାପତିତ୍ୱ ରେ ମୁଖ୍ୟ ଅତିଥି ଭାବେ ଜୁନାଗଡ଼ ବିଧାୟକ ଦିବ୍ୟଶଙ୍କର ମିଶ୍ର, ମୁଖ୍ୟ ବକ୍ତା ଭାବେ ଶିକ୍ଷକ ପ୍ରଶିକ୍ଷକ ଡି ଆଇ ଇ ଟି ଈଶ୍ୱର ଚନ୍ଦ୍ର ବେହେରା, ସନମାନିତ ଅତିଥି ଭାବେ ଏନ ଏ ସି ଅଧକ୍ଷା ହିମାଦ୍ରୀ ନାଏକ, ଓକିଲ ସଙ୍ଘ ସମ୍ପାଦକ ହିମାଂଶୁ ଶେଖର ବରାଡ଼, ଶିକ୍ଷକ ପ୍ରଶିକ୍ଷିକା ସୁଶ୍ରୀ ସୁନିତା ଦୁର୍ଗା, ବି ଆର ସି ସି ସୁଶାନ୍ତ କୁମାର ଠାକୁର,ୱାର୍ଡ ସଭ୍ୟ ଗୋପାଳ ଚନ୍ଦନ ଯୋଗ ଦେଇ ଉଦବୋଧନ ଦେଇଥିଲେ l ମଞ୍ଚ ପରିଚାଳନା ପ୍ରଧାନ ଶିକ୍ଷକ ମାଲିଗୁଡା ସୂର୍ଯ୍ୟ ନାରାୟଣ ଠାକୁର କରିଥିବା ବେଳେ ସରୋଜ କୁମାର ପଣ୍ଡା, ଯୀଶୁରାମ ଗୋପାଳ, ନିକିତା ସାହୁ ଓ ଜୁନାଗଡ଼ ବ୍ଲକ ର ସମସ୍ତ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ବୃନ୍ଦ ସହଯୋଗ କରିଥିଲେ l ସଭା ଶେଷରେ ପ୍ରଧାନ ଶିକ୍ଷକ ମକରଧ୍ୱଜ ରାଉତ ଧନ୍ୟବାଦ ଅର୍ପଣ କରିଥିଲେ l 

ଜୁନାଗଡ଼ ରୁ ନରେନ୍ଦ୍ର କ୍ଷିତି ଙ୍କ ରିପୋର୍ଟ୍