ନାଉଗାଁ ଫେଷ୍ଟିଭାଲ -୨୦୨୫ରେ ସମ୍ବର୍ଦ୍ଧିତ ହେଲେ ସାହିତ୍ୟିକା ଛବିରାଣୀ ପତି
ଖଇରା,୧୬/୫/୨୫ – ବାଲେଶ୍ବର ଜିଲ୍ଲା ଖଇରା ଠାରେ ଗଢି ଉଠିଥିବା ମୋ ଅନୁଷ୍ଠାନ ସାହିତ୍ୟ ସଂସଦ ବିଭିନ୍ନ ଜିଲ୍ଲାର ପ୍ରତିଭାଧାରୀ କବି କବୟିତ୍ରୀ ମାନଙ୍କୁ ନେଇ ଆଗେଇ ଚାଲିଛି । ଚଳିତ ବର୍ଷ ଡିସେମ୍ବରରେ ପାଳନ କରିବ ଷଷ୍ଠ ବାର୍ଷିକ ଉତ୍ସବ ଏବଂ ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରିଥିବା ବଛାବଛା ପ୍ରତିଭାଧାରୀ ମାନଙ୍କୁ ସମ୍ବର୍ଦ୍ଧିତ କରିବ । କିନ୍ତୁ ତା’ ପୂର୍ବରୁ ଅନୁଷ୍ଠାନର ପ୍ରତିଭାଧାରୀ ମାନଙ୍କୁ ସମ୍ବର୍ଦ୍ଧନା ମିଳିବା ବଡ଼ ସୌଭାଗ୍ୟର କଥା । ଏହି ଅବସରରେ ଅନୁଷ୍ଠାନର ଜଣେ ଜଗତସିଂହପୁର ଜିଲ୍ଲାର ପ୍ରତିଭାଧାରୀ କବୟିତ୍ରୀ ଛବିରାଣୀ ପତି ତା ୧୫/୫/୨୦୨୫ ରିଖ ଦିନ ଜଗତସିଂହପୁର ଜିଲ୍ଲା ନାଉଗାଁ ବ୍ଲକରେ ଅନୁଷ୍ଠିତ ନାଉଗାଁ ଫେଷ୍ଟିଭାଲର ରାଜ୍ୟ ସ୍ତରୀୟ ସାଂସ୍କୃତିକ ସମାରୋହ ମହାଆଡମ୍ବର ସହକାରେ ଅନୁଷ୍ଠିତ ହୋଇଥିଲା । ଏହି ସମାବେଶର ଦ୍ୱିତୀୟ ସନ୍ଧ୍ୟାରେ ଏକମାତ୍ର ପ୍ରତିଭା ତଥା ବିଶିଷ୍ଟ କବୀ ଓ ସାହିତ୍ୟିକା ଭଉଣୀ ଛବିରାଣୀ ପତିଙ୍କୁ ” ନାଉଗାଁ ଫେଷ୍ଟିଭାଲ ସମ୍ମାନ -୨୦୨୫ ” ରେ ସମ୍ବର୍ଦ୍ଧିତ କରାଯାଇଥିଲା । ଉକ୍ତ ମହୋତ୍ସବକୁ ଓଡ଼ିଶାର ଶିଳ୍ପ ଓ ବୈଷୟିକ ଶିକ୍ଷାମନ୍ତ୍ରୀ ସମ୍ପଦ କୁମାର ସ୍ୱାଇଁ ଉଦଘାଟନ କରିଥିଲେ । କଟକ ସ୍ଥିତ ଗ୍ଲୋବାଲ ଇଣ୍ଡିଆନ୍ ମଡେଲ ସ୍କୁଲ ପକ୍ଷରୁ ଆୟୋଜିତ ଏହି ଉତ୍ସବରେ ପରିଷଦର ସଭାପତି ଚୌଧୁରୀ ଡକ୍ଟର ସତ୍ୟ ଦାସ ସଭାପତିତ୍ବ କରିଥିଲେ । ସମ୍ମାନିତ ଅତିଥି ଭାବେ ଜଗତସିଂହପୁର ବିଧାୟକ ଅମରେନ୍ଦ୍ର ଦାସ ନିଜର ବକ୍ତବ୍ୟ ପ୍ରଦାନ କରିଥିଲେ । ବିଶିଷ୍ଟ ଅତିଥି ଭାବେ ସାହିତ୍ୟିକ ଡଃ ଇଂ ପ୍ରଭାକର ସ୍ୱାଇଁ ଯୋଗ ଦେଇଥିଲେ । ସଂପାଦକୀୟ ବିବରଣୀ ପାଠ କରିଥିଲେ ସମ୍ପାଦକ ଧନଞ୍ଜୟ ପରିଜା । ଏହି ଅବସରରେ ରାତି ତମାମ ଛଉ, ଓଡ଼ିଶୀ, ସମ୍ବଲପୁରୀ, ଵିହୁ, ପୌରାଣିକ ଓ ଶାସ୍ତ୍ରୀୟ ନୃତ୍ୟ ପରିବେଷଣ ହୋଇଥିଲା । ଶହଶହ ଦର୍ଶକଙ୍କ ମିଳନରେ ନାଉଗାଁର ଗୋବରୀ ନଦୀ ପଠା, ମଣିକର୍ଣିକା ଘାଟ, ଚଗଲା ଦାସ ମଠ ବେଶ୍ ଉତ୍ସବ ମୁଖରିତ ହୋଇଥିଲା ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
