ଡାବୁଗାଁ, ୧୮/୪ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସମ୍ମିଳନୀ କକ୍ଷଠାରେ ୱାର୍ଡ ସଭ୍ୟାସଭ୍ୟ ମାନଙ୍କୁ ନେଇ ଏକ ପ୍ରାରମ୍ଭିକ ପ୍ରଶିକ୍ଷଣ କାର୍ଯ୍ୟକ୍ରମ ବିଡିଓ ଶରତ ମାଝିଙ୍କ ତତ୍ଵାବଧାନରେ ମଙ୍ଗଳବାର ଆରମ୍ଭ ହୋଇଯାଇଛି | ଏଥିରେ ପଞ୍ଚାୟତ ପରିଚାଳନା, ବିଷୟ ବସ୍ତୁ ସମ୍ବନ୍ଧୀୟ ଗ୍ରାମପଞ୍ଚାୟତ ବିକାଶ ଯୋଜନା ଓ ସରକାରଙ୍କ ବିଭିନ୍ନ ଯୋଜନା ଉପରେ ତାଲିମ ଦିଆଯାଇଥିଲା | ପ୍ରଥମ ଦିନରେ ୪ ଟି ପଞ୍ଚାୟତର ମୋଟ ୪୪ ଜଣ ୱାର୍ଡ ସଭ୍ୟାସଭ୍ୟ ମାନେ ତାଲିମ ନେଇଥିଲେ | ଏଥିରେ ପ୍ରଶିକ୍ଷକ ଭାବେ ଏବିଡିଓ ପଦ୍ମନାଭ ତ୍ରିପାଠୀ, ଗ୍ରାମ ପଞ୍ଚାୟତ ସଂମ୍ପ୍ରସାରଣ ଅଧିକାରୀ ଏ.ଡି ପ୍ରସାଦ, ବ୍ଲକ ସାମାଜିକ ସୁରକ୍ଷା ଅଧିକାରୀ ଯତୀନ ପାଣିଗ୍ରାହୀ, ଅତିରିକ୍ତ କାର୍ଯ୍ୟକ୍ରମ ଅଧିକାରୀ ବର୍ଣ୍ଣବାସ ନାୟକ ପ୍ରମୁଖ ତାଲିମ ଦେଇଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
