ଡାବୁଗାଁ, ୧୦/୨ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସମ୍ମିଳନୀ କକ୍ଷରେ ଇ- ପଞ୍ଚାୟତ ସଭା ଉପରେ ତାଲିମ ଶିବିର ଶୁକ୍ରବାର ଅନୁଷ୍ଠିତ ହୋଇଯାଇଛି | ଏଥିରେ ବିଡିଓ ଶରତ ମାଝି ଙ୍କ ଅଧ୍ୟକ୍ଷତାରେ ଅନୁଷ୍ଠିତ ତାଲିମ କାର୍ଯ୍ୟକ୍ରମରେ ପ୍ରଶିକ୍ଷକ ଭାବେ ଗ୍ରାମ ପଞ୍ଚାୟତ ସଂମ୍ପ୍ରସାରଣ ଅଧିକାରୀ ଏ. ଡି ପ୍ରସାଦ ଓ କମ୍ପ୍ୟୁଟର ପୋଗ୍ରାମର ପ୍ରବୀଣ ପଟ୍ଟନାୟକ ତାଲିମ ପ୍ରଦାନ କରିଥିଲେ | ଏଥିରେ ଗ୍ରାମ ପଞ୍ଚାୟତର ମାସିକ ବୈଠକ ଅନଲାଇନ ମାଧ୍ୟମରେ କରାଯିବ | ପ୍ରଥମେ ନୋଟିସ, ସଭା ଆଲୋଚନାର ବିବରଣୀ ଆଦି ଅନଲାଇନ ମାଧ୍ୟମରେ ସମସ୍ତ ସଭ୍ୟାସଭ୍ୟ ଓ ଉଚ୍ଚ ପଦସ୍ଥ ଅଧିକାରୀଙ୍କୁ ଅନଲାଇନ ମାଧ୍ୟମରେ ପ୍ରେରଣ କରାଯିବ | ଯାହାଦ୍ୱାରା ସମସ୍ତ ଅଧିକାରୀ, ସଭ୍ୟାସଭ୍ୟ ଅନଲାଇନ ମାଧ୍ୟମରେ ମାସିକ ବୈଠକର ସମସ୍ତ ବିବରଣୀ ଜାଣିପାରିବେ | ଏହି ତାଲିମ ଶିବିରରେ ପଞ୍ଚାୟତ ନିର୍ବାହୀ ଅଧିକାରୀ ପର୍ଶୁରାମ ମାଳୀ, ପ୍ରଭାକର ମୁଦୁଲି, ଅର୍ଜୁନ ଭତରା ଓ ହଳଧର ଜାନୀ, ଏସିପି ସତିଶ ପାଲ ଏବଂ ୧୨ ଟି ପଞ୍ଚାୟତ ର ସରପଞ୍ଚ ଓ ଗ୍ରାମ ରୋଜଗାର ସେବିକା ସେବକ ମାନେ ଉପସ୍ଥିତ ଥିଲେ |
ଡାବୁଗାଁ ରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ