ଆଜି ଦିବସର ଅନୁଚିନ୍ତା : ୨୧ ଫେବୃଆରୀ
ଡ଼ା. ଦେବୀ ପ୍ରସାଦ ମିଶ୍ର,
ଫେବୃଆରୀ ୨୧ ତାରିଖ ବିଶ୍ୱ ଇତିହାସରେ ଭାଷା, ସଂସ୍କୃତି ଓ ମାନବାଧିକାରର ଅମର ସ୍ମୃତିବହନ କରୁଥିବା ଏକ ଦିନ। ୧୯୫୨ ମସିହାରେ ବଙ୍ଗଳା ଭାଷା ଆନ୍ଦୋଳନରେ ନିହତ ଶହୀଦମାନଙ୍କ ସ୍ମୃତିରେ ୟୁନେସ୍କୋ ୧୯୯୯ ମସିହାରେ ଏହି ଦିନକୁ “ଆନ୍ତର୍ଜାତୀୟ ମାତୃଭାଷା ଦିବସ” ଭାବେ ଘୋଷଣା କରିଥିଲା। ଭାଷା ହେଉଛି ଜାତିର ଆତ୍ମା ତେଣୁ,ଏହି ତ୍ୟାଗ ଆମକୁ ସେଥି ପ୍ରତି ଗର୍ବିତ କରେ।
ଭାରତୀୟ କ୍ଷେତ୍ରରେ ମଧ୍ୟ ଏହି ଦିନ ଭାଷା ବିବିଧତାର ସମ୍ମାନର ଶିକ୍ଷା ପ୍ରଦାନ କରେ। ଭାରତର ଅନେକ ଭାଷା ଓ ଉପଭାଷା ଆମ ସାମ୍ପ୍ରଦାୟିକ ଐତିହ୍ୟକୁ ସମୃଦ୍ଧ କରିଛି। ଓଡ଼ିଶା ପାଇଁ ମଧ୍ୟ ଏହା ଗୌରବର ଦିନ, କାରଣ ଓଡ଼ିଆ ଭାଷା ୨୦୧୪ ମସିହାରେ ଶାସ୍ତ୍ରୀୟ ଭାଷାର ମର୍ଯ୍ୟାଦା ପାଇଥିଲା—ଯାହା ଆମ ସାହିତ୍ୟିକ ମାନ୍ୟତାର ସ୍ୱୀକୃତି।
ଏହି ଦିନ ଆମକୁ ସ୍ମରଣ କରାଏ ଯେ,ମାତୃଭାଷାର ସୁରକ୍ଷା ଓ ପ୍ରଚାର କରିବା ଆମ ସାମୁହିକ ଦାୟିତ୍ୱ। ଭାଷା ସୁରକ୍ଷିତ ହେଲେ ସଂସ୍କୃତି ସୁରକ୍ଷିତ ହୁଏ, ସଂସ୍କୃତି ରହିଲେ ଜାତିର ପରିଚୟ ଅବିଚ୍ଛିନ୍ନ ରହେ।
ୟୁନେସ୍କୋର ଆଜୀବନ ସଦସ୍ୟ,ଉତ୍କଳ ଫେଡେରେସନ୍ ଅଫ୍ ୟୁନାଇଟେଡ୍ ନେସନସ୍ ଆସୋସିଏସନ୍ (ଉଫୁନା)ର ମିଡ଼ିଆ ପ୍ରଭାରୀ
ଦୂରଭାଷ : ୯୪୩୭୧୦୬୫୬୯ ; ୭୦୦୮୯୫୯୯୪୫
ଇ-ମେଲ୍ : debisirscience@gmail.com
debiprasadmishra085@gmail.com
