ମୟୂରଭଞ୍ଜ -୧୯/୪ (ମସିହା)ରାଇରଙ୍ଗପୁର ପୌରାଞ୍ଚଳ ଅନ୍ତର୍ଗତ କୁଚେଇବୁଢୀ ଗ୍ରାମ ତଳସାହିର ଶୁଶାନ୍ତ ମହାକୁଡ଼(୨୪) ୨୦୨୦ ରେ ବାଙ୍ଗାଲୋର ଯାଇଥିଲେ । ୨୦୧୧ ମସିହାରେ ବାପାଙ୍କର ମୃତ୍ୟୁ ହୋଇଥିଲା । ଘରେ ଏକମାତ୍ର ମା’ ମୁହଁରେ ଦାନା ଗଣ୍ଡେ ଯୋଗାଇବା ଏବଂ ଘରର ଅଭାବୀ ପୂରଣ ପାଇଁ ୨୦୨୦ ରେ ଦାଦନ ଖଟିବାକୁ ବାଙ୍ଗାଲୋର ଯାଇଥିଲେ ।
ସେଠାରେ ବାଙ୍ଗାଲୋରର Force 18 ସିକ୍ୟୁରିଟି ଗାର୍ଡ ଏଜେନ୍ସି ଘରୋଇ କମ୍ପାନୀରେ ସିକ୍ଯୁରିଟି ଗାର୍ଡ ଭାବେ କାର୍ଯ୍ୟରତ ଥିଲେ ।|୨୦୨୦ ରୁ ସେ ଘରକୁ ଫେରି ନଥିଲେ।ଗତ ଏପ୍ରିଲ ୧୬ ତାରିଖରେ ଘରକୁ ଆସିବା ପାଇଁ ଟିକେଟ କାଟିଥିଲେ । ସେଥିପାଇଁ ମା ଓ ଘର ପାଇଁ କିଛି ଆସାବାବପତ୍ର କିଣାକିଣି କରିଥିଲେ । ହଠାତ୍ ଆସିବା ପୂର୍ବରୁ ଛାତି ଓ ପେଟ ଯନ୍ତ୍ରଣା ହୋଇଥିଲ ।ସଙ୍ଗେ ସ୍ଥାନୀୟ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଡାକ୍ତର ସେଠାରେ ଶୁଶାନ୍ତଙ୍କୁ ମୃତ ଘୋଷଣା କରିଥିଲେ । କମ୍ପାନୀ ତରଫରୁ ଆମ୍ବୁଲାନ୍ସ ଯୋଗେ କରଂଜିଆ ଅଂଚଳର ଶୁଶାନ୍ତର ସହଯୋଗୀ ସଚିନ ପାତ୍ରଙ୍କ ସହ ମୃତ ଶୁଶାନ୍ତ ମୃତଦେହକୁ ରାଇରଙ୍ଗପୁର ପଠାଇଥିଲେ ।ଆଜି ଶୁଶାନ୍ତର ମୃତଦେହ ରାଇରଙ୍ଗପୁରରେ ପହଞ୍ଚିଥିଲା । ଶୁଶାନ୍ତର ମୃତଦେହକୁ ଦେଖିବା ପାଇଁ ଲୋକାରଣ୍ୟ ହୋଇଉଠିଥିଲା । ଶୁଶାନ୍ତର ବୃଦ୍ଧା ମାତା ପୁଅର ମୃତ ଖବର ପାଇ ଘନ ଘନ ଚେତା ବୁଡ଼ି ଯାଇଥିଲା ।
ରାଇରଙ୍ଗପୁର ପୌରାଧ୍ଯକ୍ଷ ଅଭିଷେକ ପଟ୍ଟନାୟକ , ରାଇରଙ୍ଗପୁର ଟାଉନଥାନା ଅଧିକାରୀ ସ୍ବର୍ଣଲତା ମିଂଜ ଓ ଗ୍ରାମବାସୀ ଉପସ୍ଥିତ ରହି ଶୁଶାନ୍ତର ଶେଷକୃତ୍ୟ ସଂପନ୍ନ କରିବାରେ ସହଯୋଗ ଓ ସହାୟତା କରିଥିଲେ ।ଏବେ କଥା ରହିଲା ମୃତ ଶୁଶାନ୍ତର ମାତା କଥା ବୁଝିବ କିଏ?
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ
