ସାଧବବୋହୁ

ସାଧବବୋହୁ ଲୋ ସାଧବବୋହୁ l

ସାରା ବରଷ ତୁ କୁଆଡ଼େ ଥାଉ ll

ଆଦ୍ୟ ଆଷାଢ଼ରେ ବରଷା ଧାରା l

ପୃଥ୍ଵୀ ମଣ୍ଡି ହୋଇ ଘାସ ପସରା ll

ଶ୍ୟାମଳ କେଦାରେ ପଡ଼ୁ ବାହାରି l

ନାଲି ନାଲି ତୋର ଚାଲି ଥିଇରି ll

ରଜ ପରବରେ ଧରିତ୍ରୀ ରାଣୀ l

ରଜସ୍ୱଳା ପାଇ ବରଷା ପାଣି ll

ଭିଜା ଭିଜା ମାଟି ବାସନା ବାରି l

ରଜପୋକ ବୁଲୁ ରାଣୀ ଯେପରି ll

ସରଗେ ଶୋଭଇ ଇନ୍ଦ୍ରଙ୍କ ଚାପ l

ନାମ ବହୁ ତେଣୁ ତୁ ଇନ୍ଦ୍ରଗୋପ ll

ଚିକି ମିକି ତୋର ନାଲି ଓଢଣୀ l

ଭିଜି ଗଲା ପଡ଼ି ବରଷା ପାଣି ll

ତର ବରେ ଚାଲି ପଳା ଘରକୁ l

ଦେଖାହେବ ପୁଣି ଆର ଥରକୁ ll

ସାଧବ ବୋହୁ ଲୋ ସାଧବବୋହୁ l

ତୋ ବଂଶ ନିବଂଶ ନହେଉ ଆଉ ll

ସମୀର କୁମାର ପ୍ରଧାନ ଙ୍କ କବିତା = ସାଧବବୋହୁ